Gogrow.lk

සුවහසක් වාහන අයිතිකරුවන්ගේ one and only, wish එක. කොහොමත් වාහනේ විකුණන්න ළං වෙනකොට එන්ජිම රත්තරන් වේගන එනව වගේ දැනෙනව. ඒක සාමන්‍ය දෙයක්. මේක කොයිතරම් දුරට සාධාරණද?

ලංකාවේ මේ වෙලාවෙ පවතින ආර්ථික අර්බුදය නිසා වාහන ආනයනය කිරීම නවතා දැමීමට සිදුවීම පුදුමයක් නෙවෙයි. එලෙස වාහන ආනයනය නතර කරපු දවසේ ඉඳල නැවත වාහන ආනයනය කරන්න අවසර ලැබෙන දවසක් එනකන් ඉන්නෙ ඇඟිලි ගැන ගැන. ඒකට හේතුව වුනේ මෙන්න මේකයි. රෙජිස්ටර්ඩ් අන්රෙජිස්ටර්ඩ් භේදයක් නැතුව ලංකාවේ වාහනවල එන්ජින් එකපාරටම රත්තරන් වෙලා අහස උසට මිල වැඩිවුන එක.

මේක කොවිඩ් ව්‍යාප්තිය ආරම්භ වුනු දවසේ ඉඳලම වුනු දෙයක්.

ඔයාලට මතක ඇති, මෙරට සාමාන්‍ය මධ්‍යම පන්තියේ කෙනෙක්ට වුනත් මිලදී ගන්න පුලුවන්කම තිබුනු සුසුකි ඇල්ටෝ කාර් එකක මිලත් රුපියල් ලක්ෂ 40ක් විතර වෙනකන් එකපාරම වැඩි වුනු හැටි.

පාවිච්චි කරපු සුසුකි වැගන් ආර් එකක මිල රුපියල් ලක්ෂ 60ටත් වඩා වැඩි වෙනකන් මිල ඉහල ගියේ එකපාරටම.

ඔන්න ඔහොමයි ලංකාවේ වාහන වල එන්ජින් රත්තරන් වුනේ.

කොහොමහරි 2022 පෙබරවාරි වගේ වෙනකොට වාහනවල මිල මෙහෙමයි.

සුසුකී ඇල්ටෝ – රුපියල් ලක්ෂ 35ත් 40ත් අතර
සුසුකී වැගන් ආර් – රුපියල් ලක්ෂ 55ත් 60ත් අතර
ටොයෝටා විට්ස් – රුපියල් ලක්ෂ 60ත් 70ත් අතර
ටොයෝටා ප්‍රිමියෝ – රුපියල් කෝටි 1.5ත් – කෝටි 2ත් අතර
ටොයෝටා කොරොල්ලා – රුපියල් ලක්ෂ 50ත් 55ත් අතර
ටොයෝටා ඇක්වා – රුපියල් ලක්ෂ 60ත් 65ත් අතර
මයික්‍රෝ පැන්ඩා – රුපියල් ලක්ෂ 25ත් 30ත් අතර
ටොයෝටා ඇලියන් – රුපියල් ලක්ෂ 75ත් 80ත් අතර

ඒ වෙද්දි වාහන ආනයනය කරන අයත් කිව්වේ ඉස්සරහටත් වාහන මිල වැඩිවෙයි කියල. ඇත්තටම ඒක වුනා. මොකද එන්න එන්නම ලංකාවේ ඩොලර් සංචිත ක්‍රමක්‍රමයෙන් අඩුවෙලා අද වෙනකොට තත්ත්වය ඉතාමත් දරුණු තැනකයි තියෙන්නෙ. මේකෙන් වුනේ සාමන්‍යයෙන් රස්සාවක් කරල නැත්නම් ස්වෝත්සාහයෙන් මොකක් හරි ව්‍යාපාරයක් හදල තමන්ගේ හීනවලට යන කෙනෙක්ට වාහනයක් කියන එක හීනයක්ම වුනු එක. ආනයනය කරන අයත්, වාහන තියෙන අයත් මේ වෙලාවේ හිතාමතාම පමණ ඉක්මවා මිල වැඩිකරපු නිසාම අමාරුවෙන් සල්ලි එකතු කරල ගන්න ඉන්න අයට ලේසියෙන් ගන්න වුනෙත් නෑ. ඒ වගේම එක එක තැන්වල තමන්ට හිතුනු හිතුනු මිල ගණන්වලට වාහන විකුණපු නිසා නිරපරාදේ ගොඩක් වාහනවලට ලොකු මුදලක් ගෙවලා ගන්නත් ගොඩක් අයට සිද්ධ වුනා. ඒ වගේම සමහර තැරැව්කරුවෝ විශාල ලාභයක් උපයන්නත් මේක භාවිතා කලා.

නමුත් දැන් වාහන වෙළඳපොලේ යම්කිසි වෙනසක් පේන්න තියෙනවා. ඒකට හේතුව ඉන්දියාවෙන් ආනයනය කරන්න යන 800cc හා 1000cc මෝටර් රථ නිසා වෙන්න පුලුවන්. කොහොම වුනත් වාහන වෙළඳපොලේ ඉදිරි අනාගතය ගැන හරියටම අනාවැකියක් කියන්න අමාරුයි. ඉතින් එහෙමයි කියල ඔයා ඔයාගේ හීන අතාරිනවද? නැත්නම් ඒ හීනෙට යන්න හරිම තැන තෝරගන්නවද? ටිකක් හිතල බලල පහලින් comment කරගෙන යන්න. මොන ප්‍රශ්නේ ආවත් උත්සහවන්තයව නවත්තන්න කාටවත් බෑ. හැබැයි අසාධාරණ තැරැව්කරුවන්ට වගේම එන්ජින් රත්තරන් මිලට වාහන විකුණන අයට අහුවෙන්න ඕනිත් නෑ. හොඳට හොයල බලල ඔයා කැමති මිලකට හීන මිලදී ගන්න පුලුවන් තැනක් හොයාගන්න.

එහෙම තැනක් දැනට තියෙනවද?