Kurdistan Engineering

پردی میلۆ له‌ فه‌ڕه‌نسا.. به‌رزترین پرده‌ له‌ جیهان .

پردی میلۆ، به‌ به‌رزترین پرد ده‌ژمێردرێت له‌ جیهاندا كه‌ نه‌خشه‌ سازییه‌كی جیاوازی هه‌یه‌، ئه‌و پرده‌ هه‌ڵواسراوه‌ له‌سه‌ر دۆڵی “تارن”ه‌ له‌ میلۆى باشووری فه‌ڕه‌نسا.
له‌ لایه‌ن ئه‌ندازیاری فه‌ڕه‌نسی مایكل فیرلۆژیك و ئه‌ندازیاری بریتانی نۆرمان فۆستێر نه‌خشه‌سازیی بۆ كراوه‌.
به‌رزیه‌كه‌ی نزیكه‌ ٣٤٣ مه‌تره‌ و درێژییه‌كه‌ی ٢٤٦٠ مه‌تره‌ و له‌سه‌ر حه‌وت پایه‌ی زه‌به‌لاح وه‌ستاوه‌.
ئه‌م پرده‌ به‌ به‌شێكی سه‌ره‌كيی رێگای خێراى نێوان پاریس و مۆنبیلێ داده‌نرێت. دروستكردنی نزیكه‌ی ٤٠٠ ملیۆن یۆرۆى تێچووه‌.

كۆمپانیاكانی بواری تەلارسازی پابەند دەكرێن لەمەودوا كۆدی ئەمریکی لە پرۆژەكانی بیناسازیی هەرێمی كوردستان بەكاربهێنن كە لەسەر ئاستی نێودەوڵەتی ستانداردە و لایەنی سەلامەتی و توندوتۆڵی تەلار و باڵەخانەكان مسۆگەر دەكات.

ئەوەی پێویستە بیزانیت: كۆدەكانی (ACI) ئەمریکی چییە؟

ئەو دەستەواژەیە كورتكراوەی American Concrete Institute – پەیمانگەی ئەمریكی بۆ كۆنكرێت؛ یەكێكە لە دامەزراوە نێودەوڵەتییە گرنگەكان لە بواری كۆنكرێت و بیناسازی، كە ئەو كۆد و ستاندارد و ڕێنمایی تەكنیكیانە بڵاودەكاتەوە كە دەبێت لەكاتی جێبەجێكردنی پرۆژەكان، نۆژەنكردنەوە و كۆنتڕۆڵی كوالێتی لەبەرچاو بگیرێن.

د. هەردی بەرزنجی، پسپۆڕی تەلارسازی و ئەندامی سەندیكای ئەندازیارانی كوردستان ڕایگەیاند، ئەوەی زیاتر لە هەرێمی كوردستان پەیڕەو دەكرێت، كۆدی (ئەی سی ئای-318)ـە كە دەبێت كۆمپانیا جێبەجێكارەكانی بواری وەبەرهێنان ڕەچاوی بكەن لە هەڵسەنگاندن، چاككردن و توندوتۆڵكردنی بینا و باڵەخانە كۆن و نوێیەكان.

ئەو پسپۆڕەی بواری تەلارسازی گرنگی بەکارهێنانی ACI ئەمریکی لە كاتی دروستكردنی تەلار و باڵەخانەكاندا، لە چەند خاڵێك پوخت دەكاتەوە:

- هەنگاوێکی گرنگ و ستراتیژییە بۆ بەرزکردنەوەی ئاستی کوالیتی، سەلامەتی و متمانە لە پڕۆژەکانی بیناسازی. بەواتای ئەوەی؛ ئەندازیاران و دیزاینەران پشت بە سیستەمێکی نێودەوڵەتی و پەسەندکراو دەبەستن لەكاتی دروستكردنی پرۆژەكاندا.

-بەکارهێنانی ACI گرنگییەکی تایبەتی هەیە، چونکە ئەم تایبەتمەندییانە تەنها دیزاین ناگرێتەوە، بەڵکو لایەنی جێبەجێکردن، كەرەستەكان، تێکەڵەی کۆنکرێت، تێکردنی (ڕشتنی) کۆنکرێت، پشکنین، تاقیکردنەوە و کۆنترۆڵی کوالیتییش دەگرێتەوە. بەم شێوەیە، پڕۆژەکان تەنها لەسەر کاغەز بە شێوەیەکی دروست دیزاین ناکرێن، بەڵکو لە کاتی جێبەجێکردنیشدا لە چوارچێوەیەکی ستاندارد و پیشەیی جێبەجێ دەکرێن.

- کاتێک هەموو پڕۆژەکان بە هەمان کۆد و تایبەتمەندی کار دەکەن، جیاوازییە ناڕوونەکان لە نێوان پڕۆژەکان کەم دەبنەوە، چاودێری و پشکنین ئاسانتر دەبێت، و بڕیارە ئەندازیارییەکان هاوتاتر و ڕوونتر دەبن.

شارە حەیاتەکە دەدرەوشێتەوە؛ ئەمە کۆرنیشی سلێمانییە پاش تەواوبوونی.