Zeina

سلّم علييّ..
اذا بشي صدفة
بتتلاقى فييّ..
ووشوِش عينييّ..
وان كنت نسيت
ذكّرني فيك
تعرّف عليّي..

سلّم عَ إيّامي وأحلامي
وصّللي منّي سلامي..
وما تترك إيديّي..

بكرا سكيّنو بتغزّ
بترسم جرحي عروحك
كل ما غَدرو فيك يحزّ
تنِزّ جروحي بجروحك

تفرش درب غيابو بوَرد
وأمَلك من بعد الغَيبِة
يتخزّأ عَ كتر الجَلد
وتتعرّى بثَوب الخيبِة

وكل شي قدّمتو بإيمان
وأشيا شفتا عظيمة
يرميها قبالَك شمتان
يشلّحها كل القيمة

ترجع مكسور وندمان
خيالك بصعوبة تجرّو
وبغصون عيونك علقان
أحلامك ياللي هرّوا

وتشفَق عحالك وتعِد
جياب سنينك لي تفضّوا
ما تلاقي عإيدك جِلد.كِتْر النّدم اللي عَضّو