Twit Flix

බුද්ධාගමට අපහාස කළ බව පවසමින් පසුගියදා ආන්දෝලනයට තුඩුදුන් ජෙරොම් ප්‍රනාන්දු දේවගැතිවරයාගේ දෙමාපියන් තම පුතා වෙනුවෙන් සමාව අයැද සිටිනවා.

තමන් දිවැසිවරයෙකු ලෙස හඳුන්වා ගන්නා ජෙරොම් දේවගැතිවරයාගේ දෙමාපියන් පූජ්‍ය ඕමල්පේ සෝභිත හිමියන් සහ පූජ්‍ය හැඩිගල්ලේ විමලසාර හිමියන් හමුවී බුදුදහමට අපහාස කිරීම සම්බන්ධයෙන් සමාව අයැද සිටි අතර මේ පිළිබඳව සාකච්ඡා කිරීමට අවස්ථාවක් ලබා දීම ගැන භික්ෂූන් වහන්සේලාට කෘතඥතාව පළ කළ ඔවුහු ජෙරොම් දේවගැතිවරයා බුදුදහමේ ඉගැන්වීම් සම්පූර්ණයෙන් වටහාගෙන නොමැති බව ඔවුන්ට දන්වා සිටියහ.

ඒ අනුව බෞද්ධ ප්‍රතිපත්ති අනුව ජෙරොම් දේවගැතිවරයාට සමාව දිය හැකි බව සෝභිත හිමියෝ පිළිගත්හ.

මුලාශ්‍රය - www.dailymirror.lk

ජුලි මාසයේ පැවති මහජන විරෝධතාවයේදී ජනාධිපති නිල නිවසට බලහත්කාරයෙන් ඇතුළු වී දේපළවලට අලාභ හානි සිදු කළ පුද්ගලයින් අත්අඩංගුවට ගැනීම සඳහා පොලීසිය මහජන සහය පතයි. ජුලි 09 වනදා පැවති මහජන විරෝධතාව අතරතුර සහ ඉන් අනතුරුව වාර්තා වූ සිද්ධීන් සම්බන්ධයෙන් කොළඹ අපරාධ කොට්ඨාශය (CCD) පරීක්ෂණ පවත්වයි. CCTV දර්ශන සහ සමාජ මාධ්‍ය ඔස්සේ හඳුනාගත් පුද්ගලයින් 32 දෙනෙකු සිටින්නේ කොහිදැයි තවමත් සොයා ගැනීමට නොහැකි වී ඇති බව පොලීසිය පවසයි. නිකුත් වූ ඡායාරූපවලින් බහුතරයක් ශ්‍රී ලංකා ජනාධිපති පුටුවේ වාඩි වී සිටින සැකකරුවන් ය. ඒ අනුව අපරාධ සම්බන්ධයෙන් අවශ්‍ය සැකකරුවන් අත්අඩංගුවට ගැනීමට පොලිසිය මහජනතාවගේ සහය ඉල්ලා ඇත. තොරතුරු දන්නා මහජනතාවට 071-8591559 / 071-8085585 / 011-2391358/ 1997 ක්ෂණික ඇමතුම් අංකය ඔස්සේ පොලිසිය අමතන ලෙස ඉල්ලා ඇත. (මූලාශ්‍රය - NewsWire)