Jeevan Jyoti

किस किस को याद है?

पट्टीयां आला कच्छा
सुन्ना फिरदा बाछा
गलिया म बिकण आला लछा
5- 5 सेर हलवा खाण आला डचा
ईब तो टोये कोनी पाव दोस्तो टोये कोनी पाव

ऊँट कै ऊपर तागड़
ताऊ का कसेड़ा लांगड
बीडी मै घालेड़ी भांगड
अर तेल चोपडेड़ा बांगड

ईब तो टोये कोनी पाव दोस्तो टोये कोनी पाव

मास्टरा आलि भूंडी कूटायी
चौपाल मै बुढ़ा की हथाई
सासरे मै 2- 3 दिन रुकण आला जमाई
अर बटोडाँ मै लड़दी लुगाई

ईब तो टोये कोनी पाव दोस्तो टोये कोनी पाव

शक्कर भेणी जिसा खेल
माचिस की डबी आलि रेल
सिर ते तपकदा सरसों का तेल
अर मानीटर भी हो जाँदे फैल

ईब तो टोये कोनी पाव दोस्तो टोये कोनी पाव

गाम मै कच्चे मकान
6- 6 फूट के जवान
कणक के ऊँचे - ऊँचे लाण
अर रोज़ रोज़ दुखणीया कान

ईब तो टोये कोनी पाव दोस्तो टोये कोनी पाव

बिलोणे मै लास्सी
घर मै संडासी
गाण- बजाण आला मिरासी
पूरे गाम मै इब काशी

ईब तो टोये कोनी पाव दोस्तो टोये कोनी पाव

एक माँ कै 5- 5 छोरा
ऊँट के ऊपर बौरा
बड़ी बड़ी मूंछया का टोरा
अर सिर मै पड़या खौरा

ईब तो टोये कोनी पाव दोस्तो टोये कोनी पाव

बरात मै बिना पियड़ा बराती
दुख मै काम आण आला साथी
कस्सी मै बिंडा घालणीया खाती
अर टेम पर आण आला भाती

ईब तो टोये कोनी पाव दोस्तो टोये कोनी पाव

सभी को नमस्कार।।
कैसे हो आप सब??