AVS Manyam

Days of 1970's.... నల్ల కోడి పెట్ట..

ఆంధ్ర పత్రిక వీక్లీ రెగ్యులర్ గా కరణం గారి ఇంట్లో తెప్పించే వారు. కరణం గారు ఊరిలో అందరికి కిష్టప్ప గారు.. మా వీధిలో పిల్లలు అందరికి కిష్టప్ప బాబాయ్. ఒక్క మా అంజి గాడికి మటుకు మావయ్య. తను కాళీ సమయాల్లో పిల్లలు తో ఎక్కువగా కాలక్షేపం చేసేవాడు. నేను అంటే చాలా ఇష్టం. నాతో ఏవో ఒక బొమ్మలు గీ ఇంచే వాడు తానే బ్రష్ లు కొని పేపర్ మీద. మొదటి సారి టేప్ రికార్డర్ వాళ్ళింట్లోనే చూసాను.వాళ్ళింట్లో రేడియో గ్రామ్ ఉండేది. రికార్డు ప్లేయర్లో ఐతే నాకు ఇస్ట మైన పాటలు ఎన్ని సార్లు ప్లే చేసుకున్నా ఏమీ అనే వాడు కాదు. అంత మంచోడు. తను ప్రతీ నెలా మద్రాస్ వెళ్లే వాడు. తిరిగి వచ్చేటప్పుడు బోలెడన్ని గిఫ్ట్స్.. మద్రాస్ బొంగరాలు, పెన్నులు అన్నీ.. ఐదు పైసలు కే.. తను మద్రాస్ నుండి బస్సు దిగుతుండ గానే పిల్లలు అందరం పొలో మంటూ వెనకాల పడేవాళ్ళం. అంత చవక గా ఎలా వచ్చేవో నాకు అర్ధం కాదు.మూర్ మార్కెట్లో కొంటాడు అనేవారు. ఆ పెన్నులు తరువాత చొక్కా అంతా కక్కేసేవి. బొంగరాలు ఓకే. ఇంకా రేడియోలు, గోడ గడియారం రిపేర్ చేసేవాళ్ళు, పొలంలో పంప్ సెట్ల మెకానిక్ లు తాడేపల్లిగూడెం నుంచి వస్తే వాళ్ల ఇంట్లోనే మకాం. ఊరిలో టముకు వేసే వారు. అంతే ఊరిలో జనం అంతా నెత్తి మీద పెద్ద పెద్ద వోల్వు రేడియో సెట్స్ పెట్టుకుని కిష్టప్ప బాబాయి ఇంటికి వచ్చే వారు. మా రాము గాడు ఐతే ఒకసారి షార్ట్ వేవ్ రాలేదని అదని ఇదనీ నెత్తి మీద ఫిలిప్స్ పెట్టుకుని పది సార్లు తిరిగే వాడు. మా అబ్బులు అన్నయ్య విసు గేసి.. వెదవ రేడియో కొన్నప్పటి నుంచీ గరగరలే రెండు స్టేషన్లు ఒకేసారి వచ్చి చస్తాయి. రేడియో ని పెంట మీద పడేయ మనే వాడు. ఇంకో పక్క కిష్టుడు అన్నయ్య కిటికీ లోంచి నన్ను దగ్గరికి పిలిచి ఒరేయ్ బాబ్జీ చూడరా చూడు.. రామం గాడు మళ్ళా మోసుకు పోతున్నాడు. ఇప్పుడే పట్టుకెళ్ళాడు అప్పుడే తగలడింది.ఏం రేడియోనో ఏమో కొన్న ప్పటి నుంచీ అది అంతే .. అనే వాడు సరదాగా..
ఇప్పుడు ఇద్దరూ జీవించి లేరు అంతా గతం.
*** ****
పేపర్ నాగేశ్వర రావు సైకిల్ మీద కన పడ గానే ఆంధ్ర పత్రిక వీక్లీ వచ్చిందా అని అడిగే వాడిని.. ఏదో నేనే కొంటున్నట్టు.. కలెక్ట్ చేసుకొని నాకు నచ్చిన వన్ని చదివేసి.... కరణం గారి అరుగు మీదే..అది కూడా.. అప్పుడు ఇంట్లో ఇచ్చే వాడిని. అలా ఒక సారి అందులో నల్ల కోడి పెట్ట అనే కథ చదివాను. అది నాకు బలే నచ్చే సింది. అందులో హీరోయిన్ ఒక పంచాయతీ సమితి స్కూల్ లో పంతులమ్మ. ఆవిడకి మొగుడు లేడు. అయితే ఆవిడ మరో ఊరు ట్రాన్స్ఫర్ కొరకు పట్నం లో బి.డి.వో. ఆఫీస్ చుట్టూ తిరుగు తుంది. దానితో .. ఆ బీడీ వో.. ఈవిడ మీద కన్నేసాడు. మొత్తానికి ఎలాగైతే నే ఆ పంతులమ్మ ట్రాన్సఫర్ కోసం ఓ రోజున చడి చప్పుడు కాకుండా నులక మంచం మీద అయన కోరిక తీరు స్తుంది. ఈవిడ ట్రాన్స్ఫర్ పని అయిపోతుంది.
**** ***** *****
తరువాత ఏ మవుతుందండి.. మొగుడు లేని పంతులమ్మ చాలా తెలివైనది. ఒక మగ తోడు కావాలి. ఆ బి డి ఓ గారు పంతులమ్మ కి పట్నంలో ఆమె పేరు మీద ఒక ఇల్లు కొనిస్తాడు. ఊరిలో 5 ఎకరాలు పొలం కొనిస్తాడు. అసలు పెళ్ళాం పిల్లలని రోడ్ మీద పడేస్తాడు.అదీ కథ. అయితే ఆ కథకు వేసిన బొమ్మ, రాసిన విధానం బాగా నచ్చి.. మళ్ళీ చదవాలని కోరిక పుట్టినప్పుడల్లా కరణం గారి ఇంటికి వెళ్లి తలుపు బాధడం. పత్రిక అడగడం. ఇలా ఒక్క రోజే పది సార్లు తలుపు బాధే సరికి..నా బాధ పడలేక మా కిష్టప్ప బాబాయి పత్రిక లోంచి ఆ కథ తాలూకు పేజెస్ చించేసి నా చేతిలో పెట్టాడు.
**** **** *****
ఒక వారం తరువాత మా మేనత్త గారి ఊరు గోపారం వెళ్లాను. అక్కడ ఇంటికి దగ్గర లోనే కోమటి సత్యం కిరాణా కొట్టు ఉంది. ఇంట్లో ఏమైనా సరుకులు కావాలంటే.. అక్కడే కొని తెచ్చే వాడిని. అయితే ఒకసారి ఏ పొట్లం విప్పినా.. నాకు ఆంధ్ర పత్రిక లోని నల్ల కోడి పెట్ట కథ తాలూకు పేపర్స్. అన్నిటి మీద నులక మంచం, పంతులమ్మ
బొమ్మలు. ఇదెక్కడి బాధరా బాబూ.. ఈ నల్ల కోడి పెట్ట నన్ను వదలదా అనుకుని కిరాణ కొట్టు సత్యాన్ని అడిగితే నిడదవోలు లో రద్దీ పేపర్స్ అమ్మే షాపు లో వీళ్ళకి పొట్లాలు కట్టడానికి సప్లై చేసే వాడు విజయవాడ నుంచి కాంట్రాక్టర్ ద్వారా పత్రిక ఆఫీస్ ల్లో వేస్ట్ పేపర్స్ బండిల్స్ లారీల్లో తెప్పిస్తాడుట. ***

లైఫ్ ఇన్ హైద్రాబాద్..1970స్
చక్రాల్లో గాలి పోయింది....

కొద్దిగా నిలదొక్కు కుని హ్యాపీగా రెండు రోజులకో సెకండ్ షో ఆదివారాలు మార్నింగ్ షోస్ చూస్తున్న టైంలో ఒక రోజు రాత్రి తొమ్మిది గంటలకి తలుపు టక టక చప్పుడయ్యింది ఒరేయ్ బాబ్జీ అంటూ.రేడియోలో పాటలు వింటూ వర్క్ చేసుకుంటున్న నేను ఈ పేరుతో పిలిచే వారు ఎవరై ఉంటారు.ఇది మా ఇంట్లోను నాతో ఆడుకున్న చిన్నప్పటి ఫ్రెండ్స్ పిలిచే పేరు. డ్రాయింగ్ బోర్డ్ పక్కని పెట్టి లేచి తలుపు తీస్తే ఎదురుగా మాసిన గడ్డం కుళ్ళి పోయిన బట్టలు నెత్తిమీద గోనె సంచి.చీకట్లో గుర్తు పట్టలేదు.ఎవరయ్యా అని అడిగితే..నేనురా సుబ్బారావుని అన్నాడు.గొంతు విని గుర్తు పట్టి లోపలికి రమ్మన్నాను.
ఈ అవతారం ఏంట్రా ఎక్కడో రంగూన్ నుంచి పారిపోయి వచ్చి నట్లు అన్నా.వాడెక్కడో జనగం దగ్గర బస్ డిపో కాంటీన్ లో స్వీపర్ గా పని చేస్తున్నాట్ట.కాంటిన్ కాంట్రాక్టర్ కాంట్రాక్ట్ అయిపోయిందట.వీడి ఉద్యోగం పోయింది.మరి ఆ నెత్తి మీద గొనె సంచి ఏంటన్న.ఏవో బొగ్గుల కుంపటి, మూకుడు అల్యూమినియం బొచ్చెలూట.జీతం బదులు ఇవి ఇచ్చాడట వాడి ఓనర్.
వాడిని చూసి చాలా ఏండ్లు అయ్యింది.మాకంటే చాలా ఏండ్లు ముందే మాధవరం వదిలేసాడు.ఏదో అంబాజి పేట సబ్బుల వ్యాపారం అని వాళ్ళ నాన్నతో మొత్తం పొలం అమ్మించి వ్యాపారం దిబ్బ అయ్యిన తరువాత అందరిని రోడ్ మీద పడేసాడు.స్కూల్ లైఫ్ లో నన్ను వదిలే వాడు కాదు.
నా అడ్రస్ ఎవరు ఇచ్చారు ...ఉత్తరం రాయకుండా ఎలా వచ్చావు అని అడిగా..
స్నానం చేసి ఎన్నాళ్ళు అయ్యింది ముందు స్నానం చేయి అంటూంటే వాడి చొక్కా లోంచి బీడీ కట్ట కింద పడింది. అలవాట్లకి లోటు లేదు అని అర్థం అయ్యింది. ఇంటి వాళ్ళ పర్మిషన్ లేకుండా వీడిని ఉంచు కోవడానికి వీలు లేదు. వీడు వచ్చిన మరునాడే మాఊరు మా బాబాయిల నుంచి ఉత్తరం వచ్చింది. పలానా వారి అబ్బాయి వీడు వస్తే రూమ్ లో పెట్టుకోవద్దు అన్ని దురలవాట్లతో కుటుంబాన్ని రోడ్ మీద పడేసాడు.నిన్ను కూడా తగలేస్తాడు అని. నేను వాడికి చెప్పాను.ఇంట్లో బీడీ వాసన రాకూడదు అని.ఇంటి అద్దె భోజనానికి నువ్వు ఇవ్వక్కర లేదు.నీకు జాబ్
దొరికే దాకా ఉండు...ఇంటి వాళ్ళు ఇద్దరిని ఒప్పు కోరు అని చెప్పా.ఇదివరకు ఏమో కాని నాదగ్గరకు
వచ్చేక పద్ధతి గానే ఉన్నాడు.ఎటొచ్చి మళ్ళీ నా సరదాలు తగ్గించు కోవాల్సి వచ్చింది.
జాబ్ చూస్తే ఇప్పట్లో పెర్మనెంట్ అయ్యేలా లేదు.నా ఫ్రెండ్ రెహ్మాన్ ఇక్కడ టెంపరరీ జాబ్ వదిలేసి ఆదిలాబాద్ వెళ్లి పోవడంతో నాకూ ఆఫీసులో కొంచెం డల్ అయిపోయింది.
ఈలోపు ఒక తెలిసున్న వాడు వాడి బ్రదర్ ని ఒక నెల రోజుల కోసమని నా రూంలో పడేసాడు.మొహమాట పడి తప్పు చేశాను.వాడు చేరగానే నాతో సుబ్బా రావు గాడిని బయటకు గెంటేయ మంటాడు.నాకు అనిపించింది వీడు కావాలంటే ఇంకో చోట ఉంటాడు.
సుబ్బారావు గాడికి నేను తప్ప మరో గతి లేదు కాబట్టి కుదరదు అన్నా.
ఒక రోజు మా వాడు కంప్లైంట్ కొత్త రూమ్ mate మీద. వాడు వీడితో బ్రెడ్ బట్టర్ జాం బయటి నుంచి తెప్పించు కొని వీడి కడుపు మాడి పోతుంటే ఎవడో ఫ్రెండ్ తో వీడికి పెట్టకుండా లాగించేసేడట.ఎదురు
నీలాంటోడికి ఇటువంటి ఫుడ్ తినే అర్హత లేదోయ్ అన్నాడట....
***
కొత్త సైకిల్ కొన్న తరువాత ఫ్రెండ్స్ ఇద్దరు అమ్మాయిల్లో ఒకమ్మాయి టిఫిన్ బాక్స్ చేత్తో పట్టుకుని కనకాంబరం రంగు కాటన్ చీర కట్టుకొని ఆఫీస్ కి నడుచు కుంటు వెళ్తూ బడేచౌడి లో కనబడింది.
సైకిల్ మీద లిఫ్ట్ ఇస్తే ఏదో తాపి మేస్త్రి కూలి పిల్లని ముందు కూర్చో పెట్టుకుని తొక్కుతున్నట్లు ఉంటుందని నేను పక్కనే నడుచు కుంటు వెళ్తుంటే
మాటల్లో తన పెళ్లి సెటిల్ అయ్యిందని చెప్పి కార్డ్ ఇచ్చింది.శుభం ఒకళ్ళు అయిపోయారు.
ఇంకో రోజు పొద్దున్నే గుడికి వెళ్ళి దేవుడ్ని ప్రాద్ధిద్దాం
కనీసం రెండో అమ్మాయేన దొరకాలి అనుకొని వెళ్తే అక్కడే గుడిలోనే కనబడింది.ఎవరో ఇద్దరు పెద్ద వాళ్ళని పరిచయం చేసింది మామ గారు అత్త గారు అని.నేను మీ మేనత్త గారా అన్నా ఆశ చావక. కాదు నిజం మామగారు అత్తగారే అంది.
మరి మీ ఆయనేడీ అన్నా. ప్రసాదం పొట్లాల కోసం
క్యూ లో ఉన్నారు.పరిచయం చేస్తా ఉండు అంది.
ఉసూరు మనిపించి ఇంకో రోజు చేద్దువు గాని అని నీరసం గా సైకిల్ ఎక్కాను. ఒకేసారి రెండు టైర్స్ లో గాలి పోయింది.జరిగింది గురువు లాంటి మిత్రుడికి చెబితే మొహం ఎలిమెంట్రీ స్కూల్ పిల్లాడిలా పెట్టుకుని వెళితే నిన్ను ఎవడు పెళ్లి చేసు కుంటారురా అన్నాడు...****
ఇంకా ఉంది..

సుశీల అద్భుతంగా పాడిన పాట

Thandri Kumara Parisudhadhmudu - P. Susheela Telugu Christian song