EGpartners

Keni probleme me rinovimin e lejes së qëndrimit?
Ne mund t’ju japim zgjidhje.
Keni shumë vite në Greqi dhe nuk mund të pajiseni me leje qëndrimi?
Ne mund t’ju japim zgjidhje.
Keni probleme me sigurimet: IKA, OGA etj.?
Ne mund t’ju japim zgjidhje.
Keni marrë deportim (ekspuls) dhe pa dijeni jeni dënuar me gjoba nga gjykata?
Ne mund t’ju japim zgjidhje.
Keni probleme të ndryshme ligjore?
Ne mund t’ju ndihmojmë.
Keni mungesë informacioni për çështjen tuaj?
Ne mund t’ju ndihmojmë.
Zyra jonë ofron një gamë të gjerë shërbimesh ligjore, është e specializuar në fushën e emigracionit, për çështje administrative, çështje penale etj.
Zyra jonë ka një rrjet madh bashkëpunëtorësh të specializuar në të gjithë Greqinë, të cilët janë gjithmonë të gatshëm për të ofruar ndihmën e tyre.
Për më shumë informacion, mund të na kontaktoni në:
Tel: +30 210 884 7237
Cel: +30 697 094 1258
e-mail: [email protected]

EGpartners EGpartners ofron konsulencë dhe shërbime ligjore. Përfaqësim ligjor, në fusha të ndryshme të së drejtës civile, administrative, penale, etj.

Nëse fëmija juaj shkon në shkollë për herë të parë, mund të aplikojë për nënshtetësi greke

Nëse fëmija juaj (që ka lindur në Greqi), do të ulet këtë vit për herë të parë në bangat e shkollës, atëherë ju mund të aplikoni për nënshtetësinë greke për fëmijën tuaj. Siç jeni në dijeni, ka disa kategori sesi fëmijët tuaj mund të përfitojnë nënshtetësi greke:
– Të kenë lindur në Greqi dhe të jenë rregjistruar në klasën e parë fillore
– Të kenë përfunduar me sukses 9 vite arsim të detyruar (6 vite fillore dhe 3 gjimnaz)
– Të kenë përfunduar me sukses 6 vite shkollë të mesme (3 gjimnaz dhe 3 lice)
– Të kenë përfunduar të paktën vitin e fundit të liceut dhe të kenë marrë diplomën e një universiteti
Nëse jeni prindër emigrantë dhe fëmija juaj këtë shtator shkon për herë të parë në shkollë, atëherë ju mund të aplikoni menjëherë për nënshtetësi, pasi i kërkoni drejtorit të shkollës një vërtetim që fëmija juaj është rregjistruar në shkollë.
Përfitoni nga rasti që muajin gusht ju apo të afërm tuaj shkojnë me pushime në Shqipëri dhe nxirrni një çertifikatë familjare dhe një martesore. Certifikata familjare mund të nxirret edhe nga e-Albania (për momentin në Greqi nuk funksionon) ndërsa çertifikatën martesore e nxirrni në zyrat e gjendjes civile në Shqipëri. Vulosini me vulën apostille (nëpërmjet postës) me qëllim që të jeni gati për në shtator.
Pra, dy nga dokumentet kryesore janë këto dy çertifikata (martesore, familjare) që duhen vulosur me apostille, por jo të përkthyera. Përkthimi duhet të bëhet në Greqi. Plotësoni dosjen edhe me dokumentet e tjera që duhen, si dhe me taksën prej 100 eurosh (paravolo) dhe pasi i dorëzoni, jeni në pritje për nënshtetësinë.
Bëni kujdes që emri i fëmijës suaj të shkruhet dhe të përkthehet saktë se një gërmë apo një theks mund t’ju shkaktojë pengesa apo vonesa në të ardhmen.
Për çdo informacion, më kontaktoni në 6937708567.

Përshëndetje të nderuar bashkëatdhetarë!

ℹ️ Për rinovimin e lejes së drejtimit, personi i interesuar duhet të paraqitet pranë çdo DRSHTRR-je, pavarësisht vendbanimit, me këto dokumente:
🔹 Dokument identifikimi;
🔹 Certifikatë mjekësore me fotografi, që vërteton aftësinë shëndetësore për të drejtuar mjetin rrugor;
🔹 Lejen e drejtimit aktual që zotëron.
✍️ Në pamundësi për tërheqjen e dokumentit nga vetë personi, leja e drejtimit mund të tërhiqet nga një person tjetër, i cili disponon autorizim që plotësohet nga vetë qytetari gjatë aplikimit.
➡️ Leja e drejtimit tërhiqet pranë sporteleve të shërbimit të Drejtorive Rajonale ku është bërë aplikimi.
➡️ Në Tiranë, leja e drejtimit tërhiqet në zyrat e shërbimit te ish-NSHRAK. Në Tiranë (zyrat e shërbimit në ish-NSHRAK), leja e drejtimit tërhiqet brenda 30 minutash, ndërkohë që në Drejtoritë e tjera Rajonale, kjo procedurë mund të zgjasë 3-5 ditë pune.
Tarifat e shërbimit:
🔹Rinovimi i lejes së drejtimit -- 3,500 lekë
🔹Për të gjitha rinovimet e lejeve të drejtimit të kategorisë B që janë me afat 5 vite ose më pak -- 2,000 lekë
🔹Për të gjithë drejtuesit e mjetit me aftësi të kufizuara që rinovojnë lejen e drejtimit dhe marrin një leje drejtimi të posaçme -- 2,000 lekë
🔹Shërbimin për transferimin e dosjes (vetëm në rastet kur aplikanti ka ndryshuar vendbanim) -- 600 lekë
❗️ Përdorimit dhe konvertimit të tyre në Shtetin Grek do ti kushtojmë një vëmendje të veçantë në rubrikën e javës së ardhshme.