Halabja Monument

ئەمرۆ 25_5_2026 لە ڕۆژی جیهانی مناڵانی ونبوودا، لە مۆنۆمێنتی شەهیدانی هەڵەبجە دوو مەڕاسیم بەبۆنەی ئەم ڕۆژە جیهانیەوە بەڕێوەچوون.

سەعات نۆی بەیانی بەئامادەبوونی پارێزگاری هەڵەبجە و بەشێک لە بەڕێوەبەری فەرمانگە و بەڕێوەبەرایەتیەکانی هەڵەبجە و کەسوکاری شەهیدان و مناڵانی ونبووی هەڵەبجە و نوسەران و روناکبیران. ڕێکخراوی لاهای پەردەی لەسەر پەیکەری مناڵی ونبووی هەڵەبجە لادا.
پاشان سەعات 11 کۆمەڵەی قوربانیانی چەکی کیمیایی مەراسیمیکی سازکرد و فیلمێکی دیکۆمێنتاری لەسەر دایکانی چاوەروانی پێشکەش کرد.

پاشان خەڵاتی رێزلێنان بە ژمارەیەک کەسایەتی بەخشرا، لەنێوانیاندا بەڕێز محەمەد حەمە سەعید بەڕێوەبەری مۆنۆمێنتی شەهیدانی هەڵەبجە خەڵاتی رێزلێنانی پێدرا لە پای هاوکاریکردن و ئەرکی دڵسۆزانەو ماندونەناسانەی لە مۆنۆمێنتی شەهیدانی هەڵەبجە.

ڕاگەیاندنی مۆنۆمێنتی شەهیدانی هەڵەبجە
25_5_2026

ئەمڕۆ یەکشەممە 24_5_2026، بە ئامادەبوونی بەڕێز نوخشە ناصح، پارێزگاری هەڵەبجە، و ژمارەیەک لە بەرپرسانی حکوومی، حزبی، هونەرمەندان و ڕۆشنبیرانی سنوورەکە، مەراسیمی کردنەوەی سێیەمین پێشانگەی تایبەت بە خانمان بەڕێوەچوو.
پێشانگەکە لە ژێر دروشمی "ژیان بێ ژن تابلۆیەکی بێ ڕەنگە" و لە باخچەی بەڕێوەبەرایەتیی گشتیی ڕۆشنبیری و هونەری هەڵەبجە کرایەوە، کە لەلایەن بەشی شێوەکاریی بەڕێوەبەرایەتیی گشتیی ڕۆشنبیری و هونەری هەڵەبجەوە ڕێکخرابوو، تێیدا چەندین بەرهەمی ناوازەی خانمانی شێوەکار نمایشکران.

هاوکات بەڕێز محەمەد حەمە سەعید، بەڕێوەبەری یادگاری هەڵەبجە و هاوڕێ لەگەڵ بەشێک لە فەرمانبەرانی بەڕێوەبەرایەتیەکە بەشداری پێشانگاگەی کرد.

ڕاگەیاندنی مۆنۆمێنتی شەهیدانی هەڵەبجە

ئەمرۆ شەممە 23_5_2026 بەڕێز کاک سمکۆ سالار قائمقامی هەڵەبجە بەئامادەبونی کامەران مستەفا بەرێوەبەری گشتی کاروباری شەهیدان و ئەنفالکراوان و محمد محمد سعید بەریوەبەری مۆنۆمێت لە مۆنۆمێنتی شەهیدانی کیمیاباران هەڵەبجە خەڵاتی سەربازی ونی پێشکەش بە خاتوو کشوەر فەرمانبەری مۆنۆمێنتی شەهیدانی هەڵەبجە کرد، کە خەڵاتێکی تایبەتە و لەچوارچێوەی بەرنامەی سەربازی ونی کەناڵی کوردستان24 دەدرێت.
کیشوەر خان و ەک سیمبول بۆ هەموو سەربازە ونەکانی مۆنۆمێنت خەلتەکەی پێبەخشرا.
بەناوی بەریوبەراتیمان پیرۆزبای لە کیشوەر خان و سەرجەم فەرمانبەرو سەربازە ونەکان بەریوەبەراتیمان دەکەین کە رۆژانە بێ وچان لە خزمەتی میوانان و کەیسی جینۆساید کردنی گەلەکەماندان

ڕاگەیاندنی مۆنۆمێنتی شەهیدانی کیمیابارانی هەڵەبجە