Nashik Informer

रुग्णांच्या सेवेत स्वामी विवेकानंद मल्टी
स्पेशालिटी हॉस्पिटल रुजू,
4 जूनला होणार उद्घाटन
मोफत तपासणी आरोग्य तपासणी सेवा सुरू.
त्र्यंबकेश्वर . 14 मे 2023.
श्री रामकृष्ण आरोग्य संस्थान संचलित स्वामी विवेकानंद मल्टीस्पेशालिटी हॉस्पिटल अँड रिसर्च इन्स्टिट्यूट, त्र्यंबकेश्वर येथे मोफत आरोग्य तपासणी शिबीर राबविण्यात आले.
त्र्यंबकेश्वर तालुका व इतर जवळील भागातील आदिवासी तसेच इतर गरजू घटकांकरिता श्री रामकृष्ण आरोग्य संस्थानने, अध्यक्ष स्वामी श्रीकंठानंद यांच्या मार्गदर्शनाखाली स्वामी विवेकानंद मल्टीस्पेशालिटी हॉस्पिटल व रिसर्च इन्स्टिट्यूट ची स्थापना केली असून लवकरात लवकर सर्व गरजूंना आरोग्य सुविधा देण्याच्या उद्देशाने रविवार दि.14 मे रोजी मोफत आरोग्य तपासणी शिबीर राबविण्यात आले, त्वचा विकार, दंत रोग, स्त्रीरोग, नेत्र रोग, अस्थीरोग, बाल रोग, कॅन्सर, मेडिसिन यामध्ये मोफत उपचार व औषधे देण्यात आली. या शिबिरास परिसरातील नागरिकांचा उत्स्फूर्त प्रतिसाद लाभला. मोफत आरोग्य तपासणी दि. ३जुन पर्यंत सकाळी 10 ते दुपारी 2 पर्यंत चालू राहणार असून परिसरातील सर्व नागरिकांनी याचा लाभ घ्यावा असे आवाहन संस्थेचे अध्यक्ष स्वामी श्रीकंठानंद यांनी केले आहे. हॉस्पिटलचा औपचारिक उदघाटन सोहळा 4 जून रोजी सेवाभावी मान्यवरांच्या उपस्थितीत होणार आहे.
त्रंबकेश्वर तुपादेवी समोर तळवाडे व्हिलेज रोड येथे हॉस्पिटल असून सद्या बाह्य रुग्ण विभाग ओपीडी सेवा सुरू झालेली आहे.
आरोग्य सेवा हीच ईश्वर सेवा मानून वरील हॉस्पिटल कार्यरत राहणार आहे. निसर्गरम्य वातावरणातील हॉस्पिटल रुग्णांना वरदान ठरेल चित्र आहे.

नाशिक जिल्ह्याला शासनाच्या अनलॉक लेव्हल तीन मध्येच ठेवण्याचा पालकमंत्र्यांच्या बैठकीत निर्णय; अनलॉकच्या दुसऱ्या टप्प्यात जाण्यासाठी ग्रामीण भागातील वाढती कोरोना बाधितांची संख्या अडसर, निर्बंध शिथिल होण्यासाठी अजून एक आठवडा प्रतीक्षा : पालकमंत्री छगन भुजबळ

नाशिकमध्ये कोरोना परिस्थितीचा आढावा घेण्यासाठी जिल्हाधिकारी कार्यालयात बैठक पार पडली. या बैठकीनंतर पत्रकार परिषद घेऊन भुजबळ यांनी माहिती दिली. जिल्ह्यात कोरोनाची परिस्थिती सध्या नियंत्रणात आली आहे. जिल्ह्याच्या पॉझिटिव्हीटी रेट ५ टक्के आहे तर मृत्यू दर १.४३ टक्के आहे. खाजगी हॉस्पिटलमधील ५२२ बळींची संख्या पोर्टलवर अद्ययावत करणे बाकी आहे आहे. जिल्ह्याचा सरासरी मृत्युदर १.८१ आहे.

हॉस्पिटलमध्ये बेड्स मोठ्या प्रमाणावर रिक्त आहेत. जिल्ह्यात १०० मेट्रिक टन ऑक्सिजन उत्पादन होत असून सर्व हॉस्पिटलसाठी ऑक्सिजन पुरेसा आहे.

निर्बंधात लॉन्स करीता शनिवार आणि रविवार परवानगी देण्यात आली आहे. ५० लोकांत लग्नसमारंभ करण्याचं बंधन आहे त्याचप्रमाणे यासाठी सायंकाळी ४ वाजेपर्यंतच वेळ आहे. इतर सर्व निर्बंध कायम आहे. विकेंड लॉकडाऊन हा सुरूच राहील. परिस्थिती सुधारल्यास पुढील आठवड्यात आणखी शिथिलता करण्याचा प्रयत्न करण्यात येईल, असंही भुजबळ यांनी सांगितलं.

...यंदा प्रथमच बाप्पा निघाले एसटीतून; पंचवटी आगाराचा मूर्ती संकलन रथ

...यंदा प्रथमच बाप्पा निघाले एसटीतून; पंचवटी आगाराचा मूर्ती संकलन रथ नाशिक शहरामध्ये यावर्षी गणेशोत्सव अगदी साधेपणाने पार पडला दरम्यान आज अनंतचतुर्दशीच्या मुहूर्तावर नाशिक करण कड....

गणेश विसर्जनासाठी नाशिककरांची 'ऑनलाईन टाईमस्लॉट बुकिंग'ला पसंती; इथे करता येईल बुकिंग।

नाशिक : कोरोना विषाणूच्या साथीमुळे या वर्षीच्या गणेशोत्सवामध्ये गणेश विसर्जनाचे वेळी गर्दी टाळण्यासाठी नाशिक महानगरपालिका आणि फॉक्सबेरी टेक्नोलॉजिज् यांच्या वतीने ऑनलाईन गणेश विसर्जन टाईमस्लॅाट बुकिंग सुविधा सुरू करण्यात आली आहे.

:: नागरीकांनी उद्दंड प्रतिसाद ::

शहरातील सार्वजनिक गणेशोत्सव शांततेत, सलोख्याने व सुरक्षित पद्धतीने साजरा करण्यासाठी महापालिका व पोलिस यंत्रणा विविध उपाययोजना करीत आहेत. त्याचाच एक भाग म्हणून नाशिक महानगरपालिका क्षेत्रात गणेशमूर्ती विसर्जनासाठी ऑनलाईन टाइमस्लॉट बुकिंग सुविधा सुरु करण्यात येत आहे. ३० ऑगस्ट, १ सप्टेंबर या दिवसांकरता बुकिंगची सुविधा सुरु केली आहे. या उपक्रमाला २५०० पेक्षा जास्त नागरीकांनी उद्दंड प्रतिसाद दिला. आतापर्यंत ११३१ नागरिकांनी अमोनियम बायकार्बोनेटचा लाभ घेतला आहे.

:: असे करता येईल बुकिंग ::

विसर्जनाचा टाइमस्लॉट बुक करण्यासाठी नाशिक महानगरपालिकेच्या https://covidnashik.nmc.gov.in:8002/covid-19.html
या अधिकृत संकेतस्थळावर जाऊन Ganpati Visarjan Booking हा पर्याय निवडल्यानंतर आपल्या भागातील कृत्रिम तलावांची किंवा मूर्ति स्वीकृती केंद्रांची यादी पहावी. गणेश मूर्ती विसर्जनासाठी आपल्या जवळच्या विसर्जन स्थळाचा टाइमस्लॉट बुक केल्यानंतर ही प्रक्रिया पूर्ण होईल.

जास्तीत जास्त नागरिकांनी ऑनलाईन स्लॉट बुक करून महानगरपालिकेला योग्य नियोजन करण्यास सहकार्य करावे असे आवाहन महानगरपालिकेच्या वतीने करण्यात आले आहे.