Bilge Center

Қазақ КСР ғылым академиясының академигі, үш мәрте Социалистік Еңбек Ері - Дінмұхамед Ахметұлы Қонаевтың туған күні. Қонаев өз заманының ұлы саясаткері бола білді. Ол билік басында болған уақыт күрделі болғанымен, елдің экономикасы мен әлеуметтік саласын дамытуда айрықша еңбек етті.

Дінмұхамед Қонаев ел басқарған жылдары Қазақстанның өнеркәсіп өндірісінің көлемі, ауыл шаруашылығы өсіп, 43 қала пайда болды.
Оның ішінде өнеркәсіп орталығы саналған Рудный, Екібастұз, Шевченко, Теміртау, Арқалық, т.б. қалалары салынды.

◽️Қазақ өнерін жоғары бағалаған Дінмұхамед Қонаев өнерде жүрген жандарды жан-жақты қолдап, қазақ мәдениетінің дамуына ықпал жасады.

1967 жылы Қонаевтың басшылық етуімен Алматы өзенінің жоғарғы жағында бөгет салынып, 1973 жылы Алматыны селдің бүлінуінен сақтап қалды.

Министрлер кеңесінің төрағасы болғанда Қонаев академик атағы үшін өзіне төленетін 340 сом шамасындағы ақыдан бас тартқанын білеміз. Бұл ақшаны ол балалар мен жас ғалымдарға көмектесу мақсатында жұмсауға бұйырды. Осындай кішіпейілділік оның туа бітті қасиеті екені көзге көрініп тұрды және жұрттың оған деген сенімін күшейтті. Оның жеке басының байлық-дәулетке қызығушылығы байқалмады.

Дінмұхамед Ахметұлы арқасында Қазақстанның өнеркәсіп, оның ішінде түрлі-түсті металлургия саласы жоғары деңгейде дамыды

Дінмұхаммед Қонаев-ұрпақтарының жақсы естелігі мен алғысын қалдырған санаулы мемлекет қайраткерлерінің бірі.

▪️1993 жылы 22 тамызда 82 жасқа қараған шағында кенеттен қайтыс болды. .academy #тарих #қонаев