Golden Point Learning Center

K-pop World Festival စိတ်ဝင်စားသူများအတွက်

2024 အတွက် K-Pop World Festival in Myanmar ရဲ့ အချိန် တဖန်ပြန်လည်ရောက်ရှိလာပါပြီ။ ဒီနှစ် ပြိုင်ပွဲနဲ့ ပတ်သက်သည့် စည်းမျဉ်းစည်းကမ်း အဆင့်ဆင့်ကို အောက်ပါအတိုင်း သေချာ ဖတ်ရှုပေးဖို့ မှာကြားအပ်ပါသည်။

ဦးစွာ ပြိုင်ပွဲအား

- ပထမအဆင့် : Online Video Audition
- ဒုတိယအဆင့် : မြန်မာ့အဆင့်ရွေးချယ်ခြင်း Competition (2024, July)
- တတိယအဆင့် : နိုင်ငံတကာအဆင့် ဗိုလ်လုပွဲ (Changwon, Korea) ဟူ၍ ယှဉ်ပြိုင်ရမည် ဖြစ်ပါသည်။

ပထမအဆင့် Online Video Audition အတွက် အောက်ပါ Google Form Link အား ပြည့်စုံစွာ ဖြည့်စွက်ပြီး Cover Dance/ Song အား ဝင်ရောက်ယှဉ်ပြိုင်ရပါမည်။ Google Form တွင် မိမိ၏ ပြိုင်ပွဲဝင်မည့် Video အား Google Drive Link အဖြစ် ထည့်သွင်းပေးရမယ်ဖြစ်ပြီး share အား anyone ထားထားပေးရမည် ဖြစ်ပါသည်။ ပေးပို့လာသော Video ကို အကဲဖြတ်ဒိုင်လူကြီးများမှ အမှတ်ပေး စိစစ်မည်ဖြစ်ပါသည်။ လျှောက်လွှာတင်ခွင့် နောက်ဆုံးရက်မှာ June 10, 2024 ဖြစ်သည်ကို အထူးသတိပြုစေလိုပါသည်။

Form Link

https://docs.google.com/forms/d/e/1FAIpQLSeRMD52dSC6Oy0Lq1YIvIKBLtJiXfvQhU1moXssO3ZTy0TZvw/viewform?usp=sf_link

ဒုတိယအဆင့် မြန်မာ့အဆင့်ရွေးချယ်ခြင်း Competition အား Offline Event အနေဖြင့် 2024, July တွင် ကျင်းပသွားပြီး တတိယအဆင့် ကိုရီးယားနိုင်ငံ၊ ချန်ဝန်မြို့တွင် ပြုလုပ်သွားမည့် နိုင်ငံတကာအဆင့် ဗိုလ်လုပွဲအား မြန်မာကိုယ်စားလှယ်အဖြစ် သွားရောက်ယှဉ်ပြိုင်ရန် အဆို (၁)ဖွဲ့ ၊ အက (၂)ဖွဲ့ ပေါင်း (၃)ဖွဲ့ကို ရွေးချယ်သွားမည် ဖြစ်ပါသည်။ အနိုင်ရ (၃)ဖွဲ့၏ Performance Video များအား KBS သို့ ပေးပို့သွားမည်ဖြစ်ပါသည်။

တတိယအဆင့် နိုင်ငံတကာအဆင့် ဗိုလ်လုပွဲအတွက် ပြိုင်ပွဲရလဒ်အဖြေအား August, 2024 တွင် အသိပေးကြေညာသွားမည်ဖြစ်ပါသည်။

2024 K-Pop World Festival in Myanmar ရဲ့ သတိပြုရမည့် စည်းကမ်းချက်များ
⁃ မြန်မာနိုင်ငံသားဖြစ်ရမည်ဖြစ်ပြီး အသက် (၁၈)နှစ် မပြည့်သေးသူများသည် မိဘအုပ်ထိန်းသူ၏ ခွင့်ပြုချက် ပါရှိရပါမည်။
⁃ Category (၂)ခုလုံးအတွက် Solo, Duo, Group စသဖြင့် ယှဉ်ပြိုင်ပိုင်ခွင့်ရှိပါသည်။
⁃ ပြိုင်ပွဲဝင် တစ်ဦး/အဖွဲ့သည် မိမိယှဉ်ပြိုင်မည့် ကာဗာ အဆို/အက (၁)ခုကိုသာ ရွေးချယ်ရမည်ဖြစ်ပြီး ပြိုင်ပွဲဝင် (၁)ဦးသည် (၁)ဖွဲ့တည်းသာ ယှဉ်ပြိုင်ခွင့်ရှိပါသည်။
⁃ တစ်ဖွဲ့သည် Video အား (၁)ကြိမ်သာ ပေးပို့ရမည်ဖြစ်သည်။
⁃ အဆို ပြိုင်ပွဲဝင်များသည် Back Dancer အား ထည့်သွင်းနိုင်ပြီး ပြိုင်ပွဲဝင်ဟု မသတ်မှတ်ဘဲ အဆိုကိုသာ အကဲဖြတ် အမှတ်ပေးမည်သာ ဖြစ်ပါသည်။ အကပြိုင်ပွဲဝင်ထားသူများသည် အဆို၏ Back Dancer လုပ်ခွင့်ရှိပါသည်။
⁃ Korean သီချင်း (K-Pop) ဖြစ်ရမည် ဖြစ်ပြီး အဆိုတော်များ၏ နိုင်ငံခြားသီချင်း ကာဗာများဖြင့် ယှဉ်ပြိုင်ခွင့်မရှိပါ။ ကိုရီးယားဘာသာစကား သီချင်းဖြင့်သာ ယှဉ်ပြိုင်ခွင့် ရှိပါသည်။
⁃ ပြိုင်ပွဲဝင်သီချင်းအား အများဆုံး (၅)မိနစ်ထက် ကျော်လွန်၍ မရသလို mash-up များလည်း ခွင့်မပြုပါ။
⁃ အကအတွက် Own-Choreography/ Intro/ Break Dance အား ထည့်သွင်းခွင့်ရှိပြီး သီချင်း၏ (၁၀)%မျှသာ ထည့်ခွင့်ရှိပါသည်။
⁃ ပထမအဆင့်ကို အောင်မြင်သူများသည် သီချင်းအား ပြောင်းလဲခွင့်ရှိပြီး ဒုတိယအဆင့်နှင့် တတိယအဆင့် သီချင်းသည် ပြောင်းလဲခွင့်မရှိသည်ကို သတိပြုစေချင်ပါသည်။
⁃ ပြိုင်ပွဲမှ ထွက်ခွါလိုပါက ဒုတိယအဆင့်ပြိုင်ပွဲ မတိုင်မှီ (၂)ပတ်အလိုတွင် အကြောင်းကြားပေးရပါမည်။
⁃ ပြိုင်ပွဲဝင်များ၏ ယှဉ်ပြိုင်မှု Video များနှင့် ဖျော်ဖြေမှု ဓါတ်ပုံများအား Korean Embassy in Myanmar မှ Korean Culture အတွက် ပြသခြင်း၊ ထုတ်ဝေခြင်း၊ ကြော်ညာခြင်း စသည်အတွက် အသုံးပြုနိုင်သည်ကို သိရှိထားရမည်ဖြစ်ပါသည်။