Rural Development Agency RDA.

ວ່າແນວໃດໄວໜຸ່ມ!!! ສໍາລັບໄວໜຸ່ມຜູ້ທີ່ມີຄວາມຕ້ອງການຢາກສ້າງການປ່ຽນແປງໃຫ້ຕົນເອງເພື່ອອະນາຄົດ ສູນພັດທະນາຊົນນະບົດ ເປິດຮັບສະໝັກໄວໜຸ່ມເຂົ້າຮ່ວມໂຄງການ “ ຮຽນຮູ້ເພື່ອອະນາຄົດ ຫຼື I4Future ” ໂຄງການນີ້ເປັນໂຄງການທີ່ເປີດໂອກາດໃຫ້ກັບໄວໜຸ່ມໄດ້ມາຮຽນຮູ້, ທົດລອງ ແລະ ລົງປະຕິບັດຕົວຈິງ ເພື່ອສ້າງປະສົບການທີ່ດີໃຫ້ກັບຕົນເອງ ສິ່ງທີ່ຈະໄດ້ຮຽນຮູ້ ແລະ ເງື່ອນໄຂໃນການຮັບສະໝັກ ສາມາດອ່ານໃນຮູບທີ່ໂພສລົງນີ້ໄດ້ເລີຍ ສົນໃຈສະໝັກສາມາດກົດລິ້ງສະໝັກທີ່ຢູ່ໃນຄອມເມັ້ນຂອງໂພສນີ້ ຫຼື ສະແກນຄິວອາໂຄດທີ່ຢູ່ໃນຮູບໂພສເຕີຂອງພວກເຮົາ
ສອບຖາມຂໍ້ມູນສາມາດຕິດຕໍ່:
ເບີໂທ :
020 7801 0015 ຕານ້ອຍ (ໄດ້ທັງໂທ ແລະ ສົ່ງ WhatApp ໄດ້);
020 2888 5944 ແຂກ (ໄດ້ທັງໂທ ແລະ ສົ່ງ WhatApp ໄດ້);
ຫຼື ສົ່ງຂໍ້ຄວາມເຂົ້າມາໃນ page: Rural Development Agency RDA.
ຂໍ້ມູນເພີ່ມຕື່ມທີ່: https://rdalaos.org/2026-i4f/
________________________________________
#ໂຄງການຮຽນຮູ້ເພື່ອອະນາຄົດ



rdalaos.org

ເຕີມໄຟໃຫ້ໄວລຸ້ນ ເປັນກິດຈະກຳຫຼ້າສຸດທີ່ທີມງານສະເຕ່ວລ້າ ຈັດຂື້ນມາເພື່ອໃຫ້ອ້າຍເອື້ອຍຈາກຫຼາຍໆພາກສ່ວນ ໄດ້ມາສ້າງແຮງບັນດານໃຈ ຫຼື ແບ່ງເປັນເຄັດບໍ່ລັບທີ່ເຂົາເຈົ້າໃຊ້ໃນຊີວິດປະຈຳວັນ ຫຼື ເຮັດສິ່ງດີໆໃຫ້ກັບຊຸມຊົນ ແລະ ສັງຄົມ.

ມື້ນີ້ຈະພາທຸກຄົນມາ ຮູ້ຈັກກັບ ເອື້ອຍ ຈັນທະລັງສີ ສີສຸວັນ ຫຼື ເອື້ອຍສີ່ ຜູ້ກໍ່ຕັ້ງ ແລະ ຜູ້ອໍານວຍການຂອງສູນພັດທະນາຊົນນະບົດ (RDA) ນັບຕັ້ງແຕ່ປີ 2009 ເປັນຕົ້ນມາ, ເຊີ່ງເປັນອົງກອນບໍ່ຫວັງຜົນກໍາໄລ ທີ່ເຮັດວຽກຮ່ວມກັບໄວໜຸ່ມ, ຊຸມຊົນ ແລະ ອຳນາດການປົກຄອງທ້ອງຖິ່ນ, ເພື່ອການສົ່ງເສີມການພັດທະນາຊຸມຊົນແບບຍືນຍົງຢູ່ໃນລາວ. ທັງດ້ານສິ່ງແວດລ້ອມ, ໂພຊະນາການ, ສຸຂານາໄມ ແລະ ການຄໍາປະກັນສະບຽງອາຫານ.

ດ້ວຍປະສົບການ ແລະ ເຄືອຄ່າຍທີ່ກວ້າງຂວາງ ລາວສ້າງໂອກາດໃຫ້ຊຸມຊົນມີສ່ວນຮ່ວມໃນການຕັດສິນໃຈ ແລະ ເສີມສ້າງທັກສະອາຊີບຜ່ານຜູ້ປະກອບການຂະໜາດນ້ອຍໃນສັງຄົມ, ຊຸມຊົນ ແລະ ຊົນນະບົດຂອງ ສປປ ລາວ ໃນພາກພື້ນ.

ເອື້ອຍສີ່ຄິດວ່າ Food waste ສ້າງຜົນກະທົບຕໍ່ກັບສິ່ງແວດລ້ອມຍ້ອນວ່າ ການບໍລິໂພກທີ່ສີ້ນເປືອງ ຫຼື ປະຖີ້ມອາຫານຈົນກາຍເປັນອາຫານເສດເຫຼືອ ແມ່ນສິ່ງທີ່ໜ້າລະອາຍຫຼາຍ, ເພາະຍັງມີເດັກນ້ອຍ ແລະ ແມ່ຍິງຖືພາ ຂາດອາຫານທີ່ຫຼາກຫຼາຍ ເປັນບັນຫາທີ່ນັກພັດທະນາຄືພວກເຮົາຕ້ອງໄດ້ຕໍ່ສູ້ ແລະ ໃຫ້ຄວາມຮູ້ແບບຮີບດ່ວນຕໍ່ກັບທຸກຄົນໃນຊຸມຊົນ. ນອກຈາກນັ້ນເມື່ອໄດ້ຍີນຄໍາຖາມວ່າ ຄິດແນວໃດກັບ ຜົນກະທົບຕໍ່ສິ່ງແວດລ້ອມຂອງອາຫານທີ່ເສດເຫຼືອ ແນ່ນອນມັນກະທົບຕໍ່ແຮງງານກະສິກອນ ພະລັງງານການຜະລິດ ແລະ ສ້າງມົນລະພິດໃຫ້ສິ່ງແວດລ້ອມຈາກສິ່ງເສດເຫຼືອຂອງອາຫານເຫຼົ່ານີ້.

ເພື່ອຫຼຸດ Food waste ສິ່ງທີ່ເອື້ອຍສີ່ເລືອກເຮັດແມ່ນ:
• ວາງແຜນການກິນ ແລະ ໃຊ້ວັດຖຸດິບໃຫ້ພໍດີ.
• ຖ້າມີອາຫານຫຼາຍ ຈະແບ່ງປັນໃຫ້ຄົນໃກ້ຕົວ ຫຼື ເພື່ອນຮ່ວມງານ.
• ສ່ວນທີ່ເປັນອາຫານເສດເຫຼືອແມ່ນ ນໍາໄປໃຫ້ຂີ້ກະເດືອນທີ່ອອຟຟິດ ເພື່ອການຍ່ອຍສະລາຍກັບຄືນສູ່ທໍາມະຊາດ.

ອາຫານເສດເຫຼືອບໍ່ແມ່ນເລື່ອງໄກຕົວ ແຕ່ຄືສິ່ງທີ່ເຮົາທຸກຄົນຊ່ວຍຫຼຸດຜ່ອນກັນໄດ້ ເລີ່ມຈາກການວາງແຜນການກິນແບບພໍດີ ແລະ ຈັດການເສດອາຫານໃຫ້ກັບຄືນສູ່ທຳມະຊາດ ລອງມາສ້າງ ວັດທະນະທຳ ບໍ່ຖິ້ມອາຫານຖ້າບໍ່ຈຳເປັນ ເພື່ອຊ່ວຍຮັກສາສິ່ງແວດລ້ອມ ແລະ ສ້າງຄວາມຫມັ້ນຄົງທາງສະບຽງອາຫານໄປພ້ອມກັນ. ແລ້ວເຈົ້າເດມີວິທີຈັດການກັບເສດອາຫານແບບໃດແດ່?ມາແບ່ງປັນກັນໄດ້ເລີຍ.

ສຳລັບຄອມເມັ້ນໃດທີ່ຖືກໃຈທີມງານ ເຮົາມີຂອງທີ່ລະນຶກງາມໆໃຫ້ 3 ລາງວັນລາຍລະອຽດອ່ານຕໍ່ໄດ້ໃນຄອມເມັ້ນເລີຍ.