Genral knowledge

We are not kidding but your favorite Garlic naan can be healthy too 😛😉

Garlic Naan is so deeply rooted in our modern Indian culture and, we crave such things while we are on a diet.

So we tried to analyze how bad a garlic naan is!
When it comes to calories as well as fat, it is way better than so-called healthy grilled sandwich which is very often recommended by gym trainers and dietitians.

Isn't Garlic Naan made of Maida and And who eats Naan alone?

Agreed, that Garlic naan is made of maida but 1 naan hardly requires 50 gms of maida and you can pair your favorite garlic naan with a raita/ dal/mix veg over pairing it with buttery gravy or creamy chicken. You can also prepare Naan at home by substituting 50% of the maida with oats flour.

BOTTOMLINE:

Often we ignore those little joys of life and think too much. Sometimes it's because of lack of knowledge or awareness but food cannot be labeled as healthy/ unhealthy. You can prepare a healthy sandwich or healthy naan at home. Sometimes you need the food you want.

MRI...
ਆਪਣੇ ਗਲੀ ਮੁਹੱਲੇ, ਆਲੇ- ਦੁਆਲੇ ਕਿਸੇ ਨੂੰ ਪੁਛੋ ਨਿਕੋਲਾ ਟੈਸਲਾ ਕੌਣ ਸੀ ? ਸ਼ਾਇਦ ਹੀ ਕਿਸੇ ਨੂੰ ਪਤਾ ਹੋਵੇ. ਹੁਣ ਉਹਨਾਂ ਨੂੰ ਪੁਛੋ ਕੇ MRI ਕੀ ਹੁੰਦੀ ਹੈ , ਉਹ ਸਾਰਿਆਂ ਨੂੰ ਪਤਾ ਹੋਣਾ. ਹਰ ਕਿਸੇ ਦੇ ਪਰਿਵਾਰ ਵਿਚ ਕਿਸੇ ਨਾ ਕਿਸੇ ਮੈਂਬਰ ਦਾ ਡਾਕਟਰਾਂ ਨਾਲ ਵਾਹ ਪਿਆ ਹੀ ਰਹਿੰਦਾ. ਤੇ ਹਰ ਪਰਿਵਾਰ ਵਿਚੋਂ ਕਿਸੇ ਨੇ ਕਿਸੇ ਨੇਂ MRI ਕਰਵਾਈ ਹੀ ਹੁੰਦੀ ਹੈ. ਜਿਹੜੇ ਵੀ ਹਸਪਤਾਲ ਜਾਂ ਲੈਬ ਵਿਚ MRI ਮਸ਼ੀਨ ਲੱਗੀ ਹੈ, ਉਹਨੇਂ ਬਾਹਰ ਇੱਕ ਵੱਡਾ ਜਿਹਾ ਬੋਰਡ ਵੀ ਲਾਇਆ ਹੁੰਦਾ, ਜਿਹਦੇ ਨਾਲ ਇਹ ਪਤਾ ਲੱਗ ਜਾਵੇ ਕੇ ਇਥੇ MRI ਕੀਤੀ ਜਾਂਦੀ ਹੈ. ਕਦੇ ਉਸ ਬੋਰਡ ਨੂੰ ਧਿਆਨ ਨਾਲ ਵੇਖੋ. ਉਸਤੇ 1.5T ਜਾਂ 3.0T ਲਿਖਿਆ ਹੁੰਦਾ. ਇਸਦਾ ਮਤਲਬ ਹੁੰਦਾ 1.5 ਟੈਸਲਾ ਜਾਂ 3.0 ਟੈਸਲਾ. ਇਹ MRI scanners ਦੀ capacity ਹੁੰਦੀ ਹੈ. ਜੇ 1.5 ਟੈਸਲਾ ਮਸ਼ੀਨ 10-15 ਲੱਖ ਡਾਲਰ ਦੀ ਆਉਂਦੀ ਹੈ ਤੇ 3.0 ਟੈਸਲਾ ਮਸ਼ੀਨ 20-25 ਲੱਖ ਡਾਲਰ ਦੀ ਆਉਂਦੀ ਹੈ.
ਸਾਡਾ ਸ਼ਰੀਰ ਐਟਮਾਂ ਦਾ ਬਣਿਆ ਤੇ ਐਟਮ ਵਿਚ ਨਿਊਕਲੀਅਸ ਹੁੰਦਾ. MRI scanners ਇਹਨਾਂ ਨਿਊਕਲੀਅਸ ਤੋਂ ਇਮੇਜ ਬਣਾਉਂਦੇ ਆ. ਇਹ ਇਮੇਜ X-ray ਤੋਂ ਕਿਤੇ ਵਧੀਆ ਹੁੰਦੀ. ਇਮੇਜ 2D ਵੀ ਬਣਾ ਸਕਦੇ ਆਂ ਤੇ 3D ਵੀ. MRI ਸਕੈੱਨਰਸ ਵਿਚ ਵੱਖਰੇ ਵੱਖਰੇ ਟਿਸ਼ੂ X-ray ਤੇ CT scan ਤੋਂ ਜਿਆਦਾ ਸਾਫ ਵਿੱਖਦੇ ਆ. ਇਸ ਮਸ਼ੀਨ ਵਿਚ ਮਨੁੱਖ ਨੂੰ ਲੰਮੇਂ ਪਾ ਕੇ ਇੱਕ ਤਾਕਤਵਰ ਚੁੰਬਕ ਵਿਚ ਭੇਜਿਆ ਜਾਂਦਾ. ਇਹ ਚੁੰਬਕ ਮੈਗਨੇਟਿਕ ਫ਼ੀਲਡ ਬਣਾਉਂਦੇ ਆ, ਜਿਹਦੇ ਨਾਲ ਮਨੁੱਖ ਦੇ ਸ਼ਰੀਰ ਦੇ ਐਟਮਾਂ ਦੇ ਨਿਊਕਲੀਅਸ ਵਿਚ rotating magnetic field ਬਣਦੀ ਹੈ. MRI scanners ਇਸੇ ਨੂੰ detect ਕਰਕੇ ਸ਼ਰੀਰ ਦੇ ਉਸ ਹਿੱਸੇ ਦੀ ਇਮੇਜ ਬਣਾਉਂਦਾ. MRI scanners ਦਿਮਾਗ, muscles, ਦਿਲ ਤੇ ਕੈਂਸਰ ਦੀ ਇਮੇਜ ਬਣਾਉਣ ਵਿਚ ਹੋਰ ਕਿਸੇ ਵੀ ਸਕੈਨਰ ਤੋਂ ਵਧੀਆ ਹੈ. Brain tumor ਲੱਭਣ ਵਿਚ ਇਹ ਮਸ਼ੀਨ ਬਹੁਤ ਫਾਇਦੇਮੰਦ ਹੈ. ਮਰੀਜ ਨੂੰ ਇਸ ਮਸ਼ੀਨ ਦਾ ਕੋਈ ਨੁਕਸਾਨ ਨਹੀਂ ਹੁੰਦਾ.
ਸਾਡੇ ਸ਼ਰੀਰ ਵਿਚ ਟਿਸ਼ੂ ਹੁੰਦੇ ਆ. ਇਹਨਾਂ ਟਿਸ਼ੂਆਂ ਵਿਚ ਬਹੁਤ ਸਾਰਾ ਪਾਣੀ ਹੁੰਦਾ. ਪਾਣੀ ਦਾ ਫਾਰਮੂਲਾ H2O ਹੈ ਤੇ H ਮਤਲਬ ਹਾਈਡ੍ਰੋਜਨ. ਇਹਨਾਂ ਹਾਈਡ੍ਰੋਜਨ ਐਟਮਾਂ ਦੇ ਨਿਊਕਲੀਅਸ ਵਿਚ ਜੋ ਪ੍ਰੋਟੋਨ ਹੁੰਦਾ, MRI ਸਕੈਨਰਜ਼ ਦੇ ਮੈਗਨੇਟ ਉਹਨਾਂ ਪ੍ਰੋਟੋਨਸ ਦੀ magnetic property ਵਰਤਕੇ ਸ਼ਰੀਰ ਦੇ ਉਸ ਹਿੱਸੇ ਦੀ ਇਮੇਜ ਬਣਾਉਂਦੇ ਆ.

ਗਣਿਤ ਦਾ ਇੱਕ ਪਦਾਰਥ

ਕੁਆਂਟਮ ਫਿਜਿਕਸ ਵਿੱਚ ਇੱਕ ਸ਼ਬਦ ਆਉਂਦਾ ਹੈ “ਸੁਪਰਪੁਜੀਸ਼ਨ”, ਜਿਸਦਾ ਅਰਥ ਹੈ ਕਿਸੇ ਸਿਸਟਮ ਦਾ ਦੋ ਜਾਂ ਦੋ ਤੋਂ ਵੱਧ ਅਵਸਥਾਵਾਂ ਵਿੱਚ ਇੱਕੋ ਪਲ ਇਕੱਠੇ ਹੋਣਾ । ਪਦਰਾਥਕ ਸਿਸਟਮ ਦੇ ਅਜਿਹੇ ਗਣਿਤਿਕ ਰੂਪ ਨੂੰ ਕਿਸ ਤਰਾਂ ਦਾ ਸਮਝਿਆ ਜਾਣਾ ਚਾਹੀਦਾ ਹੈ ਜੋ ਇੱਕੋ ਪਲ ਦੋ ਜਾਂ ਦੋ ਤੋਂ ਵੱਧ ਅਵਸਥਾਵਾਂ ਵਿੱਚ ਹੋਵੇ? ਅਜਿਹੇ ਕਿਸੇ ਸਿਸਟਮ ਨੂੰ ਜੇਕਰ ਅਸੀਂ “ਮੈਥ-ਮੈਟਰ” (ਗਣਿਤਿਕ ਪਦਾਰਥ) ਕਹਿ ਲਈਏ ਤਾਂ ਇਸਦਾ ਅਰਥ ਜਿਆਦਾ ਚੰਗੀ ਤਰਾਂ ਸਪਸ਼ਟ ਨਹੀਂ ਹੁੰਦਾ? (ਪਾਠਕਾਂ ਨੂੰ ਦੱਸ ਦੇਵਾਂ ਕਿ “ਮੈਥ-ਮੈਟਰ” ਮੇਰੇ ਦੁਆਰਾ ਰੱਖਿਆ ਗਿਆ ਨਾਮ ਹੈ ਜੋ ਤੁਹਾਨੂੰ ਸ਼ਾਇਦ ਕਿਸੇ ਹੋਰ ਕਿਤਾਬ ਵਿੱਚ ਲਿਖਿਆ ਨਾ ਮਿਲੇ, ਭਾਵੇਂ “ਮੈਥੇਮੈਟੀਕਲ ਔਬਜੈਕਟ” ਸ਼ਬਦ ਤੁਹਾਨੂੰ ਕਈ ਪੁਸਤਕਾਂ ਵਿੱਚ ਦੇਖਣ ਨੂੰ ਮਿਲ ਜਾਏਗਾ । ਮੇਰਾ ਵੀ ਇਹੀ ਭਾਵ ਹੈ, ਸਿਰਫ ਮੈਂ ਜਰਾ ਚਲਾਕੀ ਨਾਲ ਜਿਆਦਾ ਸੰਖੇਪ ਸ਼ਬਦਾਵਲੀ ਵਰਤ ਰਿਹਾ ਹਾਂ)

“ਮੈਥ-ਮੈਟਰ” ਜਾਂ “ਗਣਿਤਿਕ-ਪਦਾਰਥ” ਕਿਸਤਰਾਂ ਦਾ ਹੋਣ ਬਾਰੇ ਸੋਚਿਆ ਜਾ ਸਕਦਾ ਹੈ? ਆਓ ਕਿਸੇ ਕਮਰੇ ਵਿੱਚ ਪਈਆਂ ਦਸ ਕੁਰਸੀਆਂ ਤੇ ਬੈਠੇ ਕਿਸੇ ਵਿਅਕਤੀ ਦੀ ਕਿਸੇ ਖਾਸ ਕੁਰਸੀ ਤੇ ਬੈਠੇ ਹੋਣ ਦੀ ਸੰਭਾਵਨਾ ਵਾਲੇ ਸਿਸਟਮ ਤੇ ਵਿਚਾਰ ਕਰੀਏ । ਪੂਰੇ ਕਮਰੇ ਵਿੱਚ ਉਸ ਵਿਅਕਤੀ ਦੀ ਹੋਂਦ ਦੀ ਸੰਭਾਵਨਾ 1 ਹੁੰਦੀ ਹੈ ਪਰ ਕਿਸੇ ਖਾਸ ਇੱਕ ਕੁਰਸੀ ਤੇ ਮੌਜੂਦ ਹੋਣ ਦੀ ਸੰਭਾਵਨਾ 1/10 ਹੁੰਦੀ ਹੈ। ਦੇਖੇ ਜਾਣ ਤੋਂ ਪਹਿਲਾਂ ਓਹ ਵਿਅਕਤੀ ਕਿਸੇ ਵੀ ਕੁਰਸੀ ਤੇ ਬਰਾਬਰ ਸੰਭਾਵਨਾ ਨਾਲ ਹੋ ਸਕਦਾ ਹੈ ਜਿਸ ਅਵਸਥਾ ਨੂੰ “ਮੈਥ-ਮੈਟਰ” ਦੇ ਰੂਪ ਵਿੱਚ ਸੋਚਿਆ ਜਾ ਸਕਦਾ ਹੈ। ਯਾਨਿ ਕਿ ਬੇਸ਼ੱਕ ਮਨੁੱਖੀ ਦਿਮਾਗ ਜਾਣਦਾ ਵੀ ਹੋਵੇ ਕਿ ਵਿਅਕਤੀ ਸਾਬਤ ਸ਼ਰੀਰ ਨਾਲ ਦਸ ਕੁਰਸੀਆਂ ਵਿੱਚੋਂ ਕਿਸੇ ਇੱਕ ਤੇ ਜਰੂਰ ਹੋਵੇਗਾ, ਫੇਰ ਵੀ ਸਾਬਤ ਹੋ ਜਾਣ ਤੱਕ ਉਸਦੀ ਕਮਰੇ ਵਿੱਚ ਮੌਜੂਦਗੀ ਦੀ ਅਵਸਥਾ ਦਾ ਰੂਪ ਧੁੰਦਲੇ ਰੂਪ ਵਿੱਚ ਇੱਕ ਸੰਭਾਵਨਾ ਦੇ ਬੱਦਲ ਦੇ ਰੂਪ ਵਿੱਚ ਪੂਰੇ ਦੇ ਪੂਰੇ ਕਮਰੇ ਵਿੱਚ ਫੈਲਿਆ ਹੋਇਆ ਸਮਝਿਆ ਜਾਵੇਗਾ ਜੋ ਅਜਿਹਾ “ਮੈਥ-ਮੈਟਰ” ਹੁੰਦਾ ਹੈ ਜਿਸ ਦੇ ਇੱਕ ਹਿੱਸੇ ਵਿੱਚ ਇੱਕ ਖਾਸ ਕੁਰਸੀ ਤੇ ਠੋਸ ਸ਼ਰੀਰ ਵਾਲਾ ਵਿਅਕਤੀ ਕੇਂਦਰੀ ਤੌਰ ਤੇ “ਪਾਰਟੀਕਲ ਜਾਂ ਮੈਟਰ” ਰੂਪ ਵਿੱਚ ਹੁੰਦਾ ਹੈ ਤੇ ਬਾਕੀ ਸਭ 9 ਕੁਰਸੀਆਂ ਤੇ “ਖਾਲੀ ਸੰਭਾਵਿਤ ਮੈਥ-ਮੈਟਰ” ਦਾ ਰੂਪ ਹੁੰਦਾ ਹੈ। ਜੇਕਰ ਹੋਰ ਸਪਸ਼ਟ ਤਰੀਕੇ ਨਾਲ ਕਹਿਣਾ ਹੋਵੇ ਤਾਂ ਇਹ ਕਿਹਾ ਜਾ ਸਕਦਾ ਹੈ ਕਿ “ਖਾਲੀ ਸੰਭਾਵਿਤ ਮੈਥ-ਮੈਟਰ” ਉਹ ਸਥਾਨ ਹਨ ਜਿੱਥੇ “ਵਕਤ ਪਾ ਕੇ” ਮੈਟਰ ਜਾਂ ਪਦਾਰਥ ਕਦੇ ਵੀ ਮੌਜੂਦ ਹੋਣ ਲਈ ਪ੍ਰਗਟ ਹੋ ਸਕਦਾ ਹੈ। ਆਓ ਹੁਣ ਇੱਕ ਬੇਸਿਕ ਸਵਾਲ ਵੱਲ ਧਿਆਨ ਦੇਈਏ!

ਬ੍ਰਹਿਮੰਡ ਜਾਂ ਪਦਾਰਥਕ ਸੰਸਾਰ ਕਿਉਂ ਮੌਜੂਦ ਹੈ? ਮੇਰੇ ਕੋਲ ਹੁਣ ਤੱਕ ਦੀ ਕੀਤੀ ਰੀਸਰਚ ਮੁਤਾਬਿਕ ਇੱਕੋ ਜਵਾਬ ਹੈ: ਮੈਥ-ਮੈਟਰ ਕਾਰਨ ! ਜੇਕਰ ਉੱਪਰ ਵਾਲੀ ਉਦਾਹਰਨ ਵੱਲ ਧਿਆਨ ਦੇਈਏ ਤਾਂ ਇੱਕ ਗੱਲ ਸਪਸ਼ਟ ਤੌਰ ਤੇ ਸਮਝ ਲੈਣੀ ਚਾਹੀਦੀ ਹੈ ਕਿ ਕਮਰੇ ਦੇ ਵਿੱਚ ਜੇਕਰ ਕੋਈ ਵੀ ਵਿਅਕਤੀ ਮੌਜੂਦ ਨਹੀਂ ਹੋਵੇਗਾ ਤਾਂ ਸਭ ਕੁਰਸੀਆਂ ਖਾਲੀ ਰਹਿਣਗੀਆਂ ਅਤੇ ਕਿਸੇ ਕਿਸਮ ਦਾ ਪਦਾਰਥ ਜਾਂ ਗਣਿਤਿਕ-ਪਦਾਰਥ ਉਦੋਂ ਤੱਕ ਮੌਜੂਦ ਨਹੀਂ ਹੋਵੇਗਾ ਜਦ ਤੱਕ ਕਮਰੇ ਦੇ ਬਾਹਰੋਂ ਕੋਈ ਵਿਅਕਤੀ ਕਮਰੇ ਵਿੱਚ ਨਹੀਂ ਦਾਖਲ ਹੁੰਦਾ। ਇਸ ਅਵਸਥਾ ਵਿੱਚ ਸੁਪਰਪੁਜੀਸ਼ਨ ਕਮਰੇ ਤੋਂ ਬਾਹਰ ਅਤੇ ਕਮਰੇ ਦੇ ਅੰਦਰ ਵਾਲੀ ਅਵਸਥਾ ਦਰਮਿਆਨ ਬਣ ਜਾਏਗੀ, ਪਰ ਕਮਰੇ ਦੇ ਅੰਦਰ ਦੇ ਸਿਸਟਮ ਦੀ ਅਵਸਥਾ ਲਈ ਇੱਕਸਾਰ 0 ਸੰਭਾਵਨਾ ਦਾ ਅਕਾਰ ਬਗੈਰ ਕਮਰੇ ਦੇ ਬਾਹਰ ਵਾਲੀ ਅਵਸਥਾ ਵਿੱਚ ਵਿਅਕਤੀ ਦੀ ਮੌਜੂਦਗੀ ਤੋਂ ਹੋਂਦ ਨਹੀਂ ਰੱਖੇਗਾ । ਮੈਟਰ ਅਤੇ ਐਂਟੀ-ਮੈਟਰ ਕੁੱਝ ਅਜਿਹੀ ਹੀ ਖਿਚੜੀ ਹੈ ਜਿਸ ਨੂੰ ਸਭ ਤੋਂ ਪਹਿਲਾਂ ਡੀਰਾਕ ਨੇ ਪੇਸ਼ ਕੀਤਾ । ਉਸਦੇ ਅਨੁਸਾਰ ਜੇਕਰ ਅਸੀਂ ਇਲੈਕਟ੍ਰੌਨਾਂ ਦੇ ਪ੍ਰਗਟ ਹੋਣ ਦੀ ਗੱਲ ਕਰਦੇ ਹਾਂ ਤਾਂ ਇੱਕ ਅਜਿਹਾ ਇਲੈਕਟ੍ਰੌਨਾਂ ਦਾ ਸਾਗਰ ਹੋਣਾ ਚਾਹੀਦਾ ਹੈ ਜਿਸ ਵਿੱਚੋਂ ਚੁੱਕ ਕੇ ‘ਪਦਾਰਥਕ’ ਇਲੈਕਟ੍ਰੌਨ ਦਿਸਣ ਵਾਲੇ ਬ੍ਰਹਿਮੰਡ ਦੀ ਥਾਲੀ ਵਿੱਚ ਪਰੋਸੇ ਜਾ ਸਕਣ । ਅਜਿਹੇ ਸਾਗਰ ਨੂੰ ਉਸਨੇ ਐਂਟੀ-ਮੈਟਰ ਦਾ ਨਾਮ ਦਿੱਤਾ ਜੋ ਉਹ ਖਾਲੀ ਸਥਾਨ ਹੁੰਦੇ ਹਨ ਜਿੱਥੇ ਇਲੇਕਟ੍ਰੌਨ ਹੋ ਸਕਦੇ ਸਨ ਜੇਕਰ “ਲੋੜੀਂਦੀ ਊਰਜਾ” ਦੇ ਕੇ ਉੱਥੇ ਇਲੈਕਟ੍ਰੌਨ ਖੋਜਿਆ ਜਾਂਦਾ। “ਲੋੜੀਂਦੀ ਊਰਜਾ” ਫੋਟੋਨਾਂ ਦੇ ਰੂਪ ਵਿੱਚ ਦਿੱਤੀ ਜਾਂਦੀ ਹੈ ਜਿਸ ਵਿੱਚ ਪਹਿਲਾਂ ਤੋਂ ਹੀ ਇੱਕ ਇਲੈਕਟ੍ਰੌਨ ਤੇ ਪੌਜ਼ੀਟ੍ਰੌਨ ਦਾ ਜੋੜਾ ਹੁੰਦਾ ਹੈ। ਇਹ ਜੋੜਾ ਓਸ ਐਂਟੀਮੈਟਰ ਪਾਰਟੀਕਲ ਨਾਲ ਕ੍ਰਿਆ ਕਰਕੇ ਅਪਣਾ ਇੱਕ ਸਾਥੀ ਗੁਆ ਲੈਂਦਾ ਹੈ ਤੇ ਦੂਜਾ ਪ੍ਰਗਟ ਹੋ ਜਾਂਦਾ ਹੈ। ਕੀ ਏਸ ਸੂਖਮ ਪ੍ਰਕ੍ਰਿਆ ਨੂੰ ਅਸੀਂ ਸਥੂਲ ਸੰਸਾਰ ਤੇ ਵੀ ਲਾਗੂ ਕਰ ਕੇ ਦੇਖ ਸਕਦੇ ਹਾਂ, ਜਿਵੇਂ ਕੁਰਸੀਆਂ ਵਾਲੀ ਉਦਾਹਰਨ ਤੇ?

ਮੰਨ ਲਓ ਕਮਰੇ ਵਿੱਚ ਕੋਈ ਵਿਅਕਤੀ ਮੌਜੂਦ ਨਹੀਂ ਹੈ, ਤਾਂ ਅਸੀਂ ਕਹਾਂਗੇ ਕਿ ਉੱਥੇ “ਐਂਟੀ-ਮੈਟਰ ਵਿਅਕਤੀ” ਮੌਜੂਦ ਹੈ, ਯਾਨਿ ਕਿ ਖਾਲੀ ਸਪੇਸ ਜਿਸ ਵਿੱਚ ਵਿਅਕਤੀ ਹੋ ਸਕਦਾ ਸੀ, ਪਰ ਫਿਲਹਾਲ ਨਹੀਂ ਹੈ। ਹੁਣ ਅਸੀਂ ਉਸ ਵਿੱਚ “ਮੈਟਰ-ਵਿਅਕਤੀ” ਪ੍ਰਗਟ ਕਰਨਾ ਚਾਹੁੰਦੇ ਹਾਂ । ਸਭ ਤੋਂ ਪਹਿਲਾਂ ਅਸੀਂ ਕਮਰੇ ਤੋਂ ਬਾਹਰੀ ਸਪੇਸ ਵਿੱਚੋਂ ਇੱਕ ਸੱਚਮੁੱਚ ਦਾ ਵਿਅਕਤੀ ਓਸ ਕਮਰੇ ਵਿੱਚ ਭੇਜਾਂਗੇ ਤਾਂ ਜੋ ਉਸ ਕਮਰੇ ਵਿੱਚ ਇੱਕ ਵਿਅਕਤੀ ਪ੍ਰਗਟ ਹੋ ਸਕੇ । ਪਰ ਅਜਿਹਾ ਕਰਨ ਲਈ ਸਾਨੂੰ ਬਾਹਰੀ ਸਪੇਸ ਵਿੱਚੋਂ ਇੱਕ ਵਿਅਕਤੀ ਦੀ ਕਮੀ ਪੈਦਾ ਕਰਨੀ ਪਏਗੀ ਜਿਸ ਕਾਰਨ ਬਾਹਰੀ ਸਪੇਸ ਵਿੱਚ ਇੱਕ “ਐਂਟੀਮੈਟਰ ਵਿਅਕਤੀ” ਪੈਦਾ ਹੋ ਜਾਵੇ ਤੇ ਕਮਰੇ ਦੇ ਅੰਦਰ “ਮੈਟਰ ਵਿਅਕਤੀ” । ਹੋਰ ਸਪਸ਼ਟ ਸਮਝਣ ਲਈ ਸ਼ੁਰੂ ਵਿੱਚ ਖਾਲੀ ਕਮਰੇ ਵਾਲੇ “ਐਂਟੀ ਮੈਟਰ ਵਿਅਕਤੀ” ਸ਼ਬਦ ਤੇ ਧਿਆਨ ਦੇਓ, ਉੱਥੇ ਅਜਿਹਾ ਕਿਉਂ ਲਿਖਿਆ ਗਿਆ ਸੀ? ਕੀ ਉੱਥੇ ਦੋ ਜਾਂ ਦੋ ਤੋਂ ਵੱਧ “ਐਂਟੀ ਮੈਟਰ ਵਿਅਕਤੀ” ਹੋਣਾ ਵੀ ਲਿਖਿਆ ਜਾ ਸਕਦਾ ਸੀ? ਹਾਂ, ਲਿਖਿਆ ਜਾ ਸਕਦਾ ਸੀ ਜੇਕਰ ਅਸੀਂ ਉੱਥੇ ਮਨਮਰਜੀ ਦੇ ਵਿਅਕਤੀ ਪ੍ਰਗਟ ਕਰਨੇ ਚਾਹੁੰਦੇ ਹੁੰਦੇ । ਤਾਂ ਕੀ ਇਸਦਾ ਅਰਥ ਇਹ ਹੋਇਆ ਕਿ ਐਂਟੀਮੈਟਰ ਹਰ ਓਸ ਜਗਹ ਮੌਜੂਦ ਹੁੰਦਾ ਹੈ ਜਿੱਥੇ ਜਿੱਥੇ ਵਕਤ ਆਉਣ ਤੇ ਮੈਟਰ ਨੇ ਪ੍ਰਗਟ ਹੋਣਾ ਹੋਵੇ? ਉਸ ਐਂਟੀਮੈਟਰ ਦਾ ਰੂਪ “ਸੰਭਾਵਿਤ ਖਾਲੀ ਮੈਥ-ਮੈਟਰ” ਨਾਲ ਕਿੰਨਾ ਕੁ ਮਿਲਦਾ ਜੁਲਦਾ ਹੁੰਦਾ ਹੈ?

ਮੇਰੇ ਖਿਆਲ ਨਾਲ ਸ਼ਾਇਦ ਮੈਂ ਸਪੇਸ ਨੂੰ ਇੱਕ ਨਵਾਂ ਨਾਮ ਦੇ ਕੇ ਕੋਈ ਗਲਤੀ ਨਹੀਂ ਕੀਤੀ । ਫਰਕ ਸਿਰਫ ਇੰਨਾ ਹੈ ਕਿ ਐਂਟੀਮੈਟਰ ਦੀ ਪਰਿਭਾਸ਼ਾ ਵਿਗਿਆਨ ਦੀਆਂ ਪੁਸਤਕਾਂ ਵਿੱਚ ਜਰਾ ਤਕਨੀਕੀ ਰੂਪ ਵਿੱਚ ਇੰਝ ਮਿਲਦੀ ਹੈ ਕਿ ਇਹ ਕਿਸੇ ਮੈਟਰ ਭਰਾ ਦਾ ਅਜਿਹਾ ਉਲਟ ਰੂਪ ਹੁੰਦਾ ਹੈ ਜਿਸਦਾ ਚਾਰਜ ਉਲਟਾ ਹੁੰਦਾ ਹੈ, ਅਤੇ “ਮੈਥ-ਮੈਟਰ” ਮੈਂ ਓਸ ਅਵਸਥਾ ਦੇ ਅਕਾਰ ਨੂੰ ਕਿਹਾ ਹੈ ਜਿਸ ਵਿੱਚ ਇੱਕ ਵਸਤੂ ਮੈਟਰ ਮੌਜੂਦ ਹੁੰਦੀ ਹੈ ਤੇ ਬਾਕੀ ਜਗਹ ਐਂਟੀਮੈਟਰ ਵਸਤੂਆਂ ਨਾਲ ਭਰੀ ਮੌਜੂਦ ਹੁੰਦੀ ਹੈ ਜੋ ਕਿਸੇ ਵੇਲੇ ਵੀ ਮੈਟਰ ਵਸਤੂ ਦੁਆਰਾ ਘੇਰੀ ਜਾ ਸਕਦੀ ਹੈ ਚਾਹੇ ਕੋਈ ਚੇਤੰਨ ਦਰਸ਼ਕ ਦੇਖੇ ਚਾਹੇ ਨਾ ਦੇਖੇ । ਮੈਂ ਐਂਟੀ ਮੈਟਰ ਨੂੰ ਵਕਤ ਦੀ ਉਲਟ ਦਿਸ਼ਾ ਤੋਂ ਆ ਰਿਹਾ ਪਦਾਰਥ ਕਹਿਣਾ ਜਿਆਦਾ ਪਸੰਦ ਕਰਾਂਗਾ । ਕਾਰਣ? ਤੁਸੀਂ ਖੁਦ ਸੋਚ ਸਕਦੇ ਹੋ ।

# ਪੁਸਤਕ "ਵਾਸਤਵਿਕਤਾ" (2015) ਵਿੱਚੋਂ
# ਲੇਖਕ - ਪਰਮ ਮੁੰਡੇ