Advantage Agency Services

𝐒𝐈 𝐌𝐀𝐑𝐈’𝐖 𝐎𝐔𝐁𝐘𝐄𝐍 𝐌𝐀𝐃𝐀𝐍𝐌 𝐎𝐔 𝐓𝐄 𝐆𝐄𝐍 𝐘𝐎𝐍 𝐓𝐄𝐑𝐄𝐍 𝐀𝐍𝐕𝐀𝐍 𝐌𝐀𝐑𝐘𝐀𝐉 , 𝐍𝐎𝐔 𝐕𝐈𝐍 𝐊𝐎𝐍𝐒𝐓𝐖𝐈 𝐒𝐎𝐔 𝐋𝐈 𝐏𝐀𝐍𝐃𝐀𝐍 𝐍𝐎𝐔 𝐌𝐀𝐑𝐘𝐄, 𝐒𝐈 𝐍𝐎𝐔 𝐃𝐈𝐕𝐎̀𝐒𝐄 𝐊𝐎̀𝐌𝐀𝐍 𝐁𝐘𝐄𝐍 𝐒𝐀 𝐀𝐏 𝐒𝐄𝐏𝐀𝐑𝐄?

Sa rive anpil moun kote yo renmen ak yon moun ki te gentan fè ti ekonomi e achte yon tèren , apre maryaj moun yo met tèt ansanm yo konstwi yon kay . Apre kèk tan maryaj pwoblèm vin mete pye epi divòs.

Apre divòs si te gen byen konn gen separasyon byen , kòm pifò ayisyen marye sou rejim kominote legal , konnya kay sa ki fèt la sou teren yonn nan epou yo te gen anvan maryaj kòman l’ap separe?

Fòk mwen di nou gen yon règ jiridik ki se
« 𝑨𝒄𝒄𝒆𝒔𝒐𝒓𝒊𝒖𝒎 𝒑𝒓𝒊𝒏𝒄𝒊𝒑𝒂𝒍𝒆 𝒔𝒆𝒒𝒖𝒊𝒕𝒖𝒓 »ki siyifi an fransè « 𝑳’𝒂𝒄𝒄𝒆𝒔𝒔𝒐𝒊𝒓𝒆 𝒔𝒖𝒊𝒕 𝒍𝒆 𝒑𝒓𝒊𝒏𝒄𝒊𝒑𝒂𝒍 ». jiridikman règ jiridik sa vle di si yon byen oubyen deveni byen sa depann de yon lòt byen li kapab konsidere jiridikman kòm akseswa li. Yon egzanp si ou gen teren ou yon moun monte sou li mal li konstwi pil kay li apre jijman se kay ou kay la ye paske lalwa ayisyèn di « 𝒍𝒆 𝒑𝒓𝒐𝒑𝒓𝒊𝒆́𝒕𝒂𝒊𝒓𝒆 𝒅𝒖 𝒅𝒆𝒔𝒔𝒐𝒖𝒔 𝒆𝒔𝒕 𝒆́𝒈𝒂𝒍𝒆𝒎𝒆𝒏𝒕 𝒑𝒓𝒐𝒑𝒓𝒊𝒆́𝒕𝒂𝒊𝒓𝒆 𝒅𝒖 𝒅𝒆𝒔𝒔𝒖𝒔».

Kon nou rantre nan domèn matrimonyal se yon lòt bagay . Se vre yonn nan epou yo te gen teren an anvan maryaj e yo vin konstwi li apre maryaj , epou ki te posede tèren an pa kapab di se pou li tout kay la ye .

Nan yon arè kou kasasyon te pran nan dat 6 jiyè 1943 li di règ dwa sivil ki prezime ke pwoprietè teren an se li ki pwoprietè tout sa ki sou li pa aplikab an matyè kominotè. Konstriksyon ki fèt sou teren pèsonel yon nan epou yo prezime ke se lajan kominote a ki fè kay la sa vle di se tou 2 moun yo ki kontribye pou li fèt. Yonn nan epoux yo pa ka anrichi sou do lòt la , kidonk jan yo di an dwa kominote a dwe rekonpanse.

Si moun yo te marye sou rejim kominote legal men kijan byen sa ap separe : epou ki te gen teren li anvan ap gen valè teren li nòmalman pou li sèl , kay la ap evalye e chak epou yo ap gen 50% sou valè kay la. Kidonk epou ki te posede teren an anvan maryaj la ap gen teren an plis mwatye nan valè kay la . Yo ka antann yo pou yonn achte pati pa lòt la.

Kek referans: atik 546 , 1222 kòd sivil la e arè kou kasasyon 6 jiyè 1943.

Aussi simple que ça !!!

𝗣𝗲𝗹𝗲𝘅 𝗙𝗹𝗲𝗿𝗲𝗺𝗲. 𝗔𝘃., 𝗟𝗟.𝗠, 𝗖𝗥𝗖𝗠𝗣 ©©©

⚖⚖⚖⚖⚖⚖⚖⚖⚖⚖⚖⚖⚖⚖⚖
C'est le devoir de chaque homme de rendre au monde au moins autant qu'il en a reçu.
A. Einstein.
⚖⚖⚖⚖⚖⚖⚖⚖⚖⚖⚖⚖⚖⚖⚖
Ce texte n’est pas sécable. Si vous souhaitez le partager, il doit rester entier et n'oubliez pas de mentionner sa source
✉✉✉✉✉✉✉✉✉✉✉✉✉✉
Vous ne nous suivez pas encore sur les réseaux sociaux ? Alors qu’attendez-vous ? pour suivre toute notre actualité Rejoignez-nous sur:
• 𝗙𝗮𝗰𝗲𝗯𝗼𝗼k en cliquant sur le lien suivant : https://www.facebook.com/fleremelaw/

• 𝗧𝘄𝗶𝘁𝘁𝗲𝗿 en cliquant sur le lien suivant : https://mobile.twitter.com/pflereme

• 𝗜𝗻𝘀𝘁𝗮𝗴𝗿𝗮𝗺 en cliquant sur le lien suivant: https://www.instagram.com/pflereme

• 𝗟𝗶𝗻𝗸𝗲𝗱𝗶𝗻 en cliquant sur le lien suivant : http://linkedin.com/in/pelex-flereme-87692735
𝐘𝐨𝐮𝐭𝐮𝐛𝐞 en cliquant sur le lien suivant : https://youtube.com/channel/UCW3edPlGe4ndftrsSWgO2Lw
𝐓𝐢𝐤𝐭𝐨𝐤 en cliquant sur le lien suivant: https://vm.tiktok.com/ZM8QxWQ6D/