Shaheed Mustafa Chamran Islamic Library Kawpora

کہتے ھیں بڑے فخر سے، "ھم غم نہیں کرتے"،
ماتم کی صدا سنتے ھیں، ماتم نہیں کرتے-

اپنا کوی مرتا ھے تو، روتے ھو تڑپ کے،
پر سبط پیمبر کا، کبھی غم نہیں کرتے-

وہ لوگ بھلا سمجھیں گے کیا رمز شھادت،
جو عید تو کرتے ھیں، محرم نہیں کرتے-

کیوں آپکا دل جلتا ھے، کیوں جلتا ھے سینہ؟
ھم آپکے سینے پہ تو ماتم نہیں کرتے-

گریا کیا یعقوب نے، انکو بھی تو ٹوکو،
یوسف ابھی زندہ ھیں، یوں غم نھیں کرتے-

آدم نے تو حوا کے لیۓ پیٹا ھے سینہ،
سمجھاؤ انہیں "زندوں کا ماتم نہیں کرتے"

حمزہ توشھیدوں کےبھی سردار ھیں لیکن،
کرتے نہ محمد تو، چلو ھم بھی نہ کرتے-

حق بات ھے، بس بغض علی کا ھے یہ چکر،
تم اس لیۓ شبیر کا ماتم نہیں کرتے-

ہمت ھے تو محشر میں، پیمبر سے یہ کہنا،
"ھم زندہ و جاوید کا ماتم نھیں کرتے"

محسن یہ مقبول روائت ھے جہاں میں،
قاتل کبھی مقتول کا ماتم نہیں کرتے-