TMSJL

Gwo salitasyon pou nouvo fanatik mwen yo! Marie Denise Charles

Dènye mo m ak Ayiti

Salut peyim
M pa bezwen mande w kòman w ye, m konnen wap pi mal pase
Si m ret 5 segond poum mouri
Ou menm ou gentan trepase
Map ekri w dènye lèt sa pou m fè w konnen ke n pa anpil ankò
Sou Jovnel ou te ka konte
Kounya se chif rekò
Koupe tèt nou, fizye nou se pi gwo misyon yo
Men sak nan mitan nou ki vle rejwenn yo
Yo ba yo gwo zam kenbe, ki donk se menm nou menm ankò kap fè san nou koule, jodi mekrèdi 19 Avril 2023 manman pitit mare vant nan sous matla, anpil kay boule, tèt koupe ayyy jenès la fin efondre
M santi an ayiti sèl espwa jèn yo poul rete anvi se Biden ki pou lonje men ba li, ayiti fini…menm pastè wiii mouri anba bal bandi la touprè nou titanyen, podyab nou ta chèche yon kote poun kache hummm e jwenn kote a atò koz tout zòn gen yon gwoup tèt san kò…malgre sa jèn se avni peyi a pa janm sispann sonnen nan zòrèy mwen, li lè pou gran moun yo f’on kout avni tou, koz nou bouke…pandan ti moman difisil sa, gode diri a kontinye ap monte, lwil la menm se pa pale ah tout moun nèt kabrit nan peyi sa donk sak nan vant ou se li k pa w nou oblije nan sere manje poun pa bay moun, antouka Haiti nou ta fe yon ti kout kite w poun al sekirize vi nou yon lòt kote men ak ki paspò jounen jodi si w pa gen 3 a 4000 dola ou pa ka siyen nn epi 4 a 6000 dola pou few jwenn li rapid wiii kidonk tout kondisyon yo reyini pou nou mouri la, antouka mwen menm kap ekri lèt sa si w wèm sòti m rantre se yon gras kem resevwa si non endinyasyon ak son manch yo, ta etèn rèv mwen déjà, antouka de ki rèv map pale menm, menm dòmi pa garanti ou pa menm ka reflechi plis ke 5 segond nan sa n ye la, si non lanmò san jou prann, lontan se gwo van gwo lapli k te konn fèn kouri, ah kounya se ti lapli ki bann plis pwoblèm…

Mezanmi mwen te jwenn yon ti chans ekri si gran mèt la pretem lavi map eseye ankò avan soup mwen fin koupe nèt, podyab pandan map konkli lèt sa map tande rèl patnèm yo nan titanyen ak sous matla kap rann dènye soupi yo…
Peyi m fini…

Je suis Marc le pauvre noir

Bwa kale a vini tout jan...