Glanceit Digital Newspaper

उद्या दिनांक 17 जून 2022 रोजी दुपारी एक वाजता दहावीचा निकाल जाहीर होईल.

Glance it :
: सीआरपीएफ कॅम्पमध्ये जवानाचा सात सहकाऱ्यांवर गोळीबार, 4 जणांचा मृत्यू!*

👮🏻 देशातील छत्तीसगड राज्यामधील सुकमा जिल्ह्यात एका जवानाने आपल्या सहकारी जवानांवर गोळीबार केल्याची घटना घडली आहे. या घटनेत 4 जवान शहीद झाले असून 3 जवान जखमी झाले आहेत. शहीद आणि जखमी सर्व जवान केंद्रीय राखीव पोलीस दलाचे (CRPF) आहेत. या छावणीत 85 व्या बटालियनच्या सैनिकांचा देखील कॅम्प आहे. गोळीबारामुळे इतर जवान घटनास्थळी दाखल झाले. यानंतर अधिकाऱ्यांना माहिती देण्यात आली.

😨 *सात सहकारी सैनिकांवर केला गोळीबार*

👉 मिळालेल्या माहितीनुसार, घटना कोंटा विकासखंड लिंगानापल्ली गावात असलेल्या 50 व्या बटालियन कॅम्पची आहे. रात्री 3.15 च्या सुमारास गोळीबार करणाऱ्या जवानाचे नाव रितेश रंजन आहे. या जवानाने लिंगानापल्ली येथे सहकारी सात सैनिकांवर गोळीबार केला. हे जवान गंभीर जखमी झाले आहेत.

👉 या सर्व जवानांना तातडीने भद्राचलम परिसरातील रुग्णालयात उपचारासाठी दाखल करण्यात आले, त्यातील चौघांचा मृत्यू झाला असून तिघांवर उपचार सुरू आहेत, असे एका अधिकाऱ्यांनी जारी केलेल्या निवेदनात म्हटले आहे.

👉 जखमींपैकी दोन सीआरपीएफ जवानांना उपचारासाठी हेलिकॉप्टरमधून रायपूरला नेण्यात येत असल्याची माहिती आहे. या घटनेनंतर सीआरपीएफने या प्रकरणाच्या चौकशीसाठी कोर्ट ऑफ इन्क्वायरीचे आदेश दिले आहेत. या घटनेत AK-47 ने गोळीबार केल्याची माहीती आहे.

📍 दरम्यान, या घटनेत 4 जवानांचा मृत्यू झाला त्यात 2 बिहारचे आणि एक पश्चिम बंगालचचे जवान आहेत. चौथ्या जवानाची अजून माहीती नाही. तर 3 जखमींपैकी 2 जवानांची प्रकृती चिंताजनक असल्याचं सांगण्यात येतंय. घटनेनंतर आरोपी जवानाला ताब्यात घेण्यात आले आहे. सोमवारी पहाटे सकाळी 3-3.15 च्या दरम्यान घडली आहे. परस्पर वैमानस्यातून हा गोळीबार झाल्याचे म्हटले जात आहे, तरी गोळीबाराचे नेमके कारण अद्याप समोर आलेले नाही.
➖➖➖➖➖➖➖➖➖o
Like page