5Jab Foundation

Congratulations 💐💐💐💐
ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਮੌਕੇ ‘ਤੇ ਸਿਮਰਨਜੀਤ ਕੌਰ ਧੰਜਲ ਨੂੰ ਪਿੰਡ ਦੀ ਪੰਚਾਇਤ ਵੱਲੋਂ ਕੀਤਾ ਗਿਆ ਸਨਮਾਨਿਤ...

ਪਿਛਲੇ ਦਿਨੀਂ ਮਲੋਟ ਵਿਖੇ ਹੋਈ ਅੱਠਵੀਂ ਯੂਥ ਵਿਮੈਨ ਪੰਜਾਬ ਬਾਕਸਿੰਗ ਚੈਂਪੀਅਨਸ਼ਿਪ ਵਿੱਚੋਂ ਗੋਲਡ ਮੈਡਲ ਜਿੱਤ ਕੇ ਪਿੰਡ ਚਕਰ ਅਤੇ ਜ਼ਿਲ੍ਹਾ ਲੁਧਿਆਣਾ ਦਾ ਮਾਣ ਵਧਾਉਣ ਵਾਲੀ ਸਿਮਰਨਜੀਤ ਕੌਰ ਧੰਜਲ ਦਾ ਅੱਜ ਅੰਤਰਰਾਸ਼ਟਰੀ ਮਹਿਲਾ ਦਿਵਸ ਦੇ ਮੌਕੇ ਉੱਤੇ ਪਿੰਡ ਦੀ ਪੰਚਾਇਤ ਅਤੇ ਨਗਰ ਨਿਵਾਸੀਆਂ ਵੱਲੋਂ ਵਿਸ਼ੇਸ਼ ਸਨਮਾਨ ਕੀਤਾ ਗਿਆ। ਇਸ ਮੌਕੇ ਪੰਚ ਚਰਨਜੀਤ ਸਿੰਘ , ਪੰਚ ਸੁਖਜਿੰਦਰ ਸਿੰਘ ਸਿੱਧੂ, ਸਾਬਕਾ ਸਰਪੰਚ ਜਵਾਹਰ ਸਿੰਘ, ਭਜਨ ਸਿੰਘ ਅਮਰੀਕਾ, ਰਛਪਾਲ ਸਿੰਘ ਸਿੱਧੂ, ਨੰਬਰਦਾਰ ਜਗਜੀਤ ਸਿੰਘ ਮੱਲਾ, ਫੁੱਟਬਾਲ ਕੋਚ ਅਮਿਤ ਕੁਮਾਰ ਆਦਿ ਹਾਜ਼ਰ ਸਨ। ਇਸ ਮੌਕੇ ਉਹਨਾਂ ਨੇ ਪਿੰਡ ਚੀਮਾ (ਜਗਰਾਉਂ ) ਵਿਖੇ ਹੋਏ ਫੁੱਟਬਾਲ ਟੂਰਨਾਮੈਂਟ ਵਿੱਚ ਪਹਿਲੇ ਨੰਬਰ ‘ਤੇ ਆਉਣ ਵਾਲੀ ਚਕਰ ਦੀ ਫੁੱਟਬਾਲ ਟੀਮ ਨੂੰ ਵੀ ਵਧਾਈ ਦਿੱਤੀ।

May the Lohri fire burn away all worries and fill your life with warmth, happiness, and prosperity.
Happy Lohri to you and your loved ones ✨🔥

“Huge congratulations to SIMRANJEET KAUR DHANZAL of 5JAB Boxing Academy Chakar for winning the silver medal at the Asian U-15 & U-17 Boxing Championship! Your dedication and fighting spirit have made the entire nation proud. Thank you for representing us with such strength and grace!
”


sandhu.98

ਚਕਰ ਬਾਕਸਿੰਗ ਦਾ ਚੜ੍ਹਦਾ ਸੂਰਜ ਸਿਮਰਨ ਧੰਜਲ ...

'ਪੰਜਾਬ (5Jab) ਸਪੋਰਟਸ ਅਕੈਡਮੀ' ਰਾਹੀਂ ਸਿਮਰਨ ਧੰਜਲ ਚਕਰ ਬਾਕਸਿੰਗ ਦਾ ਚੜ੍ਹਦਾ ਸੂਰਜ ਬਣ ਰਹੀ ਹੈ।ਉਸ ਨੇ ਜੋਰਡਨ ਵਿਖੇ ਹੋਈ ਅੰਡਰ 17 ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ 60 ਕਿਲੋ ਭਾਰ ਵਰਗ ਵਿੱਚ ਵਿਦੇਸ਼ੀ ਮੁੱਕੇਬਾਜ਼ ਲੜਕੀਆਂ ਨੂੰ ਹਰਾ ਕੇ ਸਿਲਵਰ ਮੈਡਲ ਜਿੱਤਿਆ ਹੈ। ਇੰਡੀਆ ਟੀਮ ਵਿੱਚ ਸਿਰਫ਼ ਸਿਮਰਨਜੀਤ ਕੌਰ ਪੰਜਾਬ ਵੱਲੋਂ ਚੁਣੀ ਗਈ ਸੀ ਜੋ ਕਿ ਆਪਣੇ ਆਪ ਵਿੱਚ ਮਾਣ ਵਾਲੀ ਗੱਲ ਹੈ। ਤਿੰਨ ਕੁ ਮਰਲਿਆਂ ਵਾਲੇ ਘਰ ਵਿੱਚੋਂ ਗਰੀਬੀ ਨਾਲ ਜੂਝਦਿਆਂ ਅਜਿਹੀ ਸ਼ੇਰਨੀ ਦਾ ਪੈਦਾ ਹੋਣਾ ਚਕਰ ਲਈ ਹੀ ਨਹੀਂ, ਪੂਰੇ ਪੰਜਾਬ ਅਤੇ ਭਾਰਤ ਲਈ ਵੀ ਮਾਣ ਵਾਲੀ ਗੱਲ ਹੈ।ਰਾਜ ਮਿਸਤਰੀ ਪਿਤਾ ਰਣਜੀਤ ਸਿੰਘ ਅਤੇ ਮਾਤਾ ਸ਼ਿੰਦਰਪਾਲ ਕੌਰ ਨੂੰ ਬਹੁਤ ਬਹੁਤ ਮੁਬਾਰਕਾਂ।
ਜੋਰਡਨ ਤੋਂ ਤਗਮਾ ਜਿੱਤ ਕੇ ਵਾਪਸ ਪਰਤ ਰਹੀ ਸਿਮਰਨ ਧੰਜਲ ਦਾ ਚਕਰ ਪਹੁੰਚਣ 'ਤੇ ਨਗਰ ਨਿਵਾਸੀਆਂ ਅਤੇ ਪੰਚਾਇਤ ਵੱਲੋਂ 04 ਮਈ ਨੂੰ ਸੁਆਗਤ ਕੀਤਾ ਜਾਵੇਗਾ।sandhu.98

CONGRATULATIONS SIMRANJEET KAUR💐💐💐
WINNER IN THE FIRST MATCH AT ASIAN BOXING CHAMPIONSHIP UNDER 15 and 17



ਸਿਮਰਨਜੀਤ ਧੰਜਲ ਚਕਰ ਨੂੰ ਪਹਿਲੀ ਅੰਤਰਰਾਸ਼ਟਰੀ ਜਿੱਤ ਦੀਆਂ ਬਹੁਤ ਬਹੁਤ ਮੁਬਾਰਕਾਂ। ਦੋਸਤੋ ਜੋਰਡਨ ਵਿੱਚ ਚੱਲ ਰਹੀ ਅੰਡਰ 17 ਏਸ਼ੀਅਨ ਚੈਂਪੀਅਨਸ਼ਿਪ ਵਿੱਚ ਸਿਮਰਨਜੀਤ ਕੌਰ ਧੰਜਲ ਦਾ ਪਹਿਲਾ ਮੁਕਾਬਲਾ ਜੋਰਡਨ ਦੀ ਮੁੱਕੇਬਾਜ਼ ਨਾਲ ਸੀ। ਪਹਿਲਾ ਅੰਤਰਰਾਸ਼ਟਰੀ ਮੁਕਾਬਲਾ ਹੋਵੇ ਤੇ ਉਹ ਵੀ ਮੇਜ਼ਬਾਨ ਦੇਸ਼ ਦੇ ਖਿਡਾਰੀ ਨਾਲ, ਮਨ ਉੱਤੇ ਪ੍ਰੈਸ਼ਰ ਤਾਂ ਪੈਂਦਾ ਹੀ ਹੈ ।ਫਿਰ ਵੀ ਸਿਮਰਜੀਤ ਕੌਰ ਨੇ ਇਹ ਮੁਕਾਬਲਾ ਜਿੱਤ ਕੇ ਚਕਰ, ਪੰਜਾਬ ਅਤੇ ਭਾਰਤ ਦਾ ਮਾਣ ਵਧਾਇਆ ਹੈ। ਅਗਲੇ ਮੈਚਾਂ ਲਈ ਸਿਮਰਨਜੀਤ ਕੌਰ ਨੂੰ ਸ਼ੁਭਕਾਮਨਾਮਾ।

ਜਿਹੜੇ ਦੋਸਤ ਇਸ ਬਾਊਟ ਨੂੰ ਦੇਖਣਾ ਚਾਹੁੰਦੇ ਹਨ, ਉਹਨਾਂ ਲਈ ਲਿੰਕ ਭੇਜਿਆ ਜਾ ਰਿਹਾ ਹੈ । ਇਸ ਲਿੰਕ ਉੱਤੇ 162 ਨੰਬਰ ਬਾਊਟ ਤੇ ਸਿਮਰਨਜੀਤ ਕੌਰ ਦੀ ਬਾਊਟ ਦੇਖੀ ਜਾ ਸਕਦੀ ਹੈ।

sandhu.98

Congratulations Simranjeet kaur

ਸਮੂਹ ਚਕਰ ਵਾਸੀਆਂ ਤੇ ਸ਼ੁਭ ਚਿੰਤਕਾਂ ਨੂੰ ਬਹੁਤ ਬਹੁਤ ਮੁਬਾਰਕਾਂ । ਇਹ ਚਕਰ ਦੀ ਗਰਾਊਂਡ ਦੀਆਂ ਬਰਕਤਾਂ ਹਨ, ਜਿੱਥੇ ਪਤਾ ਨਹੀਂ ਵੱਖ-ਵੱਖ ਖੇਡਾਂ ਨਾਲ ਸਬੰਧਤ ਕਿੰਨੇ ਰਾਸ਼ਟਰੀ ਅਤੇ ਅੰਤਰਰਾਸ਼ਟਰੀ ਖਿਡਾਰੀਆਂ ਦਾ ਪਸੀਨਾ ਡੁੱਲ੍ਹਿਆ ਹੈ। ਉਸ ਪਸੀਨੇ ਸਿੰਜੀ ਧਰਤੀ ਵਿੱਚੋਂ ਨਵੇਂ ਨਵੇਂ ਖਿਡਾਰੀ ਪੈਦਾ ਹੋ ਰਹੇ ਹਨ । ਚਕਰ ਬਾਕਸਿੰਗ ਨੂੰ ਸਿਮਰਨਜੀਤ ਨਾਮ ਰਾਸ ਆ ਰਿਹਾ ਹੈ । ਪਹਿਲੀ ਸਿਮਰਨ ਉਲੰਪਿਕ ਖੇਡਾਂ ਤੱਕ ਗਈ, ਅਰਜੁਨਾ ਐਵਾਰਡ ਜਿੱਤਿਆ। ਹੁਣ ਦੂਜੀ ਸਿਮਰਨ ਦਾ ਇਹ ਪਹਿਲਾ ਅੰਤਰਰਾਸ਼ਟਰੀ ਮੁਕਾਬਲਾ ਹੈ । ਸਿਮਰਨਜੀਤ ਕੌਰ ਧੰਜਲ ਤੇ ਕੋਚ ਕਰਨਦੀਪ ਸਿੰਘ ਨੂੰ ਬਹੁਤ ਬਹੁਤ ਮੁਬਾਰਕਾਂ । ਸਿਮਰਨਜੀਤ ਦੇ ਪਿਤਾ ਰਣਜੀਤ ਸਿੰਘ ਅਤੇ ਮਾਤਾ ਸ਼ਿੰਦਰਪਾਲ ਕੌਰ ਦੀ ਬੱਚਿਆਂ ਲਈ ਮਿਹਨਤ ਅਤੇ ਪ੍ਰੇਰਨਾ ਲਈ ਵੀ ਧੰਨਵਾਦ ਕਿ ਉਨ੍ਹਾਂ ਨੇ ਇਕ ਹੋਰ ਅੰਤਰਰਾਸ਼ਟਰੀ ਖਿਡਾਰੀ ਚਕਰ ਨੂੰ ਦਿੱਤਾ ਹੈ । ਚਕਰ ਬਾਕਸਿੰਗ ਲਈ ਜੁੜੀ “ਟੀਮ ਅਮਰੀਕਾ” ਦਾ ਵਿਸ਼ੇਸ਼ ਧੰਨਵਾਦ ਕਰਦੇ ਹਾਂ । ਸਿਮਰਨਜੀਤ ਲਈ ਸ਼ੁਭ ਕਾਮਨਾਵਾਂ ।