Gaddawi Tech

خطوات الاشتراك ببوت الترلجرام

رابط البوت
https://t.me/BoardScopebot



#ريفرنس

بث مباشر مشترك على اليوتيوب بعد دقائق ان شاء الله



#ريفرنس

نتوجه باعتذارنا الشديد من جميع الاخوة المتابعين عن عدم قدرتنا على القيام ببث اليوم بسبب انقطاع التيار الكهربائي عن شارع السلطان المظفر الذي فيه مركز كداوي تيك وفيه ايضا معدات البث الذي نقوم به اسبوعيا
راجين تفهمكم وتقديركم



#ريفرنس

((بلغ السيل الزبى ))
صارلي ١٠ اشهر او اكثر من رجعت للعراق وجاي تجيني حاسبات من كل انحاء العراق تقريبا (وهذا فضل من رب العالمين ما النا بي شي )
طبعا نص هاي الحاسبات تقريبا جاي ترجع للزبائن بدون ما تتصلح مو لانه ما نكدر نصلحها لا والله بس لانه اكو مكاتب وناس ما تخاف الله جاي تشتغل على هاي الاجهزة بلا ذمة وبلا ضمير وشبه تاكدت انه الاجهزة جاي تتلف بشكل عمد بعد ما يفككها الاستاذ وما يعرف يتعامل ويه العطل مالتها فيتلف كل مكوناتها حتى غيره لا يشتغلها ويصلحها !!
احب اكول للكل ( زبائن واهل مكاتب وشركات )
للزبون
لا تودي حاسبتك لناس ما تخاف الله او اكو مؤشرات سلبية على شغلهم وسمعتهم لان حرفيا ممكن يكون عطل حاسبتك بسيط ويتصلح بكل سهولة بس بطرق علمية على يد ناس فاهمة ودارسة صح (ما اقصد نفسي اني طالب وجاي اطور من نفسي شوي شوي )، وبعد ما توديها على هيج ناس تصير تكلفة اصلاحها تفوق ثمن الجهاز نفسه بسبب العشوائية والاعدامات الي جاي تصير للاجهزة !!

وللمكاتب والشركات احب اكول
اتقوا الله باموال الناس
كله مسجل عليكم عند رب العالمين ، والقاعدة الشرعية تقول لا ضرر ولا ضرار ، فانت من تجي تتلف اجهزة الناس بهاي الطريقة ضامن انه ماكو حسيب ولا رقيب ولهذا ماخذ راحتك زايد باجهزة الناس واموالها

وايضا اكول للبعض منكم صارلكم ارشيف يمي والارشيف بدا يكبر بمرور الايام ، ممكن استخدم هذا الارشيف لفضح تصرفاتكم ويه اجهزة الناس ( وكتابة عبارات على وصولات الاستلام حتى تبري ساحتك ما اضنها تبريك )
لان هاي الاوراق ما وصولات مصدقة عند كاتب عدل ولا تخدمك اذا اجاك واحد يفهم بالقانون ويعرف شلون يقاضيك ويخسرك هواي فلوس وسمعة

علاوة على اني ممكن اتهور وافتح جبهة وي الناس الي جاي تتكرر اسماء مراكزها وثابت عليهم الاجرام وابدي انشر اجرامهم كدام الناس وممكن اسوي اعلان ممول همين ، وقد اعذر من انذر

اخيرا
احب اطلب من الجهات الحكومية وضع حد لهاي المهزلة
واكو عدة اليات وسبل لتحقيق ذلك اكدر اساعد بيها في سبيل ضمان حقوق الناس وحفظ اموالهم ومجانا
الي مهتم يكدر يتواصل وياي ( جهات نافذة وعدها سلطة حصرا )

الصور الي بالمنشور للتوضيح

واحد من الشباب متعامل مع هذا الجهاز الكيمنك الي جان يشتغل بس ما يعرض صورة
والجهاز طلع من جوه ايده بهذا الشكل ؟!
المين بورد والسوب بوردات الثنين تالفات شبه كليا
مع تشريت متعمد بخطوط الفان وحقن فولت عشوائي وصل الجهاز لمرحلة انفجار بشريحة البيوس مع كثييير مكونات ؟!!
حتما المعالج والسي بي يو والجي بي يو تالفات بعد كل هذا الاجرام !!

شتخليلها وتطيب ؟؟؟!!