Assam Diary

বিৰল ইতিহাসৰ সৃষ্টি! ব্ৰহ্মপুত্ৰৰ জলপথেৰে আটাইতকৈ গধুৰ আৰু বৃহৎ আকৃতিৰ নুমলীগড় শোধনাগাৰৰ বাবে ব্যৱহাৰ কৰিবলগীয়া বৃহৎ আকৃতিৰ যন্ত্ৰ পৰিবহণ

শুকুৰবাৰে পাণ্ডু বন্দৰত উপস্থিত হ’ল বৃহৎ আকৃতিৰ যন্ত্ৰ কঢ়িয়াই অনা জাহাজ ৷ ব্ৰহ্মপুত্ৰৰ জৰিয়তে ভাৰতীয় অভ্যন্তৰীণ জলপথ প্ৰাধিকৰণে কঢ়িয়াই আনিলে নুমলীগড় শোধনাগাৰৰ সম্প্ৰসাৰণৰ বাবে ব্যৱহাৰ কৰিবলগীয়া ৩,২৭৫ মেট্ৰিক টনৰ বৃহৎ আকৃতিৰ যন্ত্ৰ ৷

১,২৮৬ মেট্ৰিক টনৰ আটাইতকৈ গধুৰ যন্ত্ৰ, ১,২৪৮ মেট্ৰিক টন আৰু ৭৪১.১২ মেট্ৰিক টনৰ আন দুটা যন্ত্ৰ শোধনাগাৰটোৰ সম্প্ৰসাৰণ প্ৰকল্পৰ বাবে ব্যৱহাৰ কৰিব ৷ এই বৃহৎ আকৃতিৰ কাৰ্গ' কলকাতাৰ ডায়মণ্ড হাৰ্বাৰৰ পৰা নুমলীগড় শোধনাগাৰলৈ অনা হৈছে ৷ এই তিনিওটা যন্ত্ৰ একেলগে কলকাতাৰ ডায়মণ্ড হাৰ্বাৰৰ পৰা ভাৰত-বাংলাদেশ প্ৰট'কল ৰাষ্ট্ৰীয় জলপথ-২ (ব্ৰহ্মপুত্ৰ)ৰ মাজেৰে নুমলীগড় শোধনাগাৰলৈ অভিমুখে কঢ়িয়াই অনা হৈছে ৷

শুকুৰবাৰে পাণ্ডু বন্দৰত প্ৰৱেশ কৰে বৃহৎ আকাৰৰ যন্ত্ৰ কঢ়িয়াই অনা বিশেষ জাহাজখন ৷ পৰৱৰ্তী সময়ত ৰাষ্ট্ৰীয় জলপথ-৩১ (ধনশিৰি)ৰে যাত্ৰা কৰিব জাহাজখনে ৷ মুঠ তিনিটা বৃহৎ আকৃতিৰ যন্ত্ৰৰ মুঠ ওজন ৩,২৭৫ মেট্ৰিক টনতকৈ অধিক ৷ তিনিটাৰ ভিতৰত আটাইতকৈ গধুৰ যন্ত্ৰটো হৈছে ১,২৮৬ মেট্ৰিক টনৰ ৷ এয়া ব্ৰহ্মপুত্ৰ হৈ পৰিবহণ কৰা একক সৰ্ববৃহৎ কাৰ্গ' হিচাপে পৰিগণিত হৈছে ৷ বাকী দুটা যন্ত্ৰৰ ওজন ক্ৰমান্বয়ে ১,২৪৮ মেট্ৰিক টন আৰু ৭৪১.১২ মেট্ৰিক টন।

কেন্দ্ৰীয় বন্দৰ, জাহাজ পৰিবহণ আৰু জলপথ তথা আয়ুষ মন্ত্ৰী সৰ্বানন্দ সোণোৱালৰ উপস্থিতিত ২০২১ চনত স্বাক্ষৰিত বুজাবুজিৰ চুক্তি অনুসৰি ভাৰতীয় অভ্যন্তৰীণ জলপথ প্ৰাধিকৰণে নুমলীগড় শোধনাগাৰৰ সম্প্ৰসাৰণ প্ৰকল্পৰ বাবে প্ৰায় ২৪টা বৃহৎ আকৃতিৰ যন্ত্ৰ পৰিবহণ কৰি আছে ৷ এই প্ৰসংগত কেন্দ্ৰীয় মন্ত্ৰী সৰ্বানন্দ সোণোৱালে এয়া ভাৰতৰ অভ্যন্তৰীণ জলপথ পৰিবহণৰ বাবে এক ঐতিহাসিক মুহুৰ্ত হিচাপে আখ্যা দিয়ে ৷

⏩অসম-মিজোৰামৰ সীমা বিবাদক লৈ লাইলাপুৰত সৃষ্ট পৰিস্থিতি পৰ্যবেক্ষণ কৰিবৰ বাবে লাইলাপুৰলৈ ৰাওনা অসম বিধানসভাৰ সৰ্বদলীয় প্ৰতিনিধিৰ দল। বিধানসভাৰ অধক্ষ্য বিশ্বজিৎ দৈমাৰীৰ নেতৃত্বত ৰাওনা হৈছে দলটো। দলটোত আছে শিৱসাগৰ বিধায়ক অখিল গগৈও ।