Olnodo.com

УИХ-ын гишүүн Ж.Золжаргал: Энэ мидлинг бол баяжуулсан нүүрс биш. Угаасан нүүрс биш.

Гарт барихад хүнд, шидвээс “ток” гээд л хагардаггүй, чулуурхаг зүйл. Нүүрсийг ялгахдаа сайн нүүрс, чулуу болон тэр хоёрын дундын хэсэг буюу “мидлинг” гэж 3 хуваадаг. Энэ мидлинг бол баяжуулсан нүүрс биш. Угаасан нүүрс биш. Завсрын бүтээгдэхүүн. Угаасан нүүрс 10% үнстэй бол энэ мидлинг 25-30%. Тиймээс дутуу шатаж угаарын хий үүсгэх нь илүү байдаг. Үүнийг нийгмээрээ хохирч баталлаа.

Шахмал түлшийг өнгөрсөн 6 жил үүгээр хийсэн. Арай гэж хүлээн зөвшөөрөх аятай болоод ирэхэд нь “үнс багатай, сайхан гялгар хар нүүрс ашиглаач” гэхээр “өө Хятадаас хөх нүүрс авна” гээд зүтгэчихсэн. Тэр нь нэг дүлий саарал юм. “Богино хугацаанд өөр арга үгүй” гэдэг үндэслэлгүй, буруу дүгнэлтийг нэвт явуулчихсан. Энэ шийдвэр эрх баригчдын нэр хүндийг шороотой хутгана. Тэр нь ч яахав. Харамсалтай нь хүмүүс хохирно.