Trending Odisha

ଟ୍ରକ ଚକା ତଳେ ଆଜି ସକାଳୁ ମା ଝିଅ ଙ୍କ ଘଟଣାସ୍ଥଳରେ ହିଁ ଜୀବନ ଚାଲି ଗଲା। ସହର ର ୧୧ ଗୋଟି ବନ୍ଧ ଜଳାଶୟ ଗୁଡିକର ପଙ୍କ ମାଟି କୋଡା ଯାଇ ଟ୍ରକ ଟ୍ରାକ୍ଟର ଯୋଗେ ଅନ୍ୟତ୍ର ସ୍ଥାନାନ୍ତରଣ କରାଯାଉଛି। ସ୍ଥାନାନ୍ତରଣ ବେଳେ ସହର ଭିତରେ ରାସ୍ତାରେ ମାଟି ପଙ୍କ ପକାଇ ଏହି ଟ୍ରକ ସବୁ ଯାଉଛି ଏଥି ଯୋଗୁଁ ଧୂଳି ପ୍ରଦୂଷଣ ହେବା ସହ ବର୍ଷା ପାଣି ପଡି ରାସ୍ତା କାଦୁଅ ପଚପଚ ହେଉଛି।ଏପରି କାଦୁଅ ପଚପଚ ରାସ୍ତାରେ ଅସାବଧାନତା ବଶତଃ ଆଜି ଦୁଇ ଜଣଙ୍କ ଜୀବନ ଚାଲି ଯାଇଛି। ଏପରି କିଛି ଦୁଃଖଦ ଘଟଣା ଘଟିଛି ବଲାଙ୍ଗୀର ସହରରେ। ଆଜି ସକାଳ ପ୍ରାୟ ୬ ଟା ୩୦ ମିନିଟି ସମୟରେ ତାଲପାଲି ପଡ଼ାର ମାଆ ସୁନୀତା ନାଗ ଓ ଝିଅ ସୃତି ନାଗ ତାଙ୍କ ସ୍କୁଟିରେ ମା କୁ ଡିୟୁଟି ପାଇଁ ଏକ ଘରୋଇ ହସ୍ପିଟାଲ କୁ ନେଇ ଯାଉ ଥିବା ବେଳେ ଗାନ୍ଧୀନଗର ପଡା ପିଚୁ ହୋଟେଲ ଆଗରେ ତାଙ୍କୁ ଏକ ଟ୍ରକ୍ ମାଡ଼ି ଯିବାରୁ ମାଆ ଝିଅ ଦୁହେଁ ଟ୍ରକ ଚକା ତଳେ ଚାପି ହୋଇ ମୃତ୍ୟୁବରଣ କରିଛନ୍ତି। ଘଟଣାସ୍ଥଳ ରୁ ଟ୍ରକ ଚାଳକ ଫେରାର ମାରିଛି। ବ୍ୟସ୍ତବହୁଳ ବଲାଙ୍ଗୀର ସମ୍ବଲପୁର ରାସ୍ତା(ଏନ୍ ଏଚ୍ ୨୬)ର ଗାନ୍ଧୀ ନଗର ପଡା ଠାରେ ଏପରି ଘଟଣା ଘଟିଛି ଯାହା ସମସ୍ତଙ୍କୁ ମର୍ମାହତ କରିଛି। ବଲାଙ୍ଗୀର ମୁନିସିପାଲିଟି ଜଳାଶୟ ଗୁଡିକର ପଙ୍କୋଦ୍ଧାର କାମ ରେ ରାସ୍ତାକୁ ମାଟି କାଦୁଅରେ ଭର୍ତି କରିଦେବା ଯୋଗୁଁ ଗତ କିଛି ଦିନ ହେଲା ବଲାଙ୍ଗୀର ବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ପ୍ରକାଶ ପାଇଛି। ଜଳାଶୟ ଗୁଡିକର ପୁନଃରୁଦ୍ଧାର ହେଉ କିନ୍ତୁ ତା ସଂଗେ ସଂଗେ ସହର ଭିତରେ ପ୍ରଦୂଷଣ ଓ ଲୋକଙ୍କ ଜୀବନ ଜୀବିକା ପ୍ରତି ମଧ୍ୟ ଦୃଷ୍ଟି ଦେବା ପ୍ରଶାସନ ର ଦାୟିତ୍ୱ ଅଟେ। ବଲାଙ୍ଗୀର ମୁନିସିପାଲିଟି ଓ ଜିଲ୍ଲା ପ୍ରଶାସନ ର ବେପରୁଆ ମନୋଭାବ ଯୋଗୁଁ ଆଜି ଦୁଇ ଜଣ ନିରୀହଙ୍କ ଜୀବନ ଚାଲିଯାଇଛି । ଏହି ଘଟଣା ସ୍ଥାନୀୟ ଅଂଚଳରେ ଲୋକଙ୍କ ଭିତରେ ଉତେଜନା ପ୍ରକାଶ ପାଇଛି।

ଅଷ୍ଟମ ଶ୍ରେଣୀର ଛାତ୍ରୀ ବନିଲେ IPS ଅଫିସର! 😲

ବିହାରର ବାଗହା ଜିଲ୍ଲାରେ ଏକ ଅନନ୍ୟ ଘଟଣା ସମସ୍ତଙ୍କ ଧ୍ୟାନ ଆକର୍ଷଣ କରିଛି। ଅଷ୍ଟମ ଶ୍ରେଣୀର ମେଧାବୀ ଛାତ୍ରୀ ଅମୃତାଙ୍କୁ କିଛି ସମୟ ପାଇଁ ଜିଲ୍ଲାର ଏସପି (SP) ଭାବେ ଦାୟିତ୍ୱ ଦିଆଯାଇଥିଲା। ଜଣେ ପୋଲିସ ଅଧିକାରୀଙ୍କ ବିଶେଷ ପ୍ରୟାସରେ ଏହି ସୁଯୋଗ ପାଇଥିବା ଅମୃତା ପୋଲିସ କାର୍ଯ୍ୟାଳୟରେ ବସି ବିଭିନ୍ନ କାର୍ଯ୍ୟ ପ୍ରକ୍ରିୟାକୁ ନିକଟରୁ ଦେଖିଥିଲେ।

ଛୋଟ ବୟସରେ ଏପରି ଦାୟିତ୍ୱ ପାଇ ଅମୃତା ବହୁତ ଖୁସି ହୋଇଥିଲେ ଏବଂ ଭବିଷ୍ୟତରେ ଜଣେ ସତ୍ୟିକାର IPS ଅଫିସର ହେବାର ସ୍ୱପ୍ନ ବ୍ୟକ୍ତ କରିଥିଲେ। ତାଙ୍କ ଆତ୍ମବିଶ୍ୱାସ ଓ ଉତ୍ସାହ ଦେଖି ସେଠାରେ ଉପସ୍ଥିତ ସମସ୍ତେ ଆଶ୍ଚର୍ଯ୍ୟ ହୋଇଯାଇଥିଲେ।

ଏହି ଘଟଣା ଅନେକ ଛାତ୍ରଛାତ୍ରୀଙ୍କ ପାଇଁ ପ୍ରେରଣା ସାଜିଛି ଏବଂ ବଡ଼ ସ୍ୱପ୍ନ ଦେଖିବାକୁ ଉତ୍ସାହିତ କରିଛି।