Healthier With Rim

من أول لحظة حسّيت فيكي، تغيّر كل شي بحياتي 💗

رح سميكي سيرينا، معنى اسمك “الهدوء والسلام” لان وجودك بحياتي خلاني افهم قديه هالصفتين مهمين ووجودهم بغير كل شي بالحياة للاحسن.

كل نبضة منك إلها قصة… غيرتيني، قويتيني، وخلّيتيني أكتشف بحالي قوة وارادة ما كنت بعرف إنها موجودة.

تعلمت إنو مش لازم يكون كل شي كامل أو مثالي، المهم بهالفترة نهتم بصحتنا وبصحة البيبي، لأننا فعلاً عم نعمل أعظم شغلة بالحياة: عم نخلق حياة ✨

وكأخصائية تغذية بتعامل يوميًا مع نساء حوامل، بعد تجربتي الشخصية فهمت قديه الحمل مش بس حسابات وأرقام وأكل وبروتوكولات… هو مشاعر، أحاسيس، وتقلّبات حقيقية بتغيّرنا من الداخل قبل الخارج 🤍 وفهمت قديه المرأة الحامل بحاجة لدعم حقيقي من الاشخاص لحواليها .

وانا الحمدلله من هون بشكر زوجي حبيبي وامي حبيبتي لي لعبوا دور كثير مهم انه كمل هالمرحلة ونفسيتي الحمدلله مرتاحة.
وانتوا اذا قريب الكم اي مراة حامل اهتموا فيها ودللوها هيدي اكثر فترة بحاجة الكم فيها. 🥰

تجربتي ما كانت مثالية، بس كانت حقيقية بكل لحظة منها.

نصيحتي لكل مراة حامل ما تضغطي ع حالك، ولا تعقدي الأمور… حبي تغيّرات جسمك، حبي حالك، وتقبليها كيف ما كانت ، هي فترة ورح تمرق ومن بعدها رح تصيري احلى بكثير من قبل 🌸

اشتقتلكم ورح ارجعلكم عن قريب بمحتوى اقوى من قبل ورح نكمل طريقنا سوا باجمل واهم النصائح الصحية 💕

صرت بآخر شهري، ادعولي الله يتمملي على خير 🤍 والله يتمم لكل حامل بالسلامة، ويرزق كل مشتاقة هالنعمة قريبًا 💫

🚨🚨

بجبالك ، بيحبرك، بكل حبة تراب فيك بحبك !! ❤️‍🩹🇱🇧