Aliceplus

係咪畫得thomas好靚仔呢。。

其實呢幾日都好多感受想寫低，之前拍左條片多謝工筆畫老師sue老師，同埋margret老師，教我地installation。多謝ADAHK比最好既師資我地，sue老師依家係中大藝術系讀緊博士，本身也是很優秀既藝術家。好欣賞佢用現代題材描繪工筆畫，佢既作品好有溫度，圍繞佢既家庭。

我由一個初接觸水墨畫，最初要追進度都有點吃力，由畫竹開始，到第二幅水仙已經安排有個展覽。只係學左一年，竟然到最後可以一個月內做到3幅作品，可以自己創作，實在太感恩了。老師傾襄相授，沒保留的教導我地好多技巧同經驗，人好nice，除左教我地畫畫，仲會傾好多不同話題，好似一個朋友咁樣。仲教我點樣裱畫，原來係好重要，訂一些專用既畫框同玻璃，反覆抹乾淨個畫框，用紙框對到岩位才裁剪，每樣工序都係心機，一絲不苟，非常認真專業。

背後好多行政職員阿成，nicky, 等等，記得展覽前幾個月的晚上11點幾，或者放緊假，都會收到佢地既whatsapp confirm d 資料或內容，真係非常辛勞。還有策展人阿三老師，整得個場好靚，本場刊好靚，個名改得好有意思。仲有藝術顧問Grace Cheng 安排行內最好既老師和策展。。攪一個展覽背後實在非常辛苦，用左好多人力物力，希望大家有時間都來睇下啦。。

送4個字比大家。。