Maina

🌟🌟😁😑

😜😜😜

🌟মাদক দ্ৰব্য বন্ধ কৰক🌟
●৹৹৹৹৹৹৹৹৹৹৹৹◆৹৹৹৹৹৹৹৹৹৹৹৹৹৹●

✍️গুণীন দাস
প্ৰশিক্ষণকাৰী(তিনিচুকীয়া চৰকাৰী ঔদ্যোগিক প্ৰতিষ্ঠান)

"মাদক দ্ৰব্য বন্ধ কৰক" শুনিবলৈ কিমান ভাল বাক্য নহয়নে? য'তে ত'তে লিখা থাকে। এইবোৰ লিখা টো হেনো সমাজৰ কাৰণে ভাল। সমাজ এখন শুদ্ধ পথলৈ আনিব পাৰি। কিমান যে ধুনীয়া নাটক। বহুতে কয় মাদক দ্ৰব্য (মদ, drugs, ভাং, বিড়ি আৰু বহুত কিবা কিবি) খোৱাটো স্বাস্থ্যৰ পক্ষে হানিকাৰক। কিন্তু এই বিষয়ে কোৱা ৯০ শতাংশ লোকৰে মুখত এখোপামান গোটকা সোমাই থাকিব। তেওঁলোকৰ বেছি সংখ্যকে ভাষণ দিয়াৰ সময়ত নাখায় কিন্তু তমসাৰ আন্ধাৰত গিলি দিয়ে ভুলতে। ওচৰত লগ পালে খংটো টিঙিচ কৈ উঠি যায়।
ৰজাঘৰীয়াৰ শাসন কি চাবা। মদ বোলে সকলোতে বন্ধ হ'ব কৰিব লাগে। দুখীয়াৰ ঘৰত মদ বনালে আইনী অপৰাধ কিন্তু উদ্যোগত তৈয়াৰ কৰা খিনি অমৃত হে হয়। সেইখিনি বুলে আইনী অপৰাধত নপৰে। মদ খাই গাড়ী চলোৱা অপৰাধ, খাই উৎপাত কৰা অপৰাধ। কিন্তু মদ তৈয়াৰ কৰা উদ্যোগ বোৰ হেনো অপৰাধৰ ভিতৰত নপৰে। চৰকাৰে সজাগতা সভা পাতিবলৈ কয়। কিহৰ প্ৰয়োজন? সজাগতা সভাত ইমান ডাঙৰ ডাঙৰ ভাষণ দি সকলোৰে আগত নেতা হৈ দেখাব পাছত সকলোৱে কু কা কৰিব অমুক মানুহজন বহুত ভাল এইবোৰৰ বিপক্ষে থিয় দিছে। কিন্তু তেওঁলোকে গমেই নাপাই কি চলি আছে দেশত।
এফালৰ পৰা চাবলৈ গলে চৰকাৰে মদাহী সকলক সন্মান কৰি চলা উচিত। চেল্যুট জনোৱা উচিত। দেশ তেওঁলোকে চলোৱা নাই মদাহীয়ে চলাই আছে। অলপতে অসমৰ মদৰ বিপনীৰ আৰু মেচিন ফুক মৰা নাটক কিছুমান দেখিলো। মুঠতে সাপ হৈ খুটিব আৰু বেজ হৈ জাৰিব। এইবোৰ নাটক দেখিলে মুৰ্গী আৰু ৰজাৰ কাহিনীটোহে মনত পৰে। যদি ইমানেই নিকা অসম বনাব খুজিছে মদাহীক নহয়, উদ্যোগপতিক গ্ৰেপ্তাৰ কৰক। অ পাহৰিছিলোঁৱেই। তেওঁলোকক কেনেকৈ গ্ৰেপ্তাৰ কৰিব তেওঁলোকে মাহে মাহে চৰকাৰক GST দি আহিছে। গতিকে টকা ঢালি থাক, আইনী বিৰোধী কামো আইনৰ অধীন হৈ যাব। গতিকে টকাই সকলো। পিছত সাধাৰণ শিক্ষিত হৈও অশিক্ষিত সকলে দুখ দিয়ে কাক? অসম পুলিচ হায় হায়। অসমৰ জনসাধাৰণক চেপি চেপি খাইছে অসম পুলিচে। কিন্তু খেলখন বেলেগেহে খেলি আছে। গমেই নাপায় ৰাইজে। মাজে মাজে কিছুমান মন ভুলোৱা কথা কৈ দিলেই হল সকলো পাহৰি যাব। এয়াই খাৰ খোৱা অসমীয়া। নিজৰ বুলিবলৈ থকা জ্ঞান খিনি ভাল কামত নলগাই কেনেকৈ আনকো সিহঁতৰ ঠাইলৈ আনিব বিচৰা। মাদক দ্র্যব্যৰ যদি বন্ধ কৰাৰ বাবে অসম খন যদি পিছপৰি যায় যাওকগৈ। নালাগে উন্নতি হবলৈ। এইবোৰ দ্ৰব্যই যদি উন্নতি কৰে নালাগে তেনেকুৱা উন্নতি। আমি দুখীয়াই হৈ থাকিম।
এইবোৰ বৰঘৰৰ কথা। এতিয়া আহো সাধাৰণ সমাজখনলৈ। ফোঁপোলা সমাজখনৰ কেইজনমানে নিজকে উচ্চ বুলি ভাবি আবুল তাবোল বলকী থাকে। পেন্দুকণা বয়সৰ লৰা ছোৱালীয়ে মাদক দ্রব্য সেৱন কৰাত ভুল কাৰ? সিহঁতৰ নিজৰ, নে মাক দেউতাকৰ নে সমাজৰ কাৰ ভুল? কোনেও নিজৰ ভুল বুলি মানি নলয়। আনলৈ ঠেলি থাকিব। ইয়াত ভুল মাক দেউতাকৰো আছে লগতে বয়সত ডাঙৰ ডাঙৰ ব্যক্তি সকলৰো। সৰু লৰাৰ আগত বহি আড্ডা মাৰি মদ ভাং খাই থাকিলে সৰু লৰাজনে কি শিকিব। সৰু লৰা ছোৱালীয়ে বেলেগক অনুসৰণ কৰিব বিচাৰে। এইবোৰ বাৰু মনোবিজ্ঞানৰ ধাৰণা ইয়াত উল্লেখ কৰিলে বিশাল মহাভাৰত হে হবগৈ। গতিকে নকৰোঁ। বয়সত ডাঙৰ বিলাকে সৰু বিলাকৰ আগত মদ খাই থাকিব আৰু পাছত যেতিয়া সিহঁতে খাবলৈ বিচাৰিব কি বুলি বাধা দিব সিহঁতক কাৰণ সিহঁত নিজে মদাহী।
শেষত কোনোবাই যদি মদৰ কাৰণে প্ৰতিবাদ কৰে বহুত হাঁহি উঠে। যিয়ে প্ৰতিবাদ কৰে সি নিজেই এটা মদাহী। দিনত প্ৰতিবাদকাৰী আৰু মদাহী। বহুত ধুনীয়া ন শুনিবলৈ। হজৰত মহম্মদে কৈছিল- উপদেশতকৈ আৰ্হি ভাল। গতিকে নুবুজালেও হব। চৰকাৰে মদাহীক গ্ৰেপ্তাৰ কৰাতকৈ উদ্যোগ বন্ধ কৰক। সচাঁ অৰ্থত পৰিৱৰ্তন বিচাৰিছে যদি।

😉একো নাই guys😑