Hot Cofee

"එකිනෙකා අසලින් ගැඹුරින් සිටින්න,
ගැඹුරින් ආදරය කරන්න..නමුත් ලං නොවන්න මන්ද දේවස්ථානයක වහලක් දරා සිටින මහා කුළුණු පවා සිටින්නේ එකිනෙකට යම් පරතරයක් තබාගෙනයි. එමෙන්ම මතක තබා ගන්න, ඕක් ගසක් හෝ සයිප්‍රස් ගසක් කිසිවිටෙකත් එකිනෙකාගේ සෙවනැල්ල යට, එකිනෙකාගේ නිදහස අවහිර කරමින් වැඩෙන්නේ නැත."

ඇතැම් විට,
මා හොඳින් දැයි ඇසීමට කිසිවෙකු සිටියේ නැත.
නමුත් මා පමණටත් වඩා සිනාසුනෙමි...
හිස අත ගා සනසන්නට
කඳුළු පිසින්නට කිසිවෙක් සිටියේ නැත.
නමුත් මා තනිව සැනසුණෙමි....
හදවත දැඩි ලෙස රිදුම් දෙන විට
වැරෙන් තුරුළු කර ගන්නට කිසිවෙකු සිටියේ නැත.
නමුත් මා තනිව රිදුම් පිරිමැද්දෙමි....

ඇතැම් විට මම හොඳින් නොවන වග මා දැන දැනත්,
තවත් සිත් රිදුම් දුන් මිනිසුන් දුටුවෙමි.
ඒ දෙස බලා මා දරා ගතිමි....

ඉතිං
ජීවිතේ එහෙම තමයි
පමණටත් වැඩි රිදවුම් මෙන්ම
පමණටත් වැඩි දරාගැනීම් පවතී...

ඉදිරියටත්.......!

" නොනිමි"

සැබැවින්ම සතුට ඔයා තුළම හැංගිලා ඉන්නවා.
ජීවිතයට ආදරයෙන්,නිදහසේ ටිකක් කල්පනා කරන්න​ පටන් ගන්න .
හමුවන දන්න නොදන්න අයට පුංචි සිනහවක් තිළිණ කරන්න​ .
ඔයාට ගොඩක් සතුරුකම් කරන කෙනාට සමාව දෙන්න පටන් ගන්න.
මලක් කඩන්නේ නැතුව එහි අපූර්වත්වය විඳින්න උත්සාහ කරන්න​ .
ජාතී,ආගම්,කුල භේද අමතක කරලා මිනිස්සු දෙස විවෘතව බලන්න පටන් ගන්න.
අනිත් අයට ටිකක් සවන්දෙන්න.
මේ දේවල් කරන්න​ ඔයාට කීයක්වත් යන්නේ නැහැ . එතකොට ඔයාට වැඩි වෙලාවක් යන්න කලින් තේරුම් යයි ඔයා හොයන සතුට ඔයා තුලම සැඟවිලා තියනවා කියලා ..🤎