Vahini

l, block tatha graam ki bahumukhi pragati ke liye har prakaar ka sahiyog sarkaar se karte hue jila, gram evam panchayat ke maadhyam se krishi, shiksha, udyog, yatayaat evam seh-karita jaise sarvajanik hit ke liye andolano se janta ko parichit karayenge.
2. Samudayik vikaas yojnaon ko drishti mei rakhte hue adhunik roop se adhik se adhik udyogo ko gram vikas ke liye kaaryanvit karayegi.
3. Krishi ko udyogik roop dekar adhik utpadan ke samast adhunik evam avashyak upkarno se parachit karate hue badi si abaadi ke liye atirikt bhumi ke nyaayik batware mei sarkaar ki madad karegi.
4. Bekaar aur padhe likhe be-rozgaar nav-javano ko adhunik kheti ki taraf agrasar karaye tatha atirikt praapt bhumi par aadarsh kheti se ek krantikaari aur samaajwaadi dhaanche dwara adhik se adhik nav-javaano ko rozgaar dilaane mei apne ko saksham kare.
5. Weh mazdoor jo apna shram bechkar hi jeevan nirvaah karte hain, unki mazdoori chahe graamin kshetra mei ho ya shehri kshetra mei, jeevan nirvaah soochaank ko dekhte hue samast Pradesh mei kam se kam Rs. 2500 prati maah karana taki samta aur samaanta ka nyaay prapt ho sake ; sath hi sath inki kaarya kshamta badhana jo inki bekaari ko door kar sake.
6. Shiksha evam swaasth vikaas ki un samast ikaayiyon ko grameen kshetro mei adhik se adhik laabh prad banana jo ki sarkaari sahaaytao se kaarya karte hue unmei vyaapt aniyamitaon ke prati satark rahein, jo vibhin Pradesh jila, tehseel, block, gram panchayat gaon sabha se sahaayta pane ke bavjood nishkriya tatha ghaate ki hain.
7. Kisaan Mazdoor Vahini apne uprayukt samast aadarshmay kraantikaari kaaryo ke saath saath pramukh roop se nagar tehseel evam bade bade gaon mei naagrik suraksha ka kaarya karegi, jiske antargat sainik shiksha bhi hai. Iska avashyak roop se prachar evam prasiksha karna Vahini ka param uddyesh hoga. Atah Akhil Bhartiya Kisaan Mazdoor Vahini jile, tehseel, gram evam pradesho ke samast uprayukt vichaardhaara rakhne wale nav-javaano se saagreh anurodh karti hai ki is maha sankalp ko safal banae mei humei apna sahiyog pradaan karein