ABVP Pothencode NAGAR

ഏവർക്കും ABVP Pothencode നഗറിന്റെ ദീപാവലി ആശംസകൾ

#കാർഗിൽ_വിജയ്_ദിവസ്

1999 മെയ്‌ 3 മുതൽ ജൂലൈ 26 വരെ ഇന്ത്യൻ സൈന്യവും പാക്കിസ്ഥാൻ മുജാഹിദ് തീവ്രാവാദികളും അർദ്ധ സൈനിക വിഭാഗവും തമ്മിൽ നടന്ന അപ്രഘ്യാപിത യുദ്ധമാണ് കാർഗിൽ യുദ്ധം. അതികഠിനമായ ശൈത്യം മൂലം ഇരു രാജ്യങ്ങളും കാശ്മീരിലെ തങ്ങളുടെ ഏറ്റവും മുന്നിലെ സൈനിക പോസ്റ്റുകൾ ഉപേക്ഷിക്കുകയും പിന്നീട് വസന്തകാലത്തോടെ അവയിൽ തിരിച്ചെത്തുകയും പതിവായിരുന്നു. എന്നാൽ പാകിസ്ഥാൻ നിശ്ചയിച്ച സമയത്തിനുളിൽ തിരിച്ചുവരികയും ഇന്ത്യൻ പോസ്റ്റുകൾ പിടിച്ചെടുത്ത്‌ തങ്ങളുടെ ആയുധങ്ങൾ അവിടെ സംഭരിക്കുകയും ചെയ്തു.പാക്കിസ്ഥാൻ തീവ്രവാദികളും സൈന്യവും അടങ്ങുന്ന അയ്യായിരത്തിലധികം നുഴഞ്ഞുകയറ്റക്കാർ നിയന്ത്രണ രേഖ കടന്ന് കാർഗിൽ മലനിരകൾ പിടിച്ചെടുത്തു. ഈ നീക്കം ആട്ടിടയർ വഴി മനസിലാക്കിയ ഇന്ത്യൻ സൈന്യം സ്ഥലത്ത് പട്രോളിങ് നടത്തുകയും പട്രോളിങ് സംഘത്തിലെ 5 സൈനികർ വീരമൃത്യു വരിക്കുകയും ചെയ്തു. എന്നാൽ രണ്ടാമത്തെ സംഘത്തിലെ ഓഫീസറുടെ മനോധൈര്യം ഒന്ന് കൊണ്ട് മാത്രം പാകിസ്ഥാൻ സൈന്യത്തിന്റെ അധിനിവേശം മനസിലാക്കുകയും ഉന്നത നേതൃത്വത്തെ അറിയിക്കുകയും ചെയ്‌തു. പ്രധാന മന്ത്രി അടൽ ബിഹാരി വാജ്‌പേയി സൈന്യത്തിന് തിരിച്ചടിക്കാനുള്ള അനുമതി നൽകി. കൂടാതെ എന്ത് സാഹചര്യം സംജാതമായാലും നിയന്ത്രണ രേഖ മറികടക്കരുത് എന്ന് ശക്തമായ നിർദേശവും സൈന്യത്തിന് നൽകി. ഇത് പിന്നീട് ഇന്ത്യയുടെ നയതന്ത്രത്തിന് നേട്ടമായി ലോക രാജ്യങ്ങൾ ഇന്ത്യയ്ക്ക് അനുകൂലമായ നിലപാട് എടുക്കാൻ നിർബന്ധിതമായി. സമുദ്ര നിരപ്പിൽ നിന്ന് വളരെ ഉയർന്ന ദുർഘടമായ ഭൂ പ്രദേശം ആയിരുന്നു കാർഗിൽ. അതിനാൽ തന്നെ ഉയർന്ന പ്രദേശത്ത് നിലയുറപ്പിച്ചിരുന്ന പാകിസ്ഥാൻ സേനയ്ക്കായിരുന്നു യുദ്ധത്തിന്റെ പ്രഥമ ഘട്ടത്തിൽ മേൽകൈ. ഈ ഘട്ടത്തിൽ ആണ് ഇന്ത്യയ്ക്ക് ഏറ്റവും കൂടുതൽ സൈനികരെ നഷ്ടപെട്ടത്. കാർഗിൽ മലനിരകളിൽ നിന്ന് ദേശിയ പാത1 വഴി ഉള്ള സൈനിക നീക്കം തടയുകയും അത് വഴി ലഡാക്ക് പിടിച്ചെടുക്കുകയും സിയാച്ചിനിൽ നിന്ന് സൈന്യത്തെ പിൻവലിക്കാൻ ഇന്ത്യയെ നിർബന്ധിതമാകുകയുമായിരുന്നു പാകിസ്ഥാന്റെ ലക്ഷ്യം.ടൈഗർ ഹിൽ പോലുള്ള ഒട്ടനവധി പർവത നിരകൾ ഇന്ത്യ തിരികെ പിടിച്ചു. ഇന്ത്യ തിരിച്ചടി ശക്തമാക്കിയതോടെ 84 ദിവസം നീണ്ടുനിന്ന ഈ യുദ്ധം അവസാനിപ്പിക്കാൻ പാകിസ്ഥാൻ അമേരിക്കയുടെ സഹായം തേടി എന്നാൽ അമേരിക്കൻ പ്രസിഡന്റ് ക്ലിന്റൺ പാകിസ്ഥാൻ പ്രധാനമന്ത്രി ഷെരീഫിനോട് സൈന്യത്തെ പിൻവലിക്കാൻ ആവശ്യപ്പെട്ടു. ചൈന പോലുള്ള സഖ്യ കക്ഷികളും പാകിസ്ഥാനോട് സൈന്യത്തെ പിൻവലിക്കാൻ ആവശ്യപ്പെട്ടു. ജൂലൈ 5ന് ക്ലിന്റനോട് ഷെരിഫ് സൈന്യത്തെ പിൻവലിച്ചതായി അറിയിച്ചു. തുടർന്ന് ജൂലൈ 7-11വരെ ബാതാലിക്കിലെ സുപ്രധാന കുന്നുകൾ ഇന്ത്യ തിരികെ പിടിച്ചു. ജൂലൈ 14ന് അടൽ ബിഹാരി വാജ്‌പേയി ഓപറേഷൻ വിജയ് വിജയിച്ചതായി പ്രഖ്യപിക്കുകയും പാകിസ്ഥാനുമായി ചർച്ചയ്ക്ക് തയാറായി. ജൂലൈ 26ന് ഇന്ത്യൻ സേന നുഴഞ്ഞുകയറ്റക്കാർക് മേൽ സമ്പൂർണ വിജയം പ്രഘ്യാപികുന്നു.1500ൽ അധികം നുഴഞ്ഞുകയറ്റക്കാരെ ഇന്ത്യൻ സേന വധിച്ചു. ഈ ദിവസം ഇന്ത്യ വിജയ് ദിവസ് ആയി ആഘോഷിക്കുന്നു. ഇന്ത്യയുടെ 30000 സായുധ സൈനികർ യുദ്ധത്തിൽ നേരിട്ട് പങ്കെടുത്തു ലക്ഷകണക്കിന് സൈനികർ പരോക്ഷമായും ഈ യുദ്ധത്തിൽ പങ്കെടുത്തു. ഇന്ത്യയ്ക്ക് 527 സൈനികരുടെ ജീവൻ നഷ്ടപ്പെടുകയും 1400ഓളം പേർ ജീവിക്കുന്ന രക്തസാക്ഷികളായിതീരുകയും ചെയ്തു.മാതൃഭൂമിയുടെ മാനം കാക്കാൻ സർവം ത്യജിച്ച ധീര സൈനികർകെന്റെ ശതകോടി പ്രണാമം.

ABVP KERALA