_de.ha

माझा बाप्पा - २०२४
कैवल्य साम्राज्या चक्रवर्ती श्री माऊली ज्ञाननाथ आपल्या श्रीमत् ज्ञानदेवीच्या पहिल्या अध्यायाच्या सुरुवातीस श्री गजाननाच्या रुपाचं वर्णन २० ओव्यांत करतात.त्यातीलच
“देखा षड्दर्शने म्हणिपती | तेचि भुजांची आकृती ||
म्हणऊनि विसंवादे धरिती | आयुधे हाती || “
अशा ओव्यांचा आधार घेत यावर्षीचा बाप्पा साकारण्याचा प्रयत्न केला आहे.
या विचाराची सुरुवात माझ्या नुकत्याच झालेल्या पंढरपुर दर्शनावेळी श्रीगुरु चैतन्य महाराज देगलुरकर यांचं श्री ज्ञानेदवीतील
“तरी तर्कु तोचि परशु | नीतिभेदु अंकुशु |
वेदांतु तो महारसु | मोदकु मिरवितसे || ”
या ओवीवरील प्रवचन ऐकताना झाली.
त्यामुळे श्रींनीच ही सेवा या देहाकडुन करवुन घेतली हीच भावना मनात आहे….
त्याच पद्धतीनं श्रींच्या पगडीसाठी मराठ्यांच्या इतिहासातील दैदिप्यमान कारकिर्द गाजवणाऱ्या नागपुरकर राजे भोसले यांच्या शाही पगडीचा संदर्भ घेत पगडी बनवली आहे.
-हरिष राजेंद्र देशमुख