Manorama Weekly

നാടൻകോഴി ഉരുളക്കിഴങ്ങ് ഇട്ടു വറുത്തരച്ചത്
ചേരുവകൾ

കോഴിയിറച്ചി അര കിലോ, ഉരുളക്കിഴങ്ങ് 2 എണ്ണം, തേങ്ങ ചിരകിയത് ഒരു കപ്പ്, മല്ലി 2 ടീസ്പൂൺ, ചുവന്ന മുളക് 2എണ്ണം, കുരുമുളകുപൊടി ഒരു ടീസ്പൂൺ, കറിവേപ്പില2 തണ്ട്, ചുവന്നുള്ളി 10 എണ്ണം, മല്ലിപ്പൊടി ഒന്നര ടേബിൾ സ്പൂൺ, കടുക് ഒരു ടീസ്പൂൺ, സവാള അരിഞ്ഞത് 2എണ്ണം, ഇഞ്ചി-വെളുത്തുള്ളി പേസ്റ്റ് ഒരു ടീസ്പൂൺ, തക്കാളി അരിഞ്ഞത് ഒരെണ്ണം, മല്ലിയില ഒരു തണ്ട്, ഉപ്പു പാകത്തിന്.

തയാറാക്കുന്ന വിധം:- ചിക്കൻ വൃത്തിയാക്കി വെള്ളം കളഞ്ഞു വയ്ക്കുക.
ഉരുളക്കിഴങ്ങ് ചതുരത്തിൽ അരിഞ്ഞ് വെള്ളത്തിൽ ഇട്ടുവയ്ക്കണം..
പാനിൽ തേങ്ങ മുതൽ ചുവന്നുള്ളി വരെയുള്ളവ ചേർത്ത് ബ്രൗൺ നിറമാകുന്നത് വരെ മൂപ്പിക്കുക. എന്നിട്ട് മല്ലിപ്പൊടി, മുളകുപൊടി, മഞ്ഞൾപൊടി, ഗരംമസാല എന്നിവ ചേർത്ത് വീണ്ടും മൂപ്പിച്ച് തണുത്തശേഷം നന്നായി അരച്ചെടുക്കുക.

ചട്ടിയിൽ എണ്ണ ചൂടാക്കി കടുകു പൊട്ടിച്ച്, സവാള ഇട്ട് മൂത്തു വരുമ്പോൾ ഇഞ്ചി-വെളുത്തുള്ളി പേസ്റ്റ്, തക്കാളി എന്നിവ ഇട്ട്് വഴറ്റണം. എന്നിട്ട് ചിക്കൻ, ഉരുളക്കിഴങ്ങ്, ഉപ്പ് എന്നിവ ചേർത്തിളക്കി അരച്ച തേങ്ങയും ആവശ്യത്തിന് വെള്ളവും ഒഴിച്ച് അടച്ചുവച്ച് നന്നായി വേവിക്കുക. കറി കുറുകി വരുമ്പോൾ ഗരംമസാലയും കറിവേപ്പിലയും ചേർത്ത് തീ അണയ്ക്കുക. ഗാർനിഷിനായി മല്ലിയില അരിഞ്ഞു മുകളിൽ ഇടാം.