Teamtwo Structural Engineering Department

🏗 გსმენია თამარ მეფის ხიდის კონსტრუქტორის შესახებ? 👇

✏📏 კირიაკ ზავრიევი ავტორია რუსეთსა და ამიერკავკასიაში აგებული მრავალი დიდი ხიდის. მისი მთავარი ნაშრომები ეხება ნაგებობათა თეორიას. საფუძველი ჩაუყარა მრღვევი დატვირთვების მიხედვით ნაგებობათა გაანგარიშების მეთოდსა (1913) და სეისმომედეგობის დინამიკის თეორიას (1926), მან პირველმა დაასაბუთა სეისმომედეგი ქვის ნაგებობათა მშენებლობის შესაძლებლობა და დაამუშავა შენობათა ანტისეისმური სარტყლები. ზავრიევს დიდი ღვაწლი მიუძღვის მსუბუქი რკინა-ბეტონის კონსტრუქციების დამუშავებასა და დანერგვაში. იგი ხელმძღვანელობდა ბეტონის სპეციალისტთა ამიერკავკასიის სკოლას. 1957 წლიდან იყო აშშ-ის წინასწარდაძაბული რკინა-ბეტონის ინსტიტუტის წევრი.

🌉 20-იანი წლებში გაჩნდა საჭიროება, აეგოთ ხიდი, რომელიც დიდუბე-ჩუღურეთის რაიონს ვაკე-საბურთალოსთან დააკავშირებდა. დღეს ის თამარ მეფის ხიდის სახელით არის ცნობილი.იმ ადგილას ადრე ხევი იყო და მტკვარი მიედინებოდა.

1931 წელს დაწყებული მშენებლობა ოთხი წელი გაგრძელდა. 1989 წელს ჩელუსკინელების ხიდს თამარ მეფის სახელი დაერქვა.

🏗 თუ ნაცნობ ნაგებობებს სტრუქტურული ინჟინერიის თვალით შევხედავთ, ისინი უფრო საინტერესოები გახდებიან. 👇

🌉 ბარათაშვილის ხიდი 3-ჯერ შეცვალეს. მისი ამჟამინდელი სახე 1965 წლის დემონტაჟის შედეგია, რომელიც ბარათაშვილის ქუჩისა და მისი მიმდებარე ტერიტორიების რეკონსტრუქციის პროექტის ფარგლებში მიმდინარეობდა.

ბარათაშვილის ხიდის არქიტექტურული გადაწყვეტა მკაცრად ფუნქციონალურია. 🚶‍♀🚕 საავტომობილო და საფეხმავლო მიმოსვლა გამიჯნულია და ორ იარუსზეა განაწილებული. შიდა სივრცეში მოწყობილი იყო საგამოფენო დარბაზი და კაფე, რომლებიც 1990-იან წლებამდე ფუნქციონირებდა.

✏📏 ინჟინერი: გიორგი ქარცივაძე