Studio 77

गेली जवळ जवळ २० ते २२ वर्ष झाली लग्न किंव्हा तत्सम इव्हेंट्स शूट करतोय, कित्येक वेगवेगळ्या पद्धतींचे सोहळे, रीती, रूढी, परंपरा, चाली रीती फार फार जवळून अनुभवायला मिळाल्या, सुरुवातीच्या काळात जेंव्हा फोटोग्राफी करायला सुरुवात केली तेंव्हा अश्या इव्हेंट्स मध्ये फारसा रस वाटंत न्हवता कारण फेम न्हवतं पण मग फेम आणि पैसा ह्यांचं गणित घालता येत नाही कधी कधी, ह्या उपर कलाकार म्हणून तुम्ही ज्यांच्यासाठी काम करता त्यांच्या चेहेऱ्यावरचा आनंद पाहायला मिळत न्हवता मग हळू हळू इकडे वाळलो आणि ह्यात काय मज्जा आणि सुख आहे ते आपसूकच उमगायला लागलं, असे सोहळे शूट करताना घाई हा आमच्या राशीला पुजलेला शनीच जणू पण मग अश्या वेळेस आपलं कौशल्य आणि अनुभव ह्याच्या जोरावर बऱ्याचदा बॅटिंग करावी लागते आणि त्यातून मग असे काही शॉट्स आपल्या हातून लागतात कि ते पाहतच रहावे, मला वैयक्तिक कृष्णधवल ( ब्लॅक अँड व्हाईट ) फोटोस काढायला आणि पाहायला खूप आवडतात, अर्थात ह्यसाठी लाईट्स चं गणित उत्तम जमायला हवं, मी कृष्णधवल ( ब्लॅक अँड व्हाईट ) फोटोस पोस्ट करण्याची एक सिरीज सुरु करतोय, फ्रिक्वेन्सी किती असेल हे सांगता येत नाही पण जसा वेळ मिळेल तसं पोस्ट करत जाईन, आज दिवसही चांगला आहे म्हणून सुरुवात करूया म्हणतोय, सोबत एक फोटो जोडतोय कसा वाटला नक्की सांगा.

टीप : फोटो फुल्ल स्क्रीन करून पाहा.