Pinim Pro

ບໍລິສັດ ພິນິມ ໂປຣ ຈຳກັດ ໄດ້ຮັບກຽດຄວ້າ ລາງວັນຫົວໜ່ວຍວິສາຫະກິດ MSMEs ດີເດັ່ນດ້ານຄວາມຍືນຍົງ (Sustainable MSMEs Excellence Award) ຂະແໜງ ການສ້າງມູນຄ່າເພື່ອສັງຄົມ ແລະ ເສດຖະກິດ (Creating Value for Society and the Economy) ໃນງານ Lao MSMEs Expo 2026 ເມື່ອວັນທີ 1 ມີນາ 2026 ທີ່ສູນການຄ້າລາວ-ໄອເຕັກ, ນະຄອນຫຼວງວຽງຈັນ ຈັດໂດຍ ກະຊວງອຸດສາຫະກໍາ ແລະ ການຄ້າ.
ລາງວັນນີ້ ເປັນການຢັ້ງຢືນເຖິງຄວາມມຸ່ງໝັ້ນຂອງ ພິນິມ ໂປຣ ຕະຫຼອດ 10 ປີ ໃນການສ້າງມູນຄ່າໃຫ້ແກ່ສັງຄົມ ຜ່ານ 3 ໂຄງການສຳຄັນ:
🔹 ງານນັດພົບແຮງງານ (Jobs Fair) ເຊື່ອມຕໍ່ໄວໜຸ່ມກັບໂອກາດການຈ້າງງານຫຼາຍພັນຕຳແໜ່ງ
🔹 ງານສົ່ງເສີມການອ່ານ (Book Festival) — ຈັດຕັ້ງແຕ່ປີ 2019 ດຶງດູດຜູ້ເຂົ້າຊົມ 100,000+ ຄົນ ຂະຫຍາຍໄປຈຳປາສັກ ແລະ ຊຽງຂວາງ
🔹 ໂຄງການອາສາສະໝັກໄວໜຸ່ມ (Youth Volunteer Programme) — ເປີດໂອກາດໃຫ້ນັກຮຽນ-ນັກສຶກສາ ໄດ້ຮຽນຮູ້ວຽກງານອີເວັ້ນຕົວຈິງ ໂດຍບໍ່ເກັບຄ່າໃຊ້ຈ່າຍ

ຂອບໃຈທີມງານ ພິນິມ ໂປຣ ທຸກຄົນ, ລູກຄ້າ ແລະ ຄູ່ຮ່ວມງານທຸກພາກສ່ວນ ທີ່ເປັນແຮງຜັກດັນໃຫ້ພວກເຮົາກ້າວມາຮອດມື້ນີ້. ພວກເຮົາບໍ່ໄດ້ພຽງແຕ່ຈັດງານອີເວັ້ນ — ພວກເຮົາການສ້າງມູນຄ່າເພື່ອສັງຄົມແບບຍືນຍົງເພື່ອປະເທດຊາດ 🇱🇦

#ພິນິມໂປຣ #ລາງວັນMSMEsດີເດັ່ນ

ບໍລິສັດ ພິນິມໂປຣ ຈຳກັດ ມີຄວາມພູມໃຈຢ່າງສູງທີ່ຈະແຈ້ງໃຫ້ຊາບວ່າ ພວກເຮົາໄດ້ຮັບກຽດຄວ້າລາງວັນ LAO MSME OUTSTANDING AWARD 2026 ຢ່າງເປັນທາງການ ໃນວັນທີ 27 ກຸມພາ 2026 ທີ່ຜ່ານມາ! 🇱🇦
ລາງວັນນີ້ ເປັນສິ່ງຢືນຢັນເຖິງຄວາມມຸ່ງໝັ້ນ ແລະ ຄວາມພະຍາຍາມຂອງທີມງານພິນິມໂປຣ ທຸກຄົນ ທີ່ໄດ້ຮ່ວມກັນສ້າງ ແລະ ພັດທະນາການບໍລິການ ເພື່ອຕອບສະໜອງຄວາມຕ້ອງການຂອງລູກຄ້າທົ່ວ 18 ແຂວງໃນທົ່ວປະເທດລາວ.
ບໍລິສັດພວກເຮົາຍຶດໝັ້ນໃນຫຼັກການ "Planner for Planner" ໂດຍເນັ້ນໃສ່ຄຸນຄ່າຫຼັກ 4 ປະການ ຄື: ຄວາມລິເລີ່ມ (Initiative), ຄຸນນະພາບ (Quality), ຄວາມເປັນມືອາຊີບ (Professionalism), ແລະ ຄວາມຊື່ສັດ (Integrity).
ລາງວັນນີ້ ບໍ່ພຽງແຕ່ເປັນຂອງບໍລິສັດ ແຕ່ເປັນຂອງທຸກຄົນທີ່ໄດ້ສະໜັບສະໜຸນ ແລະ ໄວ້ວາງໃຈພວກເຮົາມາຕະຫຼອດ — ລູກຄ້າ, ຄູ່ຮ່ວມງານ, ອົງການຈັດຕັ້ງສາກົນ, ແລະ ທີມງານທຸກຄົນ.
ພວກເຮົາຈະສືບຕໍ່ມຸ່ງໝັ້ນ ພັດທະນາ ແລະ ຍົກລະດັບການບໍລິການ ເພື່ອສະໜັບສະໜຸນ SMEs ລາວ ແລະ ປະກອບສ່ວນເຂົ້າໃນການພັດທະນາເສດຖະກິດຂອງປະເທດ!
🙏 ຂອບໃຈທຸກຄົນທີ່ເປັນສ່ວນໜຶ່ງຂອງການເດີນທາງນີ້!
#ພິນິມໂປຣ #ລາງວັນMSMEດີເດັ່ນ

ຂອບໃຈ! ທີ່ມອບຫມາຍໃຫ້ ບໍລິສັດ ພິນິມ ໂປຣ ຈໍາກັດ, ເປັນສ່ວນໜຶ່ງໃນການສໍາຫລວດ-ອອກແບບພາບ 3D, ເພື່ອກະກຽມສູ່ພິທີເປີດນໍາໃຊ້ໂຮງແຮມ ທັນສະໄຫມ ຢູໂຈ້ ຢ່າງເປັນທາງການໃນໄວໆນີ້, ຊຶ່ງສະຖານທີ່ໂຮງແຮມຕັ້ງຢູ່ບ້ານຫນອງວຽງຄຳ, ເມືອງໄຊທານີ, ນະຄອນຫລວງວຽງຈັນ.
---------------------
ທ່ານສາມາດ ຕິດຕາມຜົນງານຂອງບໍລິສັດ Pinim Pro ໄດ້ທີ່:
Facebook: https://www.facebook.com/PinimPro
Website: pinimpro.com
Youtube: https://www.youtube.com/
Email: [email protected]
Tel: +856 20 59 299 666