Funny notes

მეორე კლასი- სახალისო და საინტერესო აქტივობა “მუსიკა ანიმაციის სამყაროში”. მიზანი იყო მოსწავლეებს მოსმენითა და დაკვირვების გზით განევითარებინათ მუსიკალური სმენა, რიტმის აღქმა და მუსიკალური ჟანრების (ვალსი, მარში) გარჩევის უნარი. მოსწავლეებმა ნახეს ფრაგმენტები სხვადადხვა ანიმაციური ფილმებიდან : “ Pluto”, “ Tom end Jerry”, “ ბულბულის იუბილე” . მოსწავლეები ერთმანეთს მეგობრულად ეჯიბრებოდნენ ვინ უფრო სწრაფად ამოიცნობდა მუსიკის მახასითებლებს, ჟანრსა და ხასიათს. აქტივობამ კიდევ ერთხელ აჩვენა, რომ მუსიკის სწავლება თამაშითა და შემოქმედებითი მიდგომით უფრო საინტერესო, მარტივი და დასამახსოვრებელია❤️

პროექტი "ხელოვნების ეპოქა“ — ვიზიტი ბათუმის ციფრულ მუზეუმში.
ბათუმის ციფრულ მუზეუმში ვიზიტმა მოსწავლეებს მისცა შესაძლებლობა, ინტერაქტიულ და შემოქმედებით გარემოში განევითარებინათ დაკვირვების, კვლევის, თანამშრომლობისა და კრიტიკული აზროვნების უნარები. ციფრულმა მუსიკამ და ვიზუალურმა ინსტალაციებმა გამოცდილება კიდევ უფრო შთამბეჭდავი და ემოციური გახადა. პროექტმა კიდევ ერთხელ დაგვანახა, რომ თანამედროვე განათლება ყველაზე შედეგიანია მაშინ, როცა ცოდნა პრაქტიკულ გამოცდილებას, ტექნოლოგიებსა და შემოქმედებით პროცესს ერთიან სივრცეში აერთიანებს. ინტერაქტიულმა ექსპოზიციებმა, ვიზუალურმა ინსტალაციებმა და ციფრულმა მუსიკამ სასწავლო პროცესი აქცია ემოციურ, შთამბეჭდავ და შემოქმედებით გამოცდილებად. მოსწავლეებმა უკეთ დაინახეს, თუ როგორ შეიძლება ხელოვნება, მუსიკა, ბიოლოგია, ფიზიკა და ბიბლიოთეკური რესურსები ერთიან საგანმანათლებლო სივრცეში ბუნებრივად შეერთდეს.

გაცოცხლებული წარსული“
ინტეგრირებული საგანმანათლებლო პროექტის „გაცოცხლებული წარსული“, ფარგლებში მოსწავლეები იმყოფებოდნენ ბათუმის ეთნოგრაფიულ მუზეუმში „ბორჯღალო“.
ვიზიტის მიზანი იყო კულტურული მემკვიდრეობის გაცნობა და საგნობრივი ცოდნის ინტეგრირება (ბიოლოგია, ფიზიკა, მუსიკა და ბიბლიოთეკა).
პროექტის ფარგლებში გაიმართა შეხვედრა მუზეუმის დამაარსებელთან — ქემალ თურმანიძესთან, რომელმაც მოსწავლეებს გააცნო მუზეუმის ისტორია და მისი მნიშვნელობა. მოსწავლეები გაეცნენ ქართულ ტრადიციულ მუსიკალურ კულტურას , რომელიც ასახავს ჩვენი ხალხის ისტორიას, ყოფასა და ადათ-წესებს.
მუზეუმში წარმოდგენილი ექსპონატების გაცნობისას მათ განიხილეს ხალხური საკრავების მნიშვნელობა და მათი როლი ყოველდღიურ და სადღესასწაულო ცხოვრებაში.
აქტივობის შედეგად მოსწავლეებმა უკეთ გააცნობიერეს, რომ მუსიკა კულტურული მემკვიდრეობის მნიშვნელოვანი ნაწილია და თაობებს შორის კავშირის შენარჩუნებას უწყობს ხელს.
მოსწავლეებმა დაათვალიერეს და გაეცნენ ძველი ქართული ყოფა-ცხოვრების ამსახველ მასალებს.
ვიზიტი იყო შემეცნებითი და საგანმანათლებლო მნიშვნელობის, რომელმაც ხელი შეუწყო კულტურული მემკვიდრეობის მიმართ ინტერესის გაღრმავებას. 🤍მადლობა ყველას, ვინც ამ მნიშვნელოვანი პროექტის განხორციელებაში მიიღო მონაწილეობა.

ინტეგრირებული პროექტი: „რიტმი, ძალა, მელოდია: სამყაროს ინტეგრირებული ხედვა“ წარმატებით განხორციელდა და მნიშვნელოვან საგანმანათლებლო შედეგებს მიაღწია. პროექტმა კიდევ ერთხელ დაადასტურა, რომ ინტერდისციპლინური სწავლება ეფექტური გზაა მოსწავლეებში ცოდნის გაღრმავებისა და მისი პრაქტიკაში გამოყენებისათვის. პროექტის ფარგლებში მოსწავლეებმა შეძლეს დაენახათ, თუ როგორ არის ერთმანეთთან მჭიდროდ დაკავშირებული მუსიკა, ბიოლოგია, ფიზიკა და სპორტი. განსაკუთრებით საინტერესო და შთამბეჭდავი აღმოჩნდა გასვლითი აქტივობა ბათუმის დელფინარიუმში, სადაც მოსწავლეები რეალურ გარემოში დააკვირდნენ დელფინების მოძრაობას, მათ რიტმსა და ხმოვან კომუნიკაციას.

სოციალური პროექტი"საოპერო ხელოვნება - ხიდი ლიტერატურასა და მუსიკას შორის", ფარგლებში მოსწავლეები ეწვივნენ ქუთაისის ლ. მესხიშვილის სახელობის თეატრს, სადაც დაესწრნენ ვიქტორ დოლიძის ოპერეტას "ქეთო და კოტე".
მიზანი იყო მოსწავლეებში საოპერო ხელოვნებისადმი ინტერესის გაღვივება და მისი კავშირების დანახვა ლიტერატურასთან . ეს იყო განსაკუთრებული გამოცდილება — სცენაზე გაცოცხლებული პერსონაჟები, მუსიკა, ემოციები და ქართული კულტურის უნიკალური ელფერი.

მოსწავლეებმა არა მხოლოდ მუსიკალურად აღიქვეს ნაწარმოები, არამედ უკეთ გაიაზრეს მისი ლიტერატურული საფუძველი, სიუჟეტი და პერსონაჟთა ხასიათები. ასეთი აქტივობები ხელს უწყობს მათ ესთეტიკურ აღზრდას, კრიტიკული აზროვნების განვითარებას და ქართული კულტურის სიყვარულის გაღრმავებას.

მადლობა ყველა მონაწილეს აქტიური ჩართულობისთვის და იმ დაუვიწყარი ემოციებისთვის, რომელიც ერთად შევქმენით.