Khelghar Pune

*२६ जुलैचा थेट भेट कार्यक्रम*

२५ तारखेला लागून राहिलेल्या संततधार पावसाने कार्यक्रम करता येतोय की नाही असा पोटात गोळा आला होता. पण पावसावर विश्वास ठेवला आणि पावसाने साथ दिली...कार्यक्रम उत्तम पार पडला.

कार्यक्रमाची आखणी आणि कार्यवाही खेळघराच्या युवक गटाच्या मुला - मुलींनी मिळून केली होती.

मुले आणि पाहुणे यांच्या प्रश्र्नोत्तरांच्या रुपातल्या संवादाने कार्यक्रमाची सुरुवात झाली.
त्यानंतर दहावी, बारावी आणि डिग्री परीक्षा पास झालेल्या मुलांना त्यांच्या उपयोगाची छोटी गिफ्ट देऊन कौतुक केले.

नंतर गेल्या वर्षभरात युवक गटात केलेल्या उपक्रमांच्या बद्दल मुलांनी PPT chya माध्यमातून प्रेझेंटेशन केले.

दरवर्षी मुले नर्मदा जीवनशालांच्या
बालमेळयाच्या कार्यक्रमात मदत करायला चार दिवसांसाठी जातात. मुलांसाठी हा एक भारावून टाकणारा अनुभव असतो. मुलांनी या विसीटची एक छोटी फिल्म तयार केली होती. मुले अगदी भरभरून बोलत होती त्यांच्या अनुभवाबद्दल! लोकशाही उत्सव, मित्र मिलाफ कार्यक्रम, त्यांच्या सहली, workshops याबद्दल मुलांनी मांडणी केली. Wipro run च्या कार्यक्रमात मुलांनी जो डान्स केला होता तो इथेही करून दाखवला.

यानंतर हिरम्मा या आमच्या सीनिअर विद्यार्थिनीने तिच्या शैक्षणिक प्रवासाबद्दल इंग्लिशमधून केलेली मांडणी आम्हा सगळ्यानाच चकित करून टाकणारी होती.
विवेकने त्याच्या हॉटेल मॅनेजमेंट कोर्सच्या अनुभवाबद्दल सांगितले. हे सीनिअर विद्यार्थी नुकत्या दहावी झालेल्या मुलांसमोर रोल मॉडेल आहेत.

मुलांची energy, उत्साह आणि आनंद आम्हा सगळ्यांना देखील उमेद देऊन गेला.

आलेल्या सगळ्याच पाहुण्यांचे खेळघरावर निरतिशय प्रेम आहे. त्यामुळे मुलांचा आत्मविश्वास आणि उत्साह त्यानाही खूप समाधान देऊन गेला.

ज्यांना कार्यक्रमाला काही कारणाने येता आले नाही त्यांच्यासाठी थोडक्यात लिहिले आहे ...