Naturalplusayurveda

Findla juice

*Spirulina Tablet*
લીલા શાકભાજી આરોગ્ય માટે ખૂબ જ ફાયદાકારક હોય છે, તે તો બધા જ જાણે છે. પરંતુ શું તમે એ જાણો છો કે દુનિયાની સૌથી શક્તિશાળી શાકભાજી કઈ છે? ઘણાં લોકો મશરુમ અને કંટોલાનું નામ લેશે. કેમ કે તેમાં પ્રોટીન, ફેટ, ક્રૂડ ફાઈબર, કાર્બોહાઈડ્રેડ, પોટેશિયલ, સોડિયમ, કેલ્શિયમ જેવા પોષક તત્વો હોય છે. પરંતુ એક શાકભાજી છે, જેને પ્રોટીનની ખાણ કહેવામાં આવે છે.
આ શાકભાજી તાકાતવર છે કે તેના 1 કિલોમાં 1000 કિલો લીલા શાકભાજી જેટલા મિનરલ્સ અને પ્રોટીન હોય છે. આ કારણે જ અંતરીક્ષ યાત્રીઓ પણ પોતાની સાથે તેને લઈ જાય છે. જેથી સ્પેસમાં પોતાના શરીર માટે ખોરાકની જરુરિયાતને પૂરી કરી શકે. અમે વાત કરી રહ્યા છીએ સ્પિરુલિના શેવાળની, જેને સુપર ફૂડનો દરજ્જો મળ્યો છે.
આ શાકભાજી થોડી થોડી તળાવના મેલ જેવી દેખાય છે. પરંતુ સ્પિરુનિલા રુપમાં ઓળખાતું આ વાદળી-લીલો શેવાળ હકીકતમાં એક સુપરફૂડ છે. આ વિટામીન સપ્લિમેન્ટ લેનારા માટે એક કુદરતી ભેટ જેવી છે. આ શેવાળ તળાવ, ઝરણું અથવા ખારા પાણીમાં પણ પેદા થાય છે. પુડ્ડુચેરીમાં તે ખૂબ જ મળી જાય છે. કારણ કે અહીની જળવાયુ અને આબોહવા આ શેવાળના વિકાસ માટે ખૂબ જ ઉપયુક્ત છે.
સ્પિરુલિનાને તેના આરોગ્ય વિષયક ફાયદા માટે આયુર્વેદમાં અનેક દવામાં ઉપયોગ કરવામાં આવે છે. કેમ કે આ શાકભાજીનો 60 ટકા ભાગ શરીરને પ્રોટીન અને બીજા જરુરી એમીનો એસિડ આપે છે. આ પ્લાન્ટ દુનિયામાં એકમાત્ર એવો પ્લાન્ટ છે જેમાં વિટામીન એ, આયરન, કેલ્શિયમ, કેરોટીન સહિત 18 જેટલા વિટામીન્સ અને મિનરલ્સ એક સાથે મળે છે.
આખરે તેને સુપરફુડ કેમ કહેવયા છે? જો તમે માંસહારી નથી તો તમારે માટે તે પ્રોટીનનો સૌથી સારો સ્ત્રોત છે. પ્રોટીન જ છે જે આપણી માંસપેશીઓને એક્ટિવ બનાવી રાખે છે. તે આપણા હૃદયને હેલ્ધી રાખે છે. સ્પિરુલિના પાઉડરના એક ઔંસમાં લગભગ 16 ગ્રામ પ્રોટીન હોય છે. આ એક ઓક્સિડેન્ટ હોય છે. જે સુનિશ્ચિત કરે છે કે શરીર કેન્સર, હૃદય રોગથી બચે એટલું જ નહીં સામાન્ય વાયરલ તાવ અને શરીદીથી પણ શરીરને બચાવે છે.
આ ઉપરાંત એન્ટી એજિંગમાં પણ તે ખૂબ જ ઉપયોગી છે. 5 ગ્રામ સ્પિરુલિનામાં પૂરા દૂધની તુલનામાં 180 ટકા વધારે કેલ્શિયમ હોય છે. ગાજરમાં મળતાં બીટા કેરોટીન અને ઉચ્ચ લોહ સામગ્રી સાથે સાથે વિટામીન બી કોમ્પ્લેક્સ, વિટામીન ઈ, મેંગેનીઝ, જસત, તાંબુ, લોહતત્વ, સેલેનિયમ અને આવશ્યક ફેટી એસિડ લિનોલેનિક એસિડ પણ તેમાં ભરપૂર માત્રામાં હોય છે.
એવું માનવામાં આવે છે કે 16માં સદીમાં મેક્સિકોના એજ્ટેક લોકો સ્પિરુલિનાની કેક બનાવતા હતા. તેને ટેક્સકોકો તળાવના કિનારે સુકાવતાં હતાં અને પછી અન્ય શાકભાજીની જેમ તેને ખોરાક તરીકે વેચતાં હતાં. તેનાથી વધુ એ જાણીને આશ્ચર્ય થશે કે આ શેવાળનો ઉપયોગ 1986ની ચર્નોબિલ પરમાણુ દુર્ઘટના વખતે પરમાણુ વિકિરણોથી બીમાર લોકોની સારવાર માટે કરવામાં આવ્યો હતો. ડોક્ટરોએ જોયું કે જો રોજ પાંચ ગ્રામ સ્પિરુલિના આપવામાં આવે તો 20 દિવસોમાં બાળકોમાં રેડિયોએક્ટિવ વિકિરણોના સંક્રમણમાં 50 ટકા ઘટાડો નોંધાયો હતો.