Manager Security Company

سەرەخۆشی

گەڕانەوەی هەموومان بۆ لای ئەوە.

شەوی 2025/6/24 ی پاسەوانێکمان بە ناوی ( بەختیار احمد ابراهیم ) پاش تەواو بوونی ئەرکی پاسەوانی خۆی و لە کاتی گەڕانەوەی بۆ ماڵەوە تووشی رووداوی هاتووچۆ دەبێت و بەداخەوە کۆچی دوایی دەکات ، هەر بەو بۆنەیەوە بەناوی کۆمپانیای مەنیجەر سیکیوریتیەوە سەرەخۆشی لە خۆمان و بنەماڵە و کەس و کاری کۆچکردوو دەکەین و هاوبەشی خەمیانین.
هەروەها هیوای زوو چاک بوونەوە بۆ پاسەوان (رێبوار خالد صدیق) دەخوازین کە لە کاتی رووداوەکە پێکەوە بوونە.

دەستەی کارگێڕی کۆمپانیا

پیرۆزبایی نەورۆز سەری ساڵی نوێی2725ی کوردی
ڕۆژی3/21 یان هەمان 1/1ی خاکەلێوە کۆنترین جێژنی سرووشتی جیهان و نەتەوەیی خەڵکی کوردستانە کە هەموو ساڵێك دانیشتوانی کوردستانی چواربەشکراومان لە ناوەوە و دەرەوەی کوردستان بە پۆشینی جل و بەرگ و پوشاکی کوردی و کردنەوەی ئاگری شادی و خۆشی بە سەما و هەڵپەڕکێ و گۆڤەند و دیلان دەڕۆنە پێشوازی یەکەم ڕۆژی ساڵ کە بەهارە و نوێبوونەوە و نۆێژەنبوونەوەی پاش سەرماوسۆڵەی سەخڵەتی ڕەشەممە بۆ زاگرۆس نشینەکان لەگەڵ خۆی بە دیاری دێنێت و هاتنی پیرۆز رادەگرین و سوپاسی داهێنەر و خولقێنەری سرووشت دەکەین کە هەموو ساڵێك ئاوڕمان لێ دەداتەوە.
هةرچەند مانگى خاكەلێوە يان نەورۆز مانگى كيمياباران و ئةنفال و ڕەشەکوژی دژى خەڵكى زوڵملێكراوى كوردستانە ، بەڵام ئێمەی کورد فێربووینە کە فرمێسك و ڕەشپوشی دڵی دوژمنانی کورد خۆش دەکات ، هەر بۆیە هیچکات بۆ شەهیدەکانمان پرسە ناگێڕین بەڵکوو بۆ تۆقاندنی دوژمنانمان شایی دەگێڕین .
هەر بۆیە ئێمەش وەکوو کۆمپانیای مەنیجەر سکیوریتی بەو بۆنەیەوە پیرۆزبایی خۆمان ئاراستەی سەرجەم خەڵکی کوردستان بە گشتی و کارمەندانی کۆمانیاکەمان بە تایبەتی دەکەین و پێکەوە بە خێرهاتنی نەورۆزی کوردەواری دەکەین و 2725/1/1ی کوردی بەرز ڕادەگرین.
با نەورۆز بکەینە هەوێنی ئاشتی و پێکەوە نزیك بوونەوە و یەکپارچەیی و یەکگرتوویمان .
ه̲ە̲ت̲ا̲ ̲ک̲و̲ر̲د̲ێ̲ك̲ ̲ب̲م̲ێ̲ن̲ێ̲ ̲ی̲ا̲د̲ی̲ ̲ن̲ە̲و̲ر̲ۆ̲ز̲ی̲ش̲ ̲ه̲ە̲ر̲ ̲د̲ە̲م̲ێ̲ن̲ێ̲.̲

مهران ميرخان حسن
بەڕێوبەری ڕێپێدراوی کۆمپانیا