Integra

Integra-მ Casino Billionaire - სთვის ცენტრალიზებული VMS და ქსელური ინფრასტრუქტურა დანერგა

პროექტის ფარგლებში Integra-მ დანერგა ერთიანი VMS პლატფორმა, რომელმაც გააერთიანა ობიექტის ვიდეოსამეთვალყურეო სისტემა ერთ ცენტრალიზებულ მართვის გარემოში. აღნიშნული გადაწყვეტა უსაფრთხოების გუნდს და ოპერატორებს საშუალებას აძლევს ეფექტურად მართონ და აკონტროლონ ყველა კამერა ერთიანი ინტერფეისიდან.

დანერგილი სისტემა მნიშვნელოვნად აუმჯობესებს მონიტორინგის პროცესს, ზრდის უსაფრთხოების ოპერატიულობას და ამარტივებს ვიდეო არქივებთან მუშაობას, რაც განსაკუთრებით მნიშვნელოვანია 24/7 რეჟიმში მოქმედი კაზინოს ობიექტებისთვის.

VMS სისტემის ძირითადი უპირატესობები მოიცავს:

• ყველა CCTV კამერის ცენტრალიზებულ მართვასა და მონიტორინგს
• ინციდენტებზე სწრაფ რეაგირებას
• ვიდეო არქივის მარტივ და ეფექტურ მართვას
• ინფრასტრუქტურის მასშტაბირების შესაძლებლობას
• სისტემის სტაბილურ და დაცულ არქიტექტურას
• უწყვეტ და საიმედო ოპერირებას 24/7 რეჟიმში

პროექტის ფარგლებში Integra-მ ასევე განახორციელა სრული ქსელური ინფრასტრუქტურის მიწოდება, ინტეგრაცია და კონფიგურაცია, რომელიც უზრუნველყოფს ვიდეო სისტემის სტაბილურ და უწყვეტ მუშაობას.

მსგავსი ტიპის ობიექტებისთვის განსაკუთრებით მნიშვნელოვანია მაღალი ხელმისაწვდომობის და სტაბილურობის მქონე ინფრასტრუქტურა, სადაც ნებისმიერი შეფერხება პირდაპირ აისახება უსაფრთხოებასა და ოპერაციულ პროცესებზე. სწორედ ამიტომ Integra-ს საინჟინრო გუნდმა შეიმუშავა და დანერგა ქსელური არქიტექტურა, რომელიც სრულად არის მორგებული დატვირთულ და კრიტიკულ გარემოზე.

აღნიშნული პროექტი კიდევ ერთხელ უსვამს ხაზს Integra-ს გამოცდილებას კომპლექსური უსაფრთხოების, ვიდეო მონიტორინგისა და IT ინფრასტრუქტურული სისტემების ინტეგრაციის მიმართულებით კაზინოს სექტორში.

კავკასიის უნივერსიტეტში „5G და ახალი თაობის ქსელების კიბერუსაფრთხოების ჰაკათონი 2026“ გაიმართა

კავკასიის უნივერსიტეტში, ევროკავშირის მიერ დაფინანსებული პროექტის — SECURE — ფარგლებში გაიმართა „5G და ახალი თაობის ქსელების კიბერუსაფრთხოების ჰაკათონი 2026“.

ღონისძიების ორგანიზატორი იყო სამეცნიერო კიბერ უსაფრთხოების ასოციაცია (Scientific Cyber Security Association - SCSA), ხოლო Integra ჰაკათონის პარტნიორი იყო. აღნიშნული ღონისძიება უკვე მესამე ერთობლივი ინიციატივაა, რომელიც SCSA-სა და Integra-ს თანამშრომლობის ფარგლებში განხორციელდა და მიზნად ისახავს საქართველოში კიბერუსაფრთხოების პრაქტიკული ეკოსისტემის განვითარებას, ახალი ტალანტების აღმოჩენას და პროფესიული უნარების გაძლიერებას.

ჰაკათონში მონაწილეობა მიიღო 60-მდე დაინტერესებულმა პირმა სხვადასხვა კერძო და სახელმწიფო სტრუქტურიდან, ასევე საგანმანათლებლო სექტორიდან.

ღონისძიების ფარგლებში მონაწილეებმა შეასრულეს სპეციალურად ამ ჰაკათონისთვის შექმნილი CTF დავალებები, რომლებიც ორიენტირებული იყო პრაქტიკული ცოდნის, ტექნიკური უნარებისა და რეალურ კიბერუსაფრთხოების გამოწვევებზე მუშაობის შესაძლებლობის გამოვლენაზე.

შეჯიბრების შედეგად გამოვლინდა გამარჯვებული — „საქართველოს საუკეთესო ჰაკერი 2026“ გიორგი გელაშვილი, რომელსაც პარტნიორი კომპანიის, MSI-ისგან, გადაეცა Gaming Laptop. ასევე, სხვა მონაწილეებს გადაეცათ MSI-ის სიმბოლური პრიზები და მონაწილეობის დამადასტურებელი სერტიფიკატები.

ჰაკათონის პარტნიორები იყვნენ Abris Distribution, ERC Distribution Georgia, MSI Gaming, Fortinet და Integra.

Integra-სთვის განსაკუთრებით მნიშვნელოვანია ისეთი ინიციატივების მხარდაჭერა, რომლებიც ხელს უწყობს კიბერუსაფრთხოების სფეროს განვითარებას, პრაქტიკული ცოდნის გაღრმავებას და პროფესიული საზოგადოების გაძლიერებას საქართველოში. SCSA-სთან თანამშრომლობა ამ მიმართულებით ჩვენთვის მნიშვნელოვანი და გრძელვადიანი პარტნიორობის ნაწილია.

კვანტური ტექნოლოგიები უკვე რეალობაა და კიბერუსაფრთხოებაზე გავლენას ახდენს დღესვე. იმის გათვალისწინებით, რომ უახლოეს წლებში „საკმარისად ძლიერი“ კვანტური სისტემების გაჩენა სულ უფრო რეალისტური ხდება, კვანტურ-რეზისტენტულ უსაფრთხოებაზე მზადება უნდა დავიწყოთ ახლა.

ინტეგრა არის პირველი IT ინტეგრატორი კომპანია საქართველოში, რომელმაც აქტიურად ჩაერთო კვანტურ-რეზისტენტული უსაფრთხოების მიმართულების განვითარებაში და Scientific Cyber Security Association - SCSA-სთან ერთობლივად შესაბამისი ინფრასტრუქტურის დანერგვაში. კავკასიის უნივერსიტეტის ბაზაზე გახსნილ პირველ კვანტურ ლაბორატორიაში ინტეგრა იყო აღჭურვილობის მიმწოდებელი და სისტემური ინტეგრატორი.

ლაბორატორიის გახსნაზე ინტეგრას დირექტორმა, იგორ დოლოტოვსკიმ, წარადგინა პრეზენტაცია „Quantum-Safe კრიპტოგრაფია: რატომ უნდა ვიმოქმედოთ დღეს“, ხოლო ლაბორატორიის მუშაობა პრაქტიკულად აჩვენა პროფესორმა მაქსიმ იავიჩმა, საქართველოს მეცნიერებათა აკადემიის წევრ-კორესპონდენტმა.

ლაბორატორიაში ხელმისაწვდომია QRNG გადაწყვეტილებები (USB/PCIe) კრიპტოგრაფიული გასაღებების გენერაციისთვის, side-channel თავდასხმების ანალიზის გარემო და ChipWhisperer პლატფორმა embedded სისტემების უსაფრთხოების ტესტირებისთვის; ასევე ვმუშაობთ QKD მიმართულებით — კრიტიკული არხების გამყარებაზე, მათ შორის დაცული DC-to-DC კავშირი მონაცემთა ცენტრებს შორის (ავტომატური key rotation და მონიტორინგი).

თუ თქვენი ორგანიზაცია მუშაობს კრიტიკულ მონაცემებთან ან ინფრასტრუქტურასთან, გთავაზობთ:�
• Post-Quantum უსაფრთხოების აუდიტს�
• Quantum-readiness სტრატეგიას და არქიტექტურას�
• სწრაფ PoC/პილოტებს (QRNG/QKD) და turn-key დანერგვას

მოგვწერეთ პირადში — Integra დაგეხმარებათ გახდეთ quantum-ready.