E-zone

രാഷ്ട്രപതിയുടെ കേരള സന്ദർശനം: രണ്ട് ദിവസം
കോട്ടയം ജില്ലയിൽ ഗതാഗത നിയന്ത്രണം

കോട്ടയം: രാഷ്ട്രപതിയുടെ ദ്രൗപതി മുർമുവിന്റെ കേരള സന്ദർശനവുമായി ബന്ധപ്പെട്ട് 23, 24 തീയതികളിൽ കോട്ടയം ജില്ലയില്‍ ഏര്‍പ്പെടുത്തിയിരിക്കുന്ന ഗതാഗത ക്രമീകരണങ്ങളും മറ്റ് നിയന്ത്രണങ്ങളും.

ഒക്ടോബർ 23, 24 തീയതികളിൽ പോലീസ് നിയന്ത്രണം അവസാനിക്കുന്നത് വരെ റോഡ് അരികുകളിലും ജംഗ്ഷനുകളിലും പാർക്കിംങ്ങും, തട്ടുകട ഉൾപ്പടെയുള്ള വഴിയോര വാണിഭങ്ങളും, ഓട്ടോ, ടാക്‌സി സ്‌റ്റാൻഡുകളും, കർശനമായി നിരോധിച്ചിരിക്കുന്നു.

വിശദ വിവരങ്ങൾ:
23-10-2025 തീയതി 1.00 പി. എം മുതൽ 7.00 പി.എം വരെ വിവിധ ഭാഗങ്ങളിൽ നിന്നും കോട്ടയം ടൗൺ വഴി പോകേണ്ട ആംബുലൻസ്, മറ്റ് ഹോസ്‌പിറ്റൽ എമർജൻസി വാഹനങ്ങൾക്കായി നിർണ്ണയിച്ചിരിക്കുന്ന റൂട്ട്:
⛔ എം.സി റോഡിലൂടെ തിരുവല്ല ഭാഗത്ത് നിന്നും വരുന്ന ആംബുലൻസുകളും മറ്റ് ആശുപത്രി സംബന്ധമായ എമർജൻസി വാഹനങ്ങളും ചങ്ങനാശ്ശേരി ബൈപ്പാസ് റോഡിൽ പ്രവേശിച്ച് തെങ്ങണ പുതുപ്പള്ളി, മണർകാട്, പൂവത്തുംമൂട്, സംക്രാന്തി വഴി MCH ൽ എത്തേണ്ടതാണ്.

⛔ ആലപ്പുഴ ചേർത്തല ഭാഗത്തുനിന്നും വരുന്ന ആംബുലൻസുകളും മറ്റ് ആശുപത്രി സംബന്ധമായ എമർജൻസി വാഹനങ്ങളും ഇടയാഴം ജംഗ്ഷനിൽ നിന്നും ഇടത്തേക്ക് തിരിഞ്ഞ് കല്ലറ വഴി MCH എത്തേണ്ടതാണ്.

⛔ കെ. കെ റോഡിൽ നിന്നും വരുന്ന ആംബുലൻസുകളും മറ്റ് എമർജൻസി വാഹനങ്ങളും മണർകാട് എത്തി പൂവത്തുംമൂട് പാലം വഴി MCH ൽ എത്തേണ്ടതാണ്.

⛔ പാലാ, കുറവിലങ്ങാട്, എറണാകുളം ഭാഗങ്ങളിൽ നിന്നും വരുന്ന ആംബുലൻസുകളും മറ്റ് എമർജൻസി വാഹനങ്ങളും ഏറ്റുമാനൂർ സെൻട്രൽ ജംഗ്ഷനിൽ എത്തി അതിരമ്പുഴ യൂണിവേഴ്‌സിറ്റി വഴി MCH ൽ എത്തേണ്ടതാണ്.

23-10-2025 ൽ 01.00 പി.എം മുതൽ 07.00 പി. എം വരെയും, 24-10-2025 ൽ 06.00 എ.എം മുതൽ 11.00 എ. എം വരെയും കോട്ടയം ടൗൺ വഴി പോകേണ്ട വാഹനങ്ങൾക്ക് ഏർപ്പെടുത്തിയിരിക്കുന്ന ഗതാഗത നിയന്ത്രണം.

⛔ മൂവാറ്റുപുഴ, കടുത്തുരുത്തി ഭാഗങ്ങളിൽനിന്നും വരുന്ന ചങ്ങനാശ്ശേരി ഭാഗത്തേക്ക് പോകേണ്ട വാഹനങ്ങൾ പട്ടിത്താനം ജംഗ്ഷനിൽ നിന്നും തിരിഞ്ഞ് ഏറ്റുമാനൂർ-മണർകാട് ബൈപ്പാസ്, പുതുപ്പള്ളി വഴി പോകേണ്ടതാണ്.

⛔ ചങ്ങനാശ്ശേരി ഭാഗത്തുനിന്നും ഏറ്റുമാനൂർ ഭാഗത്തേക്ക് പോകേണ്ട വാഹനങ്ങൾ ചങ്ങനാശ്ശേരി ടൗണിൽനിന്നും കുരിശുംമൂട്, തെങ്ങണ, ഞാലിയാകുഴി, പുതുപ്പള്ളി, മണർകാട്- ഏറ്റുമാനൂർ ബൈപ്പാസ് വഴി പോകേണ്ടതാണ്.

⛔ മെഡിക്കൽ കോളേജ് ഭാഗത്തുനിന്നും കോട്ടയം ടൗണിലേക്ക് പോകേണ്ട പ്രൈവറ്റ് ബസുകൾ വട്ടമൂട് പാലം കയറി തിരുവഞ്ചൂർ വഴി പോകേണ്ടതാണ്. തിരുവഞ്ചൂർ മുതൽ വട്ടമൂട് വരെയുള്ള ഭാഗം One Way ആയിരിക്കും.

⛔ ചിങ്ങവനം ഭാഗത്തുനിന്നും കോട്ടയം ടൗണിലേക്ക് പോകേണ്ട വാഹനങ്ങൾ മാവിളങ്ങ് ജംഗ്ഷനിൽ നിന്നും തിരിഞ്ഞ് പാക്കിൽ, പൂവൻതുരുത്ത്, കടുവാക്കുളം, നാൽക്കവല വഴി പുതുപ്പള്ളിയെത്തി പോകേണ്ടതാണ്.

⛔ ചങ്ങനാശ്ശേരി ഭാഗത്തുനിന്നും കോട്ടയത്തേക്ക് വരുന്ന KSRTC ബസുകൾ പുളിമൂട് ജംഗ്ഷനിൽനിന്നും തിരിഞ്ഞ് KSRTC സ്റ്റാന്റിലേക്ക് പോകാവുന്നതാണ്.

⛔ പൊൻകുന്നം, കാഞ്ഞിരപ്പള്ളി മുണ്ടക്കയം ഭാഗങ്ങളിലേക്ക് പോകേണ്ട KSRTC ബസുകൾ ഐഡ ജംഗ്ഷൻ, പുളിമൂട് ജംഗ്ഷൻ വഴി ശീമാട്ടി റൗണ്ട് ചുറ്റി സെൻട്രൽ ജംക്ഷനിലെത്തി അവിടെനിന്നും KK റോഡെ കളക്ടറേറ്റ് ജംഗ്ഷൻ കഞ്ഞിക്കുഴി, മണർകാട് വഴി പോകേണ്ടതാണ്.

⛔ എറണാകുളം, തൃശൂർ ഭാഗങ്ങളിലേക്ക് പോകേണ്ട KSRTC ബസുകൾ ഐഡ ജംഗ്ഷൻ, പുളിമൂട് ജംഗ്ഷൻ വഴി ശീമാട്ടി റൗണ്ട് ചുറ്റി സെൻട്രൽ ജംക്ഷനിലെത്തി അവിടെനിന്നും KK റോഡെ കളക്റ്ററേറ്റ് ജംക്ഷൻ, കുഞ്ഞിക്കുഴി മണർകാട്, ഏറ്റുമാനൂർ വഴി പോകേണ്ടതാണ്.

⛔ ആലപ്പുഴ, ചേർത്തല ഭാഗങ്ങളിൽനിന്നും കോട്ടയം ടൗണിലേക്ക് പോകേണ്ട വാഹനങ്ങൾ ബണ്ട് റോഡിൽനിന്നും തിരിഞ്ഞ് ഇടയാഴം, കല്ലറ, നീണ്ടുർ വഴി പോകേണ്ടതാണ്.

⛔ ചേർത്തല ഭാഗത്തുനിന്നും കുമരകത്തേക്ക് വരുന്ന ബസുകൾ മണിയാപറമ്പ് റോഡ് ജംഗ്ഷനിൽ സർവീസ് നിർത്തി തിരികെ പോകേണ്ടതാണ്.

⛔ വൈക്കം-കുമരകം റോഡിലൂടെ വരുന്ന കോട്ടയം ഭാഗത്തേക്ക് പോകേണ്ട വാഹനങ്ങൾ ഇടയാഴം ജംഗ്ഷനിൽനിന്നും തിരിഞ്ഞ് കല്ലറ നീണ്ടൂർ വഴി പോകേണ്ടതാണ്.

⛔ കല്ലറ നീണ്ടൂർ ഭാഗങ്ങളിൽനിന്നും പനമ്പാലം വഴി
കോട്ടയം ടൗണിലേക്ക് പോകേണ്ട വാഹനങ്ങൾ കുടമാളൂർ കുരിശുപള്ളി ജംഗ്ഷനിൽനിന്നും തിരിഞ്ഞ് പുളിഞ്ചുവട്, കുമാരനല്ലൂർ മേൽപ്പാലം വഴി പോകേണ്ടതാണ്.

⛔ ചിങ്ങവനം ഭാഗത്തുനിന്നും കോട്ടയം ടൗണിലേക്ക് വരുന്ന പ്രൈവറ്റ് ബസുകൾ കോടിമത സ്റ്റാന്റിൽ സർവീസ് അവസാനിപ്പിച്ച് തിരികെ പോകേണ്ടതാണ്.

⛔ ദിവാൻ കവലയിൽ നിന്നും കുഞ്ഞിക്കുഴി ഭാഗത്തേക്ക് വാഹനങ്ങൾ പോകുവാൻ പാടില്ല.

⛔ മെഡിക്കൽ കോളേജ് ഭാഗത്തുനിന്നും എറണാകുളം, മൂവാറ്റുപുഴ ഭാഗങ്ങളിലേക്ക് പോകേണ്ട വാഹനങ്ങൾ മെഡിക്കൽ കോളേജ് കുരിശുപള്ളി ജംഗ്ഷനിൽനിന്നും അമ്മഞ്ചേരി, യൂണിവേഴ്‌സിറ്റി, അതിരമ്പുഴ വഴി അതിരമ്പുഴ ഉപ്പുപുര ജംഗ്ഷനിലെത്തി ഇടത്തേക്ക് തിരിഞ്ഞ് കോട്ടമുറി, ആനമല വഴി കാണക്കാരി അമ്പലം ജംഗ്ഷനിലെത്തി പോകേണ്ടതാണ്.

🟥 ഒക്ടോബർ 23, 12.00 പി. എം മുതൽ 07.00 പി.എം വരെയും ഒക്ടോബർ 24, 12.30 എ. എം മുതൽ 12.00 പി.എം വരെയും റോഡ് അരികുകളിലും ജംഗ്ഷനുകളിലും പാർക്കിംങ്ങും തട്ടുകട ഉൾപ്പടെയുള്ള വഴിയോര വാണിഭങ്ങളും, ഓട്ടോ, ടാക്‌സി സ്‌റ്റാൻഡുകളും, കർശനമായി നിരോധിച്ചിരിക്കുന്നു.

🟥 23-10-2025 തീയതി പാലായിൽ നിന്നും കോട്ടയം ഭാഗത്തേക്ക് പോകേണ്ട വാഹനങ്ങൾക്ക് ഏർപ്പെടുത്തിയിരിക്കുന്ന ഗതാഗത നിയന്ത്രണം.

⛔ പാലാ ഭാഗത്തു നിന്നും കോട്ടയം ഭാഗത്തേക്ക് വരുന്ന വാഹനങ്ങൾ പാലാ ജനറൽ ഹോസ്പിറ്റൽ ജംഗ്ഷനിൽ നിന്നും പൊൻകുന്നം പാലം കയറി പൊൻകുന്നം റോഡിൽ പൈക ജംഗ്ഷനിൽ നിന്നു വലത്തോട്ട് തിരിഞ്ഞ് കൊഴുവനാൽ -മറ്റക്കര അയർക്കുന്നത്തെത്തി കോട്ടയം ഭാഗത്തേക്കും പോകേണ്ടതാണ്.

⛔ തൊടുപുഴ ഭാഗത്തു നിന്നും കോട്ടയം ഭാഗത്തേക്ക് വരുന്ന വാഹനങ്ങൾ പാലാ തൊടുപുഴ റോഡിൽ കുറിഞ്ഞിയിൽ നിന്നോ കൊല്ലപ്പള്ളിയിൽ നിന്നോ വലത്തോട്ട് തിരിഞ്ഞ് രാമപുരം, വഴി എം.സി റോഡിലെത്തി കോട്ടയം ഭാഗത്തേക്ക് പോകേണ്ടതാണ്.

⛔ പാലാ ഭാഗത്തു നിന്നും ഏറ്റുമാനൂർ, കോട്ടയം മെഡിക്കൽ കോളേജ്, എറണാകുളം ഭാഗത്തേക്ക് പോകുന്ന വാഹനങ്ങൾ പാലാ- സിവിൽ സ്റ്റേഷൻ - ആർ.വി ജംഗ്ഷൻ തിരിഞ്ഞ് മരങ്ങാട്ടുപള്ളി-കോഴ, കുറവിലങ്ങാട് വഴി എം.സി റോഡിലെത്തി പോകേണ്ടതാണ്.

⛔ ഈരാറ്റുപേട്ട ഭാഗത്തു നിന്നും കോട്ടയം, പൊൻകുന്നം ഭാഗത്തേക്ക് വരുന്ന വാഹനങ്ങൾ തിടനാട് കാഞ്ഞിരപ്പള്ളി വഴി കെ.കെ റോഡിലെത്തിയോ ഭരണങ്ങാനം പള്ളി ഭാഗത്ത് നിന്ന് ഇടത്തോട്ട് തിരിഞ്ഞ് ഇടമറ്റം, പൈക - വഴി പൊൻകുന്നം ഭാഗത്തേക്കും പൈക ജംഗ്ഷനിൽ നിന്നു തിരിഞ്ഞ് കൊഴുവനാൽ മറ്റക്കര- അയർക്കുന്നത്തെത്തി കോട്ടയം ഭാഗത്തേക്കും പോകേണ്ടതാണ്.

🚠 ട്രെയിൻ യാത്രക്കാരുടെ ശ്രദ്ധയ്ക്ക്

കോട്ടയം റെയിൽവേ സ്‌റ്റേഷനിൽ നിന്നും വിവിധ സ്ഥലങ്ങളിലേയ്ക്ക് യാത്ര പോകേണ്ടവർ 23/10/2025 തീയതി 2.00 മണിക്ക് മുൻപായി തന്നെ റെയിൽവേ സ്‌റ്റേഷനിൽ എത്തിച്ചേരേണ്ടതാണ്


#ഈരാറ്റുപേട്ട