Vox electa

⚫️ საქართველოს მართლმადიდებელი ეკლესიის ეპარქიები

ნაწილი მეორე

3. ქუთაის-გაენათის ეპარქია

გაენათი იგივე გელათია. ორი დამოუკიდებელი ეპარქია 1917 წელს გაერთიანდა.

ქუთაისის ეპისკოპოსს დიდი როლი ჰქონდა საქართველოს ეკლესიაში. იგი, როგორც დედაქალაქის ეპისკოპოსი აკურთხებდა მეფეებს (ქუთაისი გაერთიანებული საქართველოს დედაქალაქი იყო - 978 - 1122 წლებში).

ეპისკოპოსის კათედრაა ქუთაისში, ბაგრატის ტაძარში. გელათის მონასტერი კი სტავროპიგიალურია ანუ ექვემდებარება საქართველოს კათალიკოს-პატრიარქს.

4. ჭყონდიდის ეპარქია

ერთ-ერთი უმნიშვნელოვანესი ისტორიული ეპარქია საქართველოში. გადმოცემის მიხედვით ამ მხარეში ანდრია პირველწოდებულმა იქადაგა. სწორედ ამ პატივის გამო ჭყონდიდის ეკლესია ერთ-ერთი დაწინაურებული ეპარქია იყო საქართველოში.

დავით აღმაშენებლის რეფორმის შემდეგ ქვეყნის მეორე პირი სწორედ ჭყოდნიდელ-მწიგნობართუხუცესი გახდა.

#მართლმადიდებელიეკლესია

⚫️ საქართველოს ავტოკეფალური მართლმადიდებელი სამოციქულო ეკლესია ერთადერთი ქართული ინსტიტუტია, რომელიც უძველესი ხანიდან დღემდე უწყვეტად განაგრძობს არსებობას საქართველოში. ავტოკეფალურმა ეკლესიამ დროებით, უკანონოდ შეწყვიტა არსებობა 1811/1827 - 1917 წლამდე (1827 წელი არის ანტონ II-ის გარდაცვალების წელი, მიუხედავად იმისა, რომ ავტოკეფალია 1811 წელს გაუქმდა პატრიარქი ანტონ II 1827 წლამდე ცოცხალი იყო და იგი კათოლიკოს პატრიარქად ითვლებოდა)

აქვე: აფხაზეთის საკათალიკოსო რუსეთის იმპერიამ 1814 წელს გააუქმა. დასავლეთ საქართველოს უკანასკნელი პატრიარქი იყო მაქსიმე II (1776 - 1796). მის შემდგომ პატრიარქის მოვალეობას ასრულებდა დოსითეოს ქუთათელი (1796 - 1820), მისი პატრიარქად კურთხევა არ მომხდარა.

⚫️ საქართველოს ავტოკეფალია 1917 წელს აღსდგა. დაბრუნდა ყველა ის ტრადიცია რაც აწ უკვე 15 საუკუნოვან ეკლესიას გააჩნდა. დღესაც კათალიკოს-პატრიარქის ინტრონიზაცია (აღსაყდრება) მოხდება იმ ტრადიციული საკათალიკოსო ატრიბუტებით, რომლითაც ხდებოდა წინა პატრიარქების აღსაყდრება. რიტუალში გამოყენებული უძველესი ატრიბუტები ანტონ I-ის (1744 - 1756; 1763 - 1788) დროინდელია.

⚫️ მიუხედავად საქართველოს სახეცვლილი ადმინისტრაციულ-ტერიტორიული დაყოფისა რიგ ეპარქიებს შენარჩუნებული აქვთ ტრადიციული სახელები.

1. მცხეთა- თბილისის ეპარქია.

მცხეთის ეპარქია ერთ-ერთი უძველესია. თბილისთან გაერთიანდა 1920 წელს, როდესაც ლეონიდე I ოქროპირიძე მანამდე თბილისის მიტროპოლიტი იყო, მისი პატრიარქად არჩევის შემდეგ გახდა მცხეთის მთავარეპისკოპოსიც.

გაერთიანებამდე სიონის ტაძარში მსახურებას აღავლენდა თბილისის მიტროპოლიტი.
სამთავრო ქართლის ეპისკოპოსის კათედრა იყო. ხოლო სვეტიცხოველსა და ანჩისხატში კათალიკოს-პატრიარქი წირავდა.

მცხეთა-თბილისის ეპარქია თავისი მნიშვნელობით უპირატესია. მისი მთავარეპისკოპოსი ავტომატურად საქართველოს კათალიკოს-პატრიარქია.

სვეტიცხოველი კი უდიდესი მნიშვნელობის ტაძარია. მხოლოდ სვეტიცხოველში ხდება პატრიარქის ინტრონიზაცია, ეპისკოპოსების აღსაყდრება, მირონის მოხარშვა.

სვეტიცხოველშია დაფლული იესო ქირსტეს კვართი და წინასწარმეტყველ ელია (თეზბიტელის) მოსასხამი.

2. ბიჭვნითისა და ცხუმ აფხაზეთის ეპარქია.

მნიშვნელობით მეორე ეპარქია საქართველოში, ასევე ერთ-ერთი უძველესი ეპარქია, რომლის მწყემსმთავარიც ილია II-დან მოყოლებული დიდი ალბათობით კათალიკოს-პატრიარქები იქნებიან.

მანამდეც ავტოკეფალიის აღდგენის შემდეგ პატრიარქებს ჰქონდათ კავშირი ამ ეპარქიასთან. მაგალითისთვის კირიონ II 1906 - 1907 წლებში სოხუმის ეპარქიაში მწყემსმთავრობდა. საიდანაც იგი გადააყენეს აფხაზების გაქართველების ბრალდებით.

ავტოკეფალიის აღდგენის შემდეგ მესამე პატრიარქი აბროსი I, 1919 - 1921 წლებში ცხუმ-აფხაზეთის ეპისკოპოსი იყო.

1926 წელს ეპარქიას სათავეში ჩაუდგა მომდევნო პატრიარქი ქრისტეფორე III (ციცქიშვილი)

1927 წელს ეპარქიის მმართველი გახდა ასევე შემდგომში პატრიარქი მელქისედეკ III (ფხალაძე). იქი ეპარქიას მართავდა 1927 - 1928 და 1935 - 1938 წლებში.

1967 წელს ბიჭვნითისა და ცხუმ-აფხაზეთის მიტროპოლიტი გახდა ილია II, რომელიც ეპარქიის წინამძღოლი ყველაზე დიდხანს 1967 - 1977 და 2010 - 2026 წლებში იყო.

I მსოფლიო საეკლესიო კრებაში იხსენიება ბიჭვნითის ეპისოპოსი სტრატოფილე.

აფხაზეთში დაკრძალულია სვიმონ კანანელი, იესო ქრისტეს ერთ-ერთი მოციქული, ზოგი ვერსიით მისი ძმაც.

გაგრძელება შემდეგ პოსტში...

#დედაეკლესია

✅1991 წლის 31 მარტის რეფერენდუმის🇬🇪 შედეგები:

⚪️ კენჭისყრაში მონაწილეობა ამომრჩეველთა საერთო რიცხვის 90.57%-მა მიიღო მონაწილეობა და დიახ 3 295 000-მა ადამიანმა შემოხაზა რაც მონაწილეთა 99.08%-ია

🔴 უფრო დაწვრილებით კი, რეფერენდუმის შედეგებზე ზვიად გამსახურდიამ 1991 წლის 9 აპრილს უზენაესი საბჭოს სხდომაზე დამოუკიდებლობის აღდგენის გამოცხადებამდე რამდენიმე წუთით ადრე ისაუბრა, მან გამოყო არაქართული მოსახლეობით დასახლებული რეგიონები და სხდომას მოახსენა:

⚪️ (ზვიად გამსახურდია ხელმძღვანელობს 1989 წლის აღწერით)

🔴 ახალქალაქის რაიონი: ქართველები - 4.3%, სომხები - 91.3%
კენჭისყრაში მონაწილეობა მიიღო ამომრჩეველთა 90%-მა, კითხვას უპასუხა დიახ - 97.1%-მა, ყველა ამომრჩევლის 87.31%-მა

⚪️ ნინოწმინდის რაიონი: ქართველები - 1.1%, სომხები - 89.4%, რუსები - 8.3%
კენჭისყრაში მონაწილეობა მიიღო ამომრჩეველთა 88.5%-მა, კითხვას უპასუხა დიახ - 91.58%, ყველა ამომრჩევლის 81.04%-მა

🔴 წალკის რაიონი: ქართველები - 3.3%; ბერძნები - 61%, სომხები - 28.5%, აზერბაიჯანელები - 5.1%
კენჭისყრაში მონაწილეობა მიიღო ამომრჩეველთა 88.19%-მა, კითხვას უპასუხა დიახ 96.56%-მა, ყველა ამომრჩევლის 85.16%-მა

⚪️ დმანისის რაიონი: ქართველები - 28%, აზერბაიჯანელები - 63.7%, ბერძნები - 6.1%
კენჭისყრაში მონაწილეობა მიიღო ამომრჩეველთა 93.19%-მა, კითხვას უპასუხა დიახ - 99.17%, ყველა ამომრჩევლის 92.42%-მა

🔴 ბოლნისის რაიონი: ქართველები - 21%, აზერბაიჯანელები - 65%, სომხები - 6%
კენჭისყრაში მონაწილეობა მიიღო ამომრჩეველთა 90.86%-მა, კითხვას უპასუხა დიახ - 99.54%, ყველა ამომრჩევლის 90.44%-მა

⚪️ მარნეულის რაიონი: ქართვლები - 6.6%, აზერბაიჯანელები - 80%, სომხები - 6.6%
კენჭისყრაში მონაწილეობა მიიღო ამომრჩეველთა 97.7%-მა, კითხვას უპასუხა დიახ - 98.94%, ყველა ამომრჩევლის 96.74%-მა

🔴 რაც შეეხება სამაჩაბლოს:

⚪️ ახალგორის რაიონი: ქართველები - 53.8%, ოსები - 44%
კენჭისყრაში მონაწილეობა მიიღო ამომრჩეველთა 93.15%-მა, კითხვას უპასუხა დიახ - 99.44%, ყველა ამომრჩევლის 92.63%-მა

🔴 ცხინვალის რაიონი: ქართველები - 46%, ოსები - 52.4%
რეფერენდუმი ჩატარდა 12-იდან 7 საკრებულოს ტერიტორიაზე, საომარი მდგომარეობის გამო
კენჭისყრაში მონაწილეობა მიიღო ამომრჩეველთა 64.55%-მა, კითხვას უპასუხა დიახ - 99.98%, ყველა ამომრჩევლის 64.54%-მა

⚪️ რეფერენდუმი არ ჩატარებულა ქალაქ ცხინვალში, ჯავისა და ყორნისის რაიონებში

🔴 ჯავის რაიონის 474-მა ამომრჩეველმა, ხმა მისცა საჩხერის რაიონის სოფელ პერევისაში და ყველამ დადებითად უპასუხა კითხვას

⚪️ ასევე რამდენიმე ოსურმა სოფელმა კენჭისყრა ჩაატარა საბჭოთა მეურნეობის თანამშრომელთა საერთო კრების მიერ არჩეულმა კომისიამ, საკუთარი ინიციატივით და როგორც ზვიად გამსახურდია ამბობს, 612 ამომრჩევლიდან კითხვას უპასუხა დიახ 607-მა ამომრჩეველმა

🔴 აფხაზეთი:

⚪️ ქალაქი სოხუმი: ქართველები - 41.8%, სომხები - 10.3%, რუსები - 21.1%, ბერძნები - 6.3%, აფხაზები - 12.6%
კენჭისყრაში მონაწილეობა მიიღო ამომრჩეველთა 67.1%-მა, კითხვას უპასუხა დიახ - 96.01%, ყველა ამომრჩევლის 64.02%-მა

🔴 გაგრის რაიონი: ქართვლები - 28%, სომხები - 30.5%, რუსები - 23.4%, აფხაზები - 9.3%
კენჭისყრაში მონაწილეობა მიიღო ამომრჩეველთა 52.1%-მა, კითხვას უპასუხა დიახ - 94.1%, ყველა ამომრჩევლის 48.98%-მა

⚪️ გალის რაიონი: ქართველები - 93%, რუსები - 3%
კენჭისყრაში მონაწილეობა მიიღო ამომრჩეველთა 97.67%-მა, კითხვას უპასუხა დიახ - 99.71%, ყველა ამომრჩევლის 97.39%-მა

🔴 გულრიფშის რაიონი: ქართველები - 52.7%, სომხები - 25.3%, რუსები - 13.8%, აფხაზები - 2.3%
კენჭისყრაში მონაწილეობა მიიღო ამომრჩეველთა 85.35%-მა, კითხვას უპასუხა დიახ - 97.85%, ყველა ამომრჩევლის 83.52%-მა

⚪️ ოჩამჩირის რაიონი: ქართველები - 49.2%, სომხები - 8.2%, რუსები - 5.8%, აფხაზები - 33.6%
კენჭისყრაში მონაწილეობა მიიღო ამომრჩეველთა 54.76%-მა, კითხვას უპასუხა დიახ - 99.1%, ყველა ამომრჩევლის 54.27%-მა

🔴 სოხუმის რაიონი: ქართველები - 44.2% სომხები - 29.04%, რუსები - 7.2%, ბერძნები - 10.5%, აფხაზები - 5%
კენჭისყრაში მონაწილეობა მიიღო ამომრჩეველთა 60.83%-მა, კითხვას უპასუხა დიახ - 99.44%, ყველა ამომრჩევლის 60.61%-მა

⚪️ გუდაუთის რაიონი: ქართველები - 13%, სომხები - 15.5%, რუსები - 13.1%, აფხაზები - 53.3%
კენჭისყრა ჩატარდა მხოლოდ ერთ უბანში
კენჭისყრაში მონაწილეობა მიიღო ამომრჩეველთა 8.13%-მა, კითხვას უპასუხა დიახ - 99.9%, ყველა ამომრჩევლის 8.12%-მა

🔴 ტყვაჩელის რაიონი: ქართველები - 23%, რუსები - 24%, აფხაზები - 42%
რეფერენდუმი არ ჩატარებულა
ამომრჩეველის 7.84%-მა ხმა მისცა ოჩამჩირეში, კითხვას უპასუხა დიახ - 99.9%, ყველა ამომრჩევლის 7.83%-მა

⚪️ მთლიანად აფხაზეთში 347 175 ამომრჩევლიდან კენჭისყრაში მონაწილეობა მიიღო 61.23%-მა, კითხვას უპასუხა დიახ 97.73%-მა, ყველა ამომრჩევლის 59.84%-მა

🔴 ამრიგად ნათელია, რომ საქართველოს რესპუბლიკის მთელმა მოსახლეობამ მხარი დაუჭირა საქართველოს რესპუბლიკის დამოუკიდებლობის აღდგენას

⚪️ აქედან ჩანს, რომ საქართველოს ხელისუფლებას მხარს უჭერს ეთნიკური უმცირესობების დიდი უმრავლესობა და ამით ბათილდებოდა კრემლის მითი იმის შესახებ, რომ ახალი ხელისუფლების მიზანი არაქათველთა დევნა იყო.

#საქართველოსსაარჩევნოისტორია

✅დღეს რეფერენდუმის დღეა, ზუსტად 35 წლის წინ 1991 წლის 31 მარტს საქართველოში🇬🇪 დამოუკიდებლობის აღდგენის რეფერენდუმი📜 გაიმართა

⚪️ რეფერენდუმი📜 მთელი ქვეყნის მაშტაბით ჩატარდა
სარეფერენდუმო ბარათზე მხოლოდ ერთი წინადადება ეწერა - „თანახმა ხართ თუ არა, აღდგეს საქართველოს სახელმწიფოებრივი დამოუკიდებლობა 1918 წლის 26 მაისის დამოუკიდებლობის აქტის საფუძველზე?

🔴 კენჭისყრაში მონაწილეობა ამომრჩეველთა საერთო რიცხვის 90.57%-მა მიიღო მონაწილეობა და დიახ 3 295 000-მა ადამიანმა შემოხაზა რაც მონაწილეთა 99.08%-ია

⚪️ რეფერენდუმს აშშ-ს 37-ე პრეზიდენტი რიჩარდ ნიქსონიც აკვირდებოდა

🔴 შემთხვევით არ არის, რომ კონსტიტუციით დაცული საქართველოს სახელმწიფო სუვერენიტეტი სწორედ 31 მარტის რეფერენდუმს ეყრდნობა.

⚪️ „საქართველო არის დამოუკიდებელი, ერთიანი და განუყოფელი სახელმწიფო, რაც დადასტურებულია 1991 წლის 31 მარტს ქვეყნის მთელ ტერიტორიაზე, მათ შორის აფხაზეთის ასსრ-ში და ყოფილ სამხრეთ ოსეთის ავტონომიურ ოლქში ჩატარებული რეფერენდუმით და 1991 წლის 9 აპრილის საქართველოს სახელმწიფოებრივი დამოუკიდებლობის აღდგენის აქტით“, - ვკითხულობთ საქართველოს კონსტიტუციის I მუხლში.

🔴 „დილის 7 საათზე, როცა თბილისის საბურთალოს რაიონის საარჩევნო ოლქის 23-ე უბნის კომისიის წარმომადგენლები დანიშნულების ადგილას მივიდნენ, საარჩევნო უბნის კართან პირველი მოქალაქე უკვე ელოდათ: იგი აღმოჩნდა... 101 წლის ლიტველი კაცი. ეს მხცოვანი ადამიანი ჩქარობდა, სხვაზე ადრე მინდა გამოვხატო ჩემი ამ ქვეყნისადმი დამოკიდებულებაო. ასეც მოხდა: სწორედ იგი იყო ამ უბანზე პირველი, ვინც საქართველოს სახელმწიფოებრივი დამოუკიდებლობის აღდგენას მისცა ხმა“.

⚪️ „ყველა ჩვენგანის ხმა 31 მარტს შეიძლება ის ერთადერთი იყოს, რომელიც გადაწყვეტს ჩვენი სახელმწიფოს — საქართველოს - ბედს“, - განაცხადა ზვიად გამსახურდიამ ჯავახეთის მოსახლეობასთან შეხვედრისას რეფერენდუმამდე რამდენიმე დღით ადრე.

🔴 „თუ იქნება დამოუკიდებელი დემოკრატიული საქართველო, სოციალურად დაცული იქნება ჩვენი მრავალეროვანი ოჯახის თითოეული წევრი, დაცული იქნებიან ჩვენი ოჯახები, შვილები, შვილიშვილები“.

⚪️ საქართველომ მონაწილეობა არ მიიღო 1991 წლის 17 მარტის საკავშირო რეფერენდუმში, რომლის მიზანი იყო გაერკვია მოკავშირე რესპუბლიკებში ახალი საკავშირო ხელშეკრულების, კერძოდ, სუვერენულ სახელმწიფოთა კავშირის (სსკ) შექმნის მიმართ დამოკიდებულება.

🔴 31 მარტის რეფერენდუმის მომზადების პარალელურად მკვეთრად გაუარესდა ვითარება ყოფილი სამხრეთ ოსეთის ავტონომიური ოლქის ტერიტორიაზე.

⚪️ 31 მარტს, დამოუკიდებლობის რეფერენდუმის დღეს, რუსეთის ფედერაციის სახალხო დეპუტატთა ყრილობამ მიიღო დადგენილება და საქართველოს ხელისუფლებისგან მოითხოვა სამხრეთ ოსეთის ავტონომიური ოლქის აღდგენა და სეპარატისტთა ლიდერ კულუმბეგოვის გათავისუფლება.

🔴 რუსეთის ხელისუფლებას უპასუხა ზვიად გამსახურდიამ, საქართველოს უზენაესი საბჭოს თავმჯდომარემ, რომელსაც ზურგს უმაგრებდა 31 მარტის რეფერენდუმის შედეგები:

⚪️ „გვექმნება შთაბეჭდილება, რომ ყალიბდება იმპერიულად განწყობილი ძალების ერთიანი ფრონტი კანონიერად არჩეულ საქართველოს რესპუბლიკის პარლამენტთან საბრძოლველად, რომელსაც სურს დაიბრუნოს 1921 წლის თებერვალში ძალით წართმეული სახელმწიფოებრივი დამოუკიდებლობა. ამ პოზიციას მხარს უჭერს საქართველოს მოსახლეობის დიდი უმრავლესობა, რასაც მოწმობს გამართული რეფერენდუმის შედეგები’’

#საქართველოსსაარჩევნოისტორია

⚫️ საქართველოს მართლმადიებელი სამოციქულო ეკლესიის ეპარქიების მღვდელმთავრები (წინა პოსტიდან გამომდინარე).

⚫️ ეპარქიათა რაოდენობა არის 50

⚫️ კათედრები თავისუფალია შემდეგ ეკლესიებში:

მართავდა ან დროებით ექვემდებარებოდა კათალიკოს-პატრიარ ილია II-ეს:
1. მცხეთა-თბილისის
2. ბიჭვნითისა და ცხუმ-აფხაზეთის
3. რუსთავის
4. დიდი ბრიტანეთის და ჩრდილოეთ ირლანდიის
ეპისკოპოსი არ ჰყოლია დღიდან დაარსებისა:
5. კახისა და ქურმუხის ეპარქია
კათედრა თავისუფალია:
6. ნეკრესის
7. ბორჯომისა და ბაკურიანის
8. ხორნაბუჯის
9. სამთავისისა და კასპის
10. გერმანიისა და ავსტრიის ეპარქიებს.

⚫️ ორი ეპარქია ექვემდებარება ერთ ეპისკოპოსს:
1. პატრიარქის ტახტის მოსაყდრე მიტროპოლიტ შიოს (მუჯირი) ექვემდებარება: სენაკისა და ჩხოროწყუს ეპარქია და ავსტრალიისა და ახალი ზელანდიის ეპარქია.

2. მიტროპოლიტი ნიკოლოზ (ფაჩუაშვილი) ექვემდებარება: ახალქალაქისა და კუმურდოსა და კარის ეპარქია და სამხრეთ ამერიკის ეპარქია. თუმცა უკანასკნელი ნომინალური უფროა.

3. მიტროპოლიტი სტეფანე (კალაიჯიშვილი) ექვემდებარება: ცაგერისა და ლენტეხის ეპარქია და ჭყონდიდის ეპარქია.

⚫️ ორი მღვდელმთავარი ატარებს ტიტულარული (ეპისკოპოსი ეპარქიის გარეშე) ეპისკოპოსის წოდებას (არიან წმინდა სინოდის წევრები):
1. ცურტაველი მიტროპოლიტი - ვახტანგი (ახვლედიანი)
2. ადიშის მთავარეპისკოპოსი - დავითი (ტიკარაძე)

⚫️ საქართველოს ეკლესიის წმინდა სინოდი შედგება 39 წევრისგან. აქედან 21 მღვდელმთავარი ატარებს მიტროპოლიტის ტიტულს, 8 მთავარეპისკოპოსის ხოლო 10 ეპისკოპოსის ტიტულს. ეს ტიტულები ნომინალურია და მათ შორის რაიმე უფლებრივი განსხვავება არ არის.

⚫️ წმინდა სინოდმა ბოლო ეპისკოპოსი 2019 წელს, ქუთათელ-გაენათელ მიტროპოლიტად გამოარჩია მანამდე რუსთველი მიტროპოლიტი იოანე (გამრეკელი).

⚫️ ყველაზე დიდხანს ერთი ეპარქიის მმართველი კი წილკნისა დადუშეთის მიტროპოლიტი ზოსიმეა (შიოშვილი). იგი ეპარქიის მწყემსმთავარი 1984 წლიდანაა.

საქართველოს მართლმადიდებელი სამოციქულო ეკლესიის ეპარქიები:

1. მცხეთა-თბილისის - საყდარი დაქვრივებულია. კათოლიკოსის ტიტული ავტომატურად ნიშნავს მცხეთა-თბილისის მთავარეპისკოპოსობასაც.

2. ბიჭვნითისა და ცხუმ-აფხაზეთის - საყდარი დაქვრივებულია. დიდი ალბათობით ბიჭვნითისა და ცხუმ-აფხაზეთის მიტროპოლიტი ახალი კათოლიკოს-პატრიარქი გახდება.

3. ქუთაისისა და გაენათის - ქუთათელ-გაენათელი მიტროპოლიტი იოანე (გამრეკელი). ეპარქიის მმართველი 2019 წლიდან

4. ჭიათურის და საჩხერის - მიტროპოლიტი დანიელი (დათუაშვილი). ეპარქიის მმართველი 2002 წლიდან.

5. მანგლისისა და თეთრიწყაროს - მიტროპოლიტი ანანია (ჯაფარიძე). ეპარქიის მმართველი 1992 წლიდან.

6. წილკნისა და დუშეთის ეპარქია - მიტროპოლიტი ზოსიმე (შიოშვილი). ეპარქიის მმართველი 1984 წლიდან.

7. ტყიბულისა და თერჯოლის ეპარქია - მიტროპოლიტი გიორგი (შალამბერიძე). ეპარქიის მმართველი 2007 წლიდან.

8. რუისისა და ურბნისის ეპარქია (მოიცავს ქარელის მუნიციპალიტეტს) - მროველ-ურბნელი მიტროპოლიტი იობი (აქიაშვილი). ეპარქიის მმართველი 1996 წლიდან.

9. ალავერდის ეპარქია (მოიცავს თელავისა და ახმეტის რაიონებს) - აბბა ალავერდელი დავითი (მახარაძე). ეპარქიის მმართველი 1993 წლიდან.

📍 ზედწოდება აბბა არამეული წარმოშობის სიტყვაა და მამას ნიშნავს. ალავერდელი მიტროპოლიტი ერთადერთია, რომელსაც ეს ზედწოდება აქვს.

10. ნეკრესის ეპარქია (მოიცავს ყვარელისა და ლაგოდეხის მუნიციპალიტეტებს) - კათედრა თავისუფალია 2021 წლიდან.

11. შემოქმედის ეპარქია (მოიცავს გურიის მხარეს) - შემოქმედელი მიტროპოლიტი იოსები (კიკვიძე). ეპარქიის მმართველი 1995 წლიდან.

12. ნიქოზისა და ცხინვალის ეპარქია (ქალაქი ცხინვალი, ცხინვალის, ახალგორის, ჯავის, ერედვის, ქურთის და თიღვის მუნიციპალიტეტები) - მიტროპოლიტი ისაია (ჭანტურია). ეპარქიის მმართველი 1995 წლიდან.

13. ბორჯომისა და ბაკურიანის ეპარქია - კათედრა თავისუფალია 2020 წლიდან.

14. ფოთისა და ხობის ეპარქია - მიტროპოლიტი გრიგოლი (ბერბიჭაშვილი). ეპარქიის მმართველი 1996 წლიდან.

15. ახალქალაქისა და კუმურდოს და კარის ეპარქია (ახალქალაქისა და ნინოწმინდის მუნიციპალიტეტები) - მიტროპოლიტი ნიკოლოზი ფაჩუაშვილი. ეპარქიის მმართველი 2002 წლიდან.

16. ახალციხისა და ტაო-კლარჯეთის ეპარქია (ახალციხის, ასპინძისა და ადიგენის მუნიციპალიტეტები, ნომინალურად ტაო-კლარჯეთი) - მიტროპოლიტი თეოდორე (ჭუაძე). ეპარქიის მმართველი 1998 წლიდან.

17. ხონისა და სამტრედიის ეპარქია - მიტროპოლიტი საბა (გიგიბერია). ეპარქიის მმართველი 2003 წლიდან.

18. ბათუმისა და ლაზეთის ეპარქია (ქალაქი ბათუმი, ქობულეთის და ხელვაჩაურის მუნიციპალიტეტები, ნომინალურად ისტორიული ლაზეთი) - მიტროპოლიტი დიმიტრი (შიოლაშვილი). ეპარქიის მმართველი 1996 წლიდან.

19. ვანისა და ბაღდათის ეპარქია - მიტროპოლიტი ანტონი (ბულუხია). ეპარქიის მმართველი 1996 წლიდან.

20. ზუგდიდისა და ცაიშის ეპარქია (ზუგდიდის და წალენჯიხის მუნიციპალიტეტები) - მიტროპოლიტი გერასიმე (შარაშენიძე). ეპარქიის მმართველი 1998 წლიდან.

21. გორისა და ატენის ეპარქია - მიტროპოლიტი ანდრია (გვაზავა). ეპარქიის მმართველი 2001 წლიდან.

22. ჭყონდიდის ეპარქია (მარტვილის და აბაშის მუნიციპალიტეტები) - ექვემდებარება ცაგერისა და ლენტეხის მიტროპოლიტ სტეფანე (კალაიჯიშვილს) 2021 წლიდან.

23. ცაგერისა და ლენტეხის ეპარქია - მიტროპოლიტი სტეფანე (კალაიჯიშვილი). ეპარქიის მმართველი 2002 წლიდან.

24. მესტიისა და ზემო სვანეთის ეპარქია - ეპისკოპოსი ილარიონ (ქიტიაშვილი). ეპარქიის მმართველი 2002 წლიდან.

25. სენაკისა და ჩხოროწყუს ეპარქია - სრულიად საქართველოს კათალიკოს-პატრიარქის ტახტის მოსაყდრე მიტროპოლიტი შიო (მუჯირი). ეპარქიის მმართველი 2003 წლიდან.

26. რუსთავის ეპარქია - კათედრა დაქვრივებულია. ექვემდებარებოდა კათალიკოს-პატრიარქს.

27. გურჯაანისა და ველისციხის ეპარქია - მთავარეპისკოპოსი ექვთიმე (ლეჟავა). ეპარქიის მმართველი 2003 წლიდან.

28. საგარეჯოსა და ნინოწმინდის ეპარქია - მთავარეპისკოპოსი ლუკა (ლომიძე). ეპარქიის მმართველი 2003 წლიდან.

29. დმანისისა და აგარაკ-ტაშირის ეპარქია (დმანისის მუნიციპალიტეტი, ნომინალურად ისტორიული ლორეს მხარე) - მთავარეპისკოპოსი ზენონი (იარაჯული). ეპარქიის მმართველი 2003 წლიდან.

30. სტეფანწმინდისა და ხევის ეპარქია - მთავარეპისკოპოსი იეგუდიელი (ტაბატაძე). ეპარქიის მმართველი 2006 წლიდან.

31. სხალთის ეპარქია (ქედის, შუახევის და ხულოს მუნიციპალიტეტები) - სხალთელი მთავარეპისკოპოსი სპირიდონი (აბულაძე). ეპარქიის მმართველი 2006 წლიდან.

32. ბოლნისის ეპარქია - ბოლნელი მთავარეპისკოპოსი ეფრემი (გამრეკელიძე). ეპარქიის მმართველი 2006 წლიდან.

33. მარგვეთისა და უბისის ეპარქია (ზესტაფონის და ხარაგაულის მუნიციპალიტეტები) - ეპისკოპოსი მელქისედეკი (ხაჩიძე). ეპარქიის მმართველი 2015 წლიდან.

34. ბოდბის ეპარქია (სიღნაღის მუნიციპალიტეტი) - მთავარეპისკოპოსი იაკობი (იაკობიშვილი). ეპარქიის მმართველი 2013 წლიდან.

35. თიანეთისა და ფშავ-ხევსურეთის ეპარქია (თიანეთის და დუშეთის მუნიციპალიტეტები) - ეპისკოპოსი მიქაელი (გაბრიჭიძე). ეპარქიის მმართველი 2013 წლიდან.

36. ხორნაბუჯის ეპარქია (დედოფლისწყაროს მუნიციპალიტეტი) - კათედრა თავისუფალია 2022 წლიდან.

37. სამთავისისა და კასპის ეპარქია - კათედრა თავისუფალია 2022 წლიდან.

38. ხაშურისა და სურამის ეპარქია - ეპისკოპოსი სვიმეონი (ცაკაშვილი). ეპარქიის მმართველი 2013 წლიდან.

39. მარნეულისა და ჰუჯაბის ეპარქია - ეპისკოპოსი გიორგი (ჯამდელიანი). ეპარქიის მმართველი 2013 წლიდან.

40. მარტყოფისა და გარდაბნის ეპარქია - ეპისკოპოსი იოანე (შომახია). ეპარქიის მმართველი 2015 წლიდან.

41. წალკის ეპარქია - ეპისკოპოსი გრიგოლი (კაცია). ეპარქიის მმართველი 2015 წლიდან.

42. ნიკორწმინდის ეპარქია (ამბროლაურის და ონის მუნიციპალიტეტები) - ეპისკოპოსი ვახტანგი (ლიპარტელიანი). ეპარქიის მმართველი 2015 წლიდან.

43. ავსტრალიის და ახალი ზელანდიის ეპარქია - სრულიად საქართველოს კათალიკოს-პატრიარქის ტახტის მოსაყდრე მიტროპოლიტი შიო (მუჯირი). ეპარქიის მმართველი 2009 წლიდან.

44. ბელგიისა და ჰოლანდიის ეპარქია - ეპისკოპოსი დოსითეოსი (ბოგვერაძე). ეპარქიის მმართველი 2014 წლიდან.

45. გერმანიის და ავსტრიის ეპარქია - კათედრა თავისუფალია 2017 წლიდან.

46. დასავლეთ ევროპის ეპარქია (ფარავს ესპანეთს, იტალიას, პორტუგალიას, მალტას, საფრანგეთს და შვეიცარიას) - მიტროპოლიტი აბრაამ (გარმელია). ეპარქიის მმართველი 2002 წლიდან.

47. დიდი ბრიტანეთის და ირლანდიის ეპარქია - კათედრა დაქვრივებულია. ექვემდებარებოდა კათოლიკოს-პატრიარქს.

48. სამხრეთ ამერიკის ეპარქია - მიტროპოლიტი ნიკოლოზი (ფაჩუაშვილი). ეპარქიის მმართველი 2009 წლიდან.

49. ჩრდილოეთ ამერიკისა და კანადის ეპარქია - ეპისკოპოსი საბა (ინწკირველი). ეპარქიის მმართველი 2014 წლიდან.

50. კახისა და ქურმუხის ეპარქია (ისტორიული ჰერეთი) - კათედრა თავისუფალია დღიდან დაარსებიდან, 2014 წლიდან. ეპარქიას ეპისკოპოსი არ ჰყოლია.

ამასთანავე საქართველოს ეკლესიას აქვს ორი ტიტულარული (ეპისკოპოსი ეპარქიის გარეშე) ზედწოდება:

1. ცურტაველი მიტროპოლიტი - ვახტანგი (ახვლედიანი). ცურტაველი მიტროპოლიტი 2013 წლიდან.

2. ადიშის მთავარეპისკოპოსი დავითი (ტიკარაძე). ადიშის მთავარეპისკოპოსი 2013 წლიდან.

⚫️ საქართველოს გარდაეცვალა ეკლესიის 141-ე პირველიერარქი კათოლიკოს-პატრიარქი ილია II

⚫️ ახალი პატრიარქი წმინდა სინოდმა უნდა აირჩიოს თავისივე რიგებიდან. ამ და შემდგომ პოსტებში შეძლებისადგვარად მიმოვიხილავთ საქართველოს მართლმადიდებლური ეკლესიის ისტორიას, სტრუქტურას, მართვა-გამგეობის დებულებას.

⚫️ მიუხედავად იმისა, რომ საქართველოს სამოციქულო ეკლესიას 50 ეპარქია აქვს, ეპისკოპოსთა რაოდენობა მხოლოდ 39-ია. რამდენიმე ეპისკოპოსი ითავსებს სხვა ეპარქიის მღვდელმთავრობასაც, ხოლო მცხეთა-თბილისის ეპარქია (ექსარქია) და ბიჭვნითისა და ცხუმ-აფხაზეთის ეპარქია დაქვრივებულია.

⚫️ ექსარქია ეს არის საეკლესიო ადმინისტრაციული ერთეული, რომელიც სპეციალურ სტატუსს ატარებს.

⚫️ მცხეთა-თბილისის მთავარეპისკოპოსის ტიტულს სხვა ეპარქიის მღვდელმთავარი ვერ შეითავსებს, რადგან მცხეთა-თბილისის (ანუ დედაქალაქის) მღვდელმთავრობა ნიშნავს სრულიად საქართველოს კათოლიკოს-პატრიარქობას. მაგალითისთვის ასეა კათოლიკურ სამყაროში. რომის პაპი (ეპისკოპოსი) ითვლება მთელი კათოლიკური სამყაროს მამამთავრად.

⚫️ ავტოკეფალიის აღდგენის შემდეგ პირველი პატრიარქი კირიონ II საძაგლიშვილი ატარებდა მხოლოდ მცხეთის მთავარეპისკოპოსის ტიტულს. მისი გარდაცვალების შემდეგ არჩეული ახალი პატრიარქი ლეონიდე I ოქროპირიძე რადგან იყო თბილისის მიტროპოლიტი მას ეს ტიტული დარჩა და როგორც პატრიარქი გახდა მცხეთის მთავარეპისკოპოსიც. ლეონიდედან მოყოლებული ყველა კათალიკოს-პატრიარქი მცხეთა-თბილისის მთავარეპისკოპოსის ტიტულს ატარებს.

შემდეგ პოსტში შემოგთავაზებთ საქართველოს მართლმადიდებლური სამოციქულო ეკლესიის ეპარქიებს და მათი მმართველი ეპისკოპოსების სიას.