TechEye Co

شکستی پێشوەختەی سناپدراگۆن؛ چۆن Nvidia خەونەکانی کوالکۆمی لە ویندۆزدا وێران کرد؟

بۆ چەندین ساڵە، کۆمپانیای کوالکۆم (Qualcomm) هەوڵ دەدات پڕۆسێسەرەکانی بناغەی ARM بۆ سیستەمی ویندۆز جێگیر بکات، بەڵام نەیتوانیوە هیچ گۆڕانکارییەکی ڕیشەیی و سەرکەوتنێکی گەورە بەدەست بهێنێت. لە بەرامبەردا، هەردوو کۆمپانیای ئەپڵ بە چیپەکانی (M) و ئێستاش ئێنڤیدیا بە چیپە شۆڕشگێڕەکەی (RTX Spark) سەلماندیان کە کێشەکە لە تەکنەلۆژیای ARM دا نیە، بەڵکو لە توانای جێبەجێکردندایە.

بە هاتنە ناوەوەی بەهێزی Nvidia بۆ بازاڕی کۆمپیوتەری کەسی و پێشکەشکردنی چیپێک بە 20 ناوک و 128GB ڕام، دەتوانین بڵێین ئێنڤیدیا بەتەواوی سناپدراگۆنی وێران کرد😅

ئێنڤیدیا لە یەکەم هەنگاویدا ئەو سەرکەوتنەی بەدەستهێنا کە کوالکۆم ساڵانێکە خەونی پێوە دەبینێت. ئەم شکستی پێشوەختەیەی سناپدراگۆن لە ڕاپۆرتە دزەپێکراوەکانی ئەم دواییەدا بەتەواوی ڕەنگی داوەتەوە و دەیسەلمێنێت کە کوالکۆم لە چ قەیرانێکی گەورەدایە.

ڕیسوابوونی پڕۆسێسەری نوێی Snapdragon C
کەمپی ویندۆز تووشی شۆکێکی تەکنەلۆژی گەورە بوو دوای بڵاوبوونەوەی چەند زانیارییەکی دزەپێکراو لەلایەن هەژماری () لە تۆڕی X، کە ئاشکرای دەکات پڕۆسێسەرە ئابوورییەکەی کوالکۆم بەناوی Snapdragon C بەتەواوی بریقە و هێزی خۆی لەدەست داوە.

سەرەڕای ئەو ئومێدەی لەسەری هەبوو بۆ گەرمکردنی کێبڕکێ لە بازاڕی لاپتۆپە هەرزانەکان (کە نرخیان دەوروبەری 300 دۆلارە)، ڕاپۆرتەکان ئاشکرایان کرد کە ئەم پڕۆسێسەرە 8 ناوکیە هیچ تەکنەلۆژیایەکی نوێ پێشکەش ناکات! بەڵکو پشت دەبەستێت بە ناوکەکانی (Kryo 670) کە تەنها کەمێک خێراییەکەیان زیاد کراوە. ئەمەش کارەساتە، چونکە ئەمە هەمان ئەو ناوکانەن کە 5 ساڵ لەمەوبەر لە مۆبایلە ئاست مامناوەندەکانی وەک Snapdragon 778G و 780G بەکارهاتوون!

هێزێکی زۆر بێئومێدکەر بەراورد بە ڕکابەرەکانی
بەپێی دزەپێکراوەکان، ئاستی یەک ناوکی (Single-Core) ئەم پڕۆسێسەرە لەسەر سەکۆی بەراوردکاری Geekbench لە 1,200 خاڵ تێناپەڕێت. ئەمەش یەکسانە بە تەنها سێیەکی هێزی پڕۆسێسەری A18 Pro کە لە لاپتۆپە ئابوورییەکەی ئەپڵ (MacBook Neo) دا کار دەکات.

ئەوەی زیاتر جێگەی شەرمەزارییە، ئاستی هەر 8 ناوکەکەی Snapdragon C پێکەوە (Multi-Core) کەمتر دەبێت لە ئاستی تەنها یەک ناوکی پڕۆسێسەرەکەی ئەپڵ! ئەمەش وای لێدەکات زۆر لاواز بێت بۆ ئەوەی بتوانێت بە باشی سیستەمی ویندۆز 11 و پرۆسەکانی زیرەکی دەستکرد بەڕێوە ببات.
فێڵی کوالکۆم و بێمتمانەیی کۆمپانیاکان
پەنجەی تۆمەتە تەکنەلۆژییەکان بۆ ئەوە دەچن کە ڕەنگە کۆمپانیای کوالکۆم تەنها ناوی پڕۆسێسەرە کۆنەکانی زنجیرەی Dragonwing ی (کە تایبەتن بە ئینتەرنێتی شتەکان IoT وەک چیپی QCS6490) گۆڕیبێت بۆ Snapdragon C.

ئەوەی ئەم گومانانە زیاتر دەکات، هەنگاوی کۆمپانیاکانی وەک Acer ە بۆ دروستکردنی لاپتۆپی Aspire Go 15 بە ڕامی زۆر لاوازی 4GB لەگەڵ ئەم پڕۆسێسەرەدا. ئەمەش دەریدەخات کە هاوبەشەکانی کوالکۆم خۆیان دەزانن پڕۆسێسەرەکە چەند لاوازە و نایانەوێت ئامێری بەهێز و تێچووی زۆری لەسەر دروست بکەن.
دەرەنجام
لە کاتێکدا Nvidia بە چیپی RTX Spark شۆڕشێکی گەورە لە جیهانی کۆمپیوتەری کەسیدا دەکات، ئەگەر ئەم ژمارە بێئومێدکەرانەی سناپدراگۆن ڕاست بن، ئەوا ئامێری MacBook Neo ی ئەپڵ (بە نرخی 599 دۆلار) بەتەواوی کۆنتڕۆڵی بازاڕی لاپتۆپە هەرزانەکانی قوتابیان دەکات بۆ ساڵی 2026. مەگەر ئەوەی Intel بە پڕۆسێسەری چاوەڕوانکراوی (Wildcat Lake) دۆخەکە ڕزگار بکات.

پرسیارەکە لێرەدا ئەوەیە: ئایا کوالکۆم پەلەی نەکردووە و ناوبانگی خۆی لەناو نەبردووە تەنها بۆ ڕاکردن بەدوای بازاڕی لاپتۆپە هەرزانەکاندا؟

Ahmad Birdoz

بەرهەمەکانی سیستەمی کامێرای چاودێری Hikvision لە کۆمپانیای تێك ئای بەردەستە

📞 07503768980

📍ناونیشان: هەولێر، سوڵتان موزەفەر، باڵەخانەی ئەسعدی، نهۆمی خوارەوە

گەیاندنمان هەیە بۆ سەرجەم شار و شارۆچکەکانی هەرێمی کوردستان و عێراق

شەڕی گەورەی پڕۆسێسەرەکان Intel و AMD جیهانی تەکنەلۆژیایان هەژاند!

​کۆنفرانسی Computex 2026 لە تایپێ بە فەرمی دەستی پێکرد و کێبڕکێی مێژوویی نێوان ئینتێل و AMD گەیشتە لووتکە. ئەمساڵ شەڕەکە تەنها لەسەر خێرایی نییە، بەڵکو لەسەر ئەوەیە کێ دەتوانێت بەهێزترین پڕۆسێسەر بۆ بەڕێوەبردنی ژیریی دەستکرد (AI) و گرافیک بخاتە بازاڕەوە، کە ئەمەش شۆڕشێکی گەورە لە کۆمپیوتەر و لاپتۆپەکانی داهاتوودا دروست دەکات.

​ئینتێل بە فەرمی نەوەی نوێی پڕۆسێسەرەکانی ڕاگەیاند و بە تەواوی کێشەی کۆنی گەرمبوون و بەفیڕۆچوونی وزەی چارەسەر کردووە. ئەم نەوەیە خاوەنی یەکەیەکی دەماریی (NPU) یەکجار بەهێزە بۆ ڕاپەڕاندنی کارەکانی AI بە شێوەیەکی ناوخۆیی، لەگەڵ بەهێزکردنی گرافیکی ناوخۆیی کە بازدانێکی گەورە لە تەمەنی پاتری لاپتۆپ و خێرایی مۆنتاژدا دروست دەکات.

​لەلایەکی تریشەوە، AMD بە پڕۆسێسەرە نوێیەکانی وەڵامێکی توندی ئینتێلی دایەوە و باڵادەستیی خۆی لە ڕێندەرکردنی ڤیدیۆ، گرافیکی سێ دووری و فرەکاریدا (Multitasking) سەلماندەوە. کۆمپانیاکە ڕایگەیاند کە پڕۆسێسەرەکانی ئەوان خاوەنی بەهێزترین NPU ی جیهانن بۆ کۆمپیوتەرە کەسییەکان، ئەمەش کێبڕکێکە دەباتە ئاستێکی نوێ کە تەواو لە بەرژەوەندی گەیمەران و دروستکەرانی ناوەڕۆکدایە.

لە کۆمپانیای تێک ئای Redmi Note 15 Pro بە قیستی 12 مانگ بەردەستە 🔥💥 ، پێشەکی و مانگانە وەکو یەکە.

بۆ زانیاری زیاتر پەیوەندی بەم ژمارەیەوە بکەن
🔸0750 729 2915

🔹 کامێرای دواوەی مۆبایلەکە 200 مێگاپێکسڵە

🔹بیرگەی 512GB و رامی 12GB بەردەستە

🔹 پاتریەکەی 6580 ملی ئەمپێرە، پشتگیری بارگاویکەرەوەی 45 وات دەکات.

🔹 چیپێستی Snapdragon 7s Gen 4 ـی لەسەر جێگیر کراوە.

🔸ناونیشان: هەولێر، سوڵتان موزەفەر، باڵەخانەی ئەسعدی، نهۆمی خوارەوە

شۆڕشێکی نوێ لە جیهانی دیجیتاڵیدا؛ گووگڵ شێوازی گەڕان و بەکارهێنانی ئینتەرنێت بەتەواوی دەگۆڕێت!

​کۆنگرەی Google I/O یەکەمین هەنگاوە گەورەکانی بۆ گۆڕینی داهاتووی تەکنەلۆژیا ڕاگەیاند، کە تێیدا ژیریی دەستکرد دەبێتە بڕبڕەی پشتی هەموو کارەکانمان. لێرەدا بە دوو خاڵی سەرەکی و گرنگ باسی ئەم وەرچەرخانە گەورەیە دەکەین:

سندوقی گەڕانی زیرەک (Intelligent Search): شێوازی گەڕانی کلاسیکی گووگڵ کۆتایی هات؛ ئێستا دەتوانیت ڕستەی درێژ و ئاڵۆز بنوسیت، گووگڵ بە بەکارهێنانی ژیریی دەستکرد لێکدانەوەی بۆ دەکات و وەڵامێکی کۆکراوە و ئامادەت پێدەدات لەبری نیشاندانی تەنها لیستێک لە سایتەکان.

​بریکاری کەسی (Gemini Spark & 3.5 Flash): یاریدەدەرێکی زیرەکی نوێ ڕاگەیەندرا کە دەبەسرێتەوە بە ئەپەکانی وەک Drive و Gmail و Canva بۆ ڕاپەڕاندنی کارەکانت (وەک ڕێکخستنی تێبینییەکان)، لەگەڵ مۆدێلی "Omni" کە دەق و وێنە ڕاستەوخۆ دەگۆڕێت بۆ ڤیدیۆ.