Doomdooma PRESS CLUB

ডুমডুমা প্ৰেছ ক্লাবৰ সভাপতি অনুজ কলিতা আৰু সম্পাদক মনোজ বৰুৱাৰ নেতৃত্বত ক্লাবৰ কেইগৰাকীমান সদস্য আজি সন্ধিয়া ডুমডুমা আৰক্ষী থানালৈ গৈ ভাৰপ্ৰাপ্ত বিষয়া পৰিদৰ্শক জ্যোতিষ গয়াৰী আৰু আন আন আৰক্ষী বিষয়াসকলক একোখনকৈ বিহুৱানেৰে ৰঙালী বিহুৰ ওলগ জনায়।

আজি ডুমডুমা প্ৰেছ ক্লাবৰ সভাপতি অনুজ কলিতা আৰু সম্পাদক মনোজ বৰুৱাৰ নেতৃত্বত ক্লাবৰ এটি সঁজাতি দলে ডুমডুমা পৌৰসভাৰ পৌৰপতি কান্তা ভট্টাচাৰ্য, উপ-পৌৰপতি মণি দত্ত আৰু পাৰিষদসকলৰ সৈতে ডুমডুমা নগৰৰ বিভিন্ন সমস্যাৰাজিৰ ওপৰত পৌৰসভাৰ কাৰ্যালয়ত এক আলোচনাত মিলিত হয়। আলোচনাত ২ আৰু ৪ নং ৱাৰ্ডৰ পাৰিষদ দুগৰাকীৰ বাহিৰে আন সকলো পাৰিষদ আৰু পৌৰসভাৰ অভিযন্তা আৰু কৰ্মচাৰী উপস্থিত আছিল। আলোচনাত প্ৰেছ ক্লাবৰ তৰফৰ পৰা নগৰখনৰ বিভিন্ন সমস্যাৰাজি পৌৰসভাৰ দৃষ্টি গোচৰ কৰা হয় আৰু আলোচনা কালত পৌৰপতি আৰু উপ-পৌৰপতিয়ে সমস্যাসমূহ পৰ্যায় ক্ৰমে সমাধান কৰাৰ আশ্বাস প্ৰদান কৰে।

দেশৰ ৭৬ সংখ্যক স্বাধীনতা দিৱস উপলক্ষে ডুমডুমা প্ৰেছ ক্লাবতো আজি ৰাষ্ট্ৰীয় পতাকা উত্তোলন কৰা হয়। ৰাষ্ট্ৰীয় পতাকা উত্তোলন কৰে ক্লাবৰ সভাপতি অনুজ কলিতাই।