We Support Hindu Rastra

বহুকেইখন গুৰুত্বপূর্ণ বৈঠকেৰে মুখ্যমন্ত্ৰী হিচাপে দ্বিতীয় কাৰ্যকালৰ আজিৰ দ্বিতীয় দিনটো!

অসমৰ সর্বাংগীণ বিকাশক গুৰুত্ব প্রদান কৰি আজি বহুকেইখন বৈঠকত অধ্যক্ষতা কৰাৰ লগতে ভিন্ন খণ্ডৰ কাম-কাজৰ পর্যালোচনা কৰোঁ।

১) পর্যাপ্ত বিদ্যুৎ যোগান নিশ্চিতকৰণ:
বিগত বছৰত অসমৰ সৰ্বোচ্চ বিদ্যুতৰ চাহিদা আছিল ২৯৫০ মেগাৱাট। এইবেলি গৰমৰ দিনত ই ৩১০০ মেগাৱাট স্পৰ্শ কৰিব বুলি আশা কৰা হৈছে। আমি এই চাহিদা পূৰণ কৰিবলৈ পৰ্যাপ্তভাৱে সাজু হৈছোঁ। এই সন্দর্ভত আজি তিনিওটা মূল শক্তি বিতৰণ প্ৰতিষ্ঠানক কঠোৰভাৱে বিষয়টি নিশ্চিত কৰিবলৈ নিৰ্দেশনা প্রদান কৰা হৈছে। অসমত বিদ্যুতৰ পৰিমাণ ‘ছাৰপ্লাছ’ হৈ থকাটো নিশ্চিত কৰিবলৈ চলিত তাপীয়, সৌৰ আৰু পাম্প সংৰক্ষণ বিদ্যুৎ প্ৰকল্পৰ অগ্ৰগতিৰো পৰ্যালোচনা কৰোঁ।

২) মা কামাখ্যা কৰিড’ৰ :
মা কামাখ্যা মন্দিৰ দৰ্শন কৰা প্ৰতিজন ভক্তক এক নিৰৱচ্ছিন্ন আৰু সমৃদ্ধ অভিজ্ঞতা প্ৰদান কৰা— আমাৰ এক লক্ষ্য। আজি আন এক বৈঠকত মা কামাখ্যা প্ৰৱেশ কৰিড’ৰ প্ৰকল্পৰ অগ্ৰগতিৰ পৰ্যালোচনা কৰা হয়। এইক্ষেত্রত আমি জনাব বিচাৰোঁ বেছিভাগ আইনী বাধা সমাধানৰ সৈতে প্রকল্পটিয়ে সোনকালেই ৰূপায়ণৰ ত্বৰান্বিত গতি লাভ কৰিব।

৩) এডভাণ্টেজ আছাম ২.০
ফেব্ৰুৱাৰী ২০২৫ত ৫ লাখ কোটিৰো অধিক বিনিয়োগৰ প্ৰতিশ্ৰুতি লাভৰ বিষয়ে সকলো জ্ঞাত। আজি এই প্ৰকল্পসমূহৰ বৰ্তমানৰ স্থিতি পৰ্যালোচনা কৰি জনাবলৈ পাই সুখী যে এই বিনিয়োগৰ প্ৰতিশ্ৰুতিৰ ৬০%ই ইতিমধ্যে উন্নত পৰ্যায়ত আছে। ইতিমধ্যে বহুকেইটা বিনিয়োগ প্রতিশ্রুতি কাৰ্যকৰীকৰণো হৈছে। প্রাসংগতিকতাৰ প্রতি লক্ষ্য ৰাখি কাৰ্যকৰীকৰণ অধিক দ্ৰুত গতিত কৰিবলৈ আজি নির্দেশনা প্রদান কৰা হৈছে। সামগ্ৰিকভাৱে বিনিয়োগসমূহ সম্পূর্ণ বাস্তৱায়িত কৰাৰ স্বার্থত আহিবলগা মাহত ব্যক্তিগতভাৱে উদ্যোগপতি আৰু ইয়াৰ সৈতে অংশীদাৰসকলৰ সৈতে বাৰ্তালাপত মিলিত হোৱাৰো পৰিকল্পনা কৰিছোঁ। এই কার্য সম্পূর্ণকৰণ ৰূপ পালে নিশ্চিতকৈ ই অসমৰ বাবে যুগান্তকাৰী পদক্ষেপ হিচাপে বিবেচিত হ'ব।

বিজেপিৰ সংকল্প পত্ৰ নিৰ্বাচনত ভোট লাভৰ আহিলা মাত্ৰ নহয়। ই হৈছে জনতাৰ আশা-আকাংক্ষা আৰু অসমৰ বিকাশ যাত্ৰাক আগুৱাই নিয়াৰ ভৱিষ্যৎ পৰিকল্পনাৰ সংকল্প। অসমৰ ৰাজনীতিত এই ইতিবাচক চিন্তাক শক্তিশালী ৰূপত কৰ্ম সংস্কৃতিৰ আধাৰৰূপে প্ৰতিষ্ঠা কৰাৰ বাবে আমি পদক্ষেপ লৈছোঁ।

যুৱপ্ৰজন্মক নিৰ্বাচনৰ পূৰ্বে ২ লাখ চৰকাৰী চাকৰি প্ৰদানৰ প্ৰতিশ্ৰুতি দিছিলোঁ। এইক্ষেত্ৰত প্ৰথম পদক্ষেপ হিচাপে নতুন চৰকাৰৰ প্ৰথম কেবিনেট বৈঠকত টাস্ক ফ'ৰ্চ গঠনৰ সিদ্ধান্ত লৈছোঁ। ভাগিন-ভাগিনীসকললৈ আহ্বান– সকলোৱে মাথোঁ কঠোৰ পৰিশ্ৰম কৰক, স্বচ্ছ আৰু নিকা নিযুক্তি প্ৰদানৰ দায়িত্ব আমাৰ।

পোষ্ট টো শ্বেয়াৰ কৰিব যাতে সকলোৱে নিজৰ নিজৰ ৰায় দিবলৈ সক্ষম হয়

🚩🚩 Jay Sri Ram 🚩🚩
♥️♥️ জয় আই অসম ♥️♥️
🙏🙏 Vande Mataram 🙏🙏

#পোষ্ট_টো_Groupত_শ্বেয়াৰ_কৰিব


゚