Swara Welfare Foundation

शहर परिसरातील 50 वर्षांपेक्षा अधिक वयोमान असणाऱ्या वृक्षांना संरक्षण मिळावे यासाठी राज्य शासनाने हेरिटेज वृक्ष अधिसूचना कायदा लागू केला आहे. पण याबाबतची अंमलबजावणी कोल्हापूर महानगरपालिकेनी केली आहे का? याबाबत शंका आहे. कारण शहरातील जुने हेरिटेज वृक्ष खुले आम तोडले जात आहेत.
काही दिवसांपूर्वी नागाळा पार्क कमानी जवळचा, भलामोठा आकाराचा, प्रचंड विस्तारलेल्या वटवृक्षाच्या सर्व फांद्या तोडल्या आहेत व फक्त खोडाचा बुंधा ठेवला आहे. हा हेरिटेज वृक्ष एका बिल्डरने झाटलेला आहे आणि आणि त्यासाठी मनपाची मान्यता मिळाली आहे, असे सांगितले जात आहे. पण मनपाच्या संबंधित अधिकारी यांनी, अशा प्रकारे फांद्या तोडण्याची मान्यता कशी काय दिली? हा महत्त्वाचा प्रश्न आहे.
अशा प्रकारे वृक्षतोड करण्यासाठी, शहरातील '"वनस्पती तज्ञ'" म्हणून, शासनाच्या कमिटीवर कार्यरत असणारी एक महान व्यक्ती या बिल्डरची Consultant आहे तर, वृक्षप्रेमी संघटना चालविणारे काही ढोंगी वृक्षप्रेमी याबाबत मार्गदर्शक म्हणून काम करत आहेत. ही बाब अत्यंत संतापजनक आहे. स्व :ताला वृक्षप्रेमी, वृक्ष तज्ञ म्हणूवून घेणारच वृक्षांचे शत्रू बनले आहेत. अशा स्वार्थी व्यक्ती, मनपाचे संबंधित अधिकारी, वृक्ष प्राधिकरण समिती आणि वृक्षतोड करणारे मोठे लोक यांच्या विरोधात जन आंदोलन छेडणे आवश्यक आहे. कारण रितसर लेखी तक्रारी करून ही मनपा प्रशासन कोणतीही कारवाई करीत नाही. बहुतांश लोक, मिडियाचे संबंधित लोक याबाबत चकार शब्द बोलत नाहीत, प्रतिक्रिया देत नाहीत.
यासाठी नि स्वार्थी निसर्ग प्रेमीनी एकत्रित येऊन आंदोलन करणे, न्यायालयीन लढा देणे आवश्यक आहेत. आपण सर्वांनी एकत्र मिळून याबाबत विचार विनिमय करावा असे मी आवाहन करीत आहे. प्रत्येकानी आपल्या प्रतिक्रिया द्या.
डॉ मधुकर बाचुळकर कोल्हापूर

हे कोल्हापुर आहे इथे झाड कधिहि तोडले जाते
हे कोल्हापुर आहे झाड तोडन्यास परवानगी घेतलि जात नाहि
हे कोल्हापुर आहे एखादे झाड विनापरवाना तोडले तरि कोमनपा कडुन कोनतिच कारवाइ होत नाहि
हे कोल्हापुर आहे इथे चार ते पाच दिवसात एखादे झाड विनापरवाना तोडले जाते

हे दिवस थोडयाच दिवसात बदलतिल

प्रमोद जनार्दन माजगावकर
डायरेक्टर स्वरा फाउंडेशन