Kite m Aprann

…

Pou pwofesyonèl ki sot Ayiti ki gen diplòm ak eksperyans epi ki ap chache travay ki nan yon nivo entèmedyè Etazini, gen ti detay sa yo m ta renmen pataje.

1) Anpil esntitisyon itilize lojisyèl pou fè premye seleksyon an. Se w òdinatè ki analize fòm ou ranpli a ak CV w voye a. Sa vle w dwe itilize yon fòma standa pou CV Pou lojisyèl la kapte tout enfo yo epi w dwe itilize mo kle, sitou sa ki nan anons oswa deskripsyon travay la

2) Yo rele software sa yo Applicant Tracking Software (ATS) . Si w fè yon rechèch google “ATS friendly resume” pa egzanp w ap jwenn konsèy pou gen yon CV ki gen plis chans pase premye tou a.

3) Anpil konpayi peye moun fè rekritman pou yo e moun sa yo chache anpil sou LinkedIn ak Indeed. Donk asire w mete LinkedIn ou ajou epi mete w open to work. Mete CV W sou Indeed epi mete l ouvri pou moun ka jwenn li.

4) Toujou itilize mo kle sektè ak pozisyon w ap chache a paske se ak li moun ki ap chache moun yo ap sèvi tou. Konpetans kle yo pi enpòtan ke w seri detay. Jan pou yo kontakte w dwe disponib tou. Fòk gen w jan yo ka fè w mesaj jwenn ou tou.

5) Si w rete nan yon move katye li pa nesesè pou w mete l sou CV a si w vrèman bezwen travay la. Etid syantifik montre yo fè diskriminasyon sou sa. N ap kontinye batay pou sa chanje men pandan tan sa si w bezwen travay pou w viv w ka jere tou 2.

6) Si w abite lwen kote w vle travay la tou kite sa pou ou, pou apre. M temwen kote moun ap konpare aplikasyon epi y ap mande si jis kote moun sa rete a l pa p twò fatige lè l rive nan biwo a. Se email ou ki pi enpòtan nan premye faz la. W pa bezwen al rakonte lavi w twò bonè.

7) Pa neglije kontinye aprann anglè a, pwononsyasyon, gen pòs l ap difisil pou jwenn si gen anpil obstak nan pale ak ekri lang. Pa kouri pran twa ti job ki pa p ba w tan pou aprann lang lan. Pito w fè w ti enkonfòtab men w pran tan pou aprann lang lan.

😎 Pa sispann voye aplikasyon menm si l dekourajan. Statistik yo di se 10-20 aplikasyon pou jwenn yon interview . E si se pozisyon ki entèmedyè ki enterese w se omwen 3 interview nan menm konpayi a. Donk menn si w sou 2 e interview pou yon pòs w dwe kontinye ap aplike.

9) M swete nou tout pa abandone rèv nou e kontinye goumen pou li malgre gwo chanjman. Kenbe zanni nou ak fanmi n fò pou jou ki pi difisil yo. Fè spò, pran vitamin D, dòmi, tout bagay pi difisil lè kò w pa an sante. Kenbe kò a, kenbe moral la epi bon kouraj!

10) Pou m fini pa janm bliye wout lakay nou non plis. Se Ayisyen n ye! Si se pa t chwa w pou w la, yon jou w ap tounen lakay ou. Pwofite aprann, fè dekouvèt, rankontre moun, fè bon souvni an atandan. Jou a la! Kenbe fèm!
Credit:

An nou al bal Love la ✅

Randevou pita 💛💜

L'ex-président d’Haïti , Boniface Alexandre, est mort à 87 ans.

La Journaliste Liliane Pierre-Paul est décédée ce lundi 31 juillet 2023. La présentatrice de la Radio Kiskeya est morte des suites d’une crise…