TIRONA-TV.NET

100 mije leke bileta tek karshia - kur s'te plas te mbushesh stadiumin me tifoze, por arken me leke - si perfundim nuk arrin asnjonen!

Nje tjeter kampionat i vjedhur. Sa te pasur paskemi qene!

Cfare emri mund ti vesh nje administrate qe simbol te klubit ben draper dhe cekanin ne fasaden e muzeut simbol te regjimit komunist te ngritur ne vend te te vetmit simbol te vertete te qytetit - Bashkise se Tirones!

Skandali me fanelat e reja të Tironës vërteton për të disatën herë që drejtuesit e klubit nuk kanë ansji lidhje me Tironën dhe historinë e saj.

Në pesëdhjetë vjet komunizëm Tirona dhe tifozët e saj kanë luftuar për të ruajtur identitetin e këtij Klubi që përfaqësonte më shumë se një qytet, përfaqësonte nje luftë ideologjike. Atë luftë ne e fituam, sepse kurrë nuk u përgjunjëm për të kënduar “17 Nëntori” në shkallët e stadiumit, thërritëm përherë ashtu siç na kish mësuar ky qytet që në djep, thërritëm “Tirona”.

Sot, administrata më e turpshme që ka drejtuar Tironën në 30 vjet demokraci ka vendosur të njollosë identitetin e klubit, të poshtërojë me dy këmbë historinë e ekipit që nuk iu dorëzua komunizmit. Administrata e cila e çoi në kategorinë e 2 për t’i dhënë një shuk me para president Halilit, ka vendosur që të njollosë edhe më fanellën e ekipit. Në prag të 100 vjetorit të lindjes së klubit më të bukur që ka parë historia e sportit shqiptar, administrata dhe servilat e pshtirë që nderojnë fshehurazi filmat me partizanë kanë vendosur të na qepin në flamurin tonë simbolin e diktaturës komuniste.

Vendosja e “Muzeut Kombëtar” në fanellën dhe simbolin e Tironës është krim ndaj identietit tonë dhe klubit. Godina e shpifur e Muzeut Kombëtar përaqëson lavazhin ideologjik që Tirona dhe tifozat e saj luftuan për 5 dekada diktaturë. Ajo godinë e shpëlarë me gjakun e sa të burgosurve politikë nuk mund të jetë simboli i Tironës dhe as pjesë e krenarisë së qytetit. Paturpësisht administrata e legenosur pasi i dha stadiumin “Selman Stërmasi” në shërbim të klubit të horrave të kuq të Morrit, po ndryshon historinë.

Fëmijët tanë nuk mund të rriten me gënjeshtra dhe pallavra të presidenti që kërkon thesin e fundit të çimentos për të mbaruar pallatet imagjinare. Identieti i klubit dhe ekipit për të cilin kanë luftuar nga i nderuari Selman Stermasi e deri tek i ndjeri Fatmir Frashëri nuk është mall në treg. Asnjë dhe askush nuk mund të shesë dhe blejë identitetin e klubit dhe historinë e tij. Kemi duruar boll. Kemi duruar që kjo administratë të lejojë Lej Fenët e qytetit të na thërrasin stadiumin nën emrin e Hafijeve, kemi duruar heqjen e emrin e themeluesit të klubit. Por, nuk mund ende të durojmë maskarallëkun e një administrate të tedhur në zyrat e bashkisë Tiranë.

Urojmë që këtë gabim të turpshëm ta korrigjojnë sa më parë personat ne klub, të cilët edhe pse skanë mend të mendojnë, të kenë veshë të degjojnë.

Sa inot te vje me veten ndonjehere kur ke te drejte...

'Rilindja' e TirAnes 18 Qershor 2017