BambooCo

☂️ ☀️ ⚡️ ბამბუკის სენდვიჩ-კედელი

♻️ კედლის კონსტრუქციაში ჰაერის გარე და შიდა ნაკადები კედელში (იზოლაციაში) კი არ ხვდებიან ერთმანეთს, არამედ ე.წ. „ამრევ კამერაში“. რთის მხრივ, ნესტის დაგროვებას და ლპობის პროცესებს თავს ვარიდებთ, მეორეს მხრივ კი - კედლის მთელ სიგრძეზე ვახდენთ ბუნებრივ ვენტილაციას. „ამრევ კამერაში“ თბოკარბონული ბოჭკოების მონტაჟით შეიძლება „თბილი კედლის მიღება“, რაც სახლის ძირითადი გათბობის სისტემას აყალიბებს. კაბელი ელექტროდენით ცხელდება ცელსიუსის 40-50 გრადუსამდე და ძალიან ცოტა ენერგიას მოიხმარს. რაც მთავარია, კრიტიკულ შემთხვევებში ასეთმა სისტემამ შეიძლება დამოუკიდებლად იმუშაოს (გენერატორების, მზის სადგურის გამოყენებით).
♻️ ასეთი კედლის სითბური წინაღობა ძალიან მაღალია (რომ არა ვთქვათ უნიკალური). მაგალითად, 18-20 სმ სისქის კედლისთვის - 5,0-6,0 m2.*C/w. შედარებისთვის, არქტიკული მურმანსკისთვის კედლის სითბური წინაღობის ნორმა შეადგენს 3,63 m2.*C/w.

🔥 🔥 ბამბუკის კარბონიზაცია (ლათ. Carbo - ნახშირი)

🌑 ორგანული ნივთიერების ნახშირბადით გამდიდრება. იშლება ჟანგბადის კავშირები და ნივთიერება კარგავს ე.წ. „სტრუქტურულად დაბმულ წყალს“. მასში იშლება ძველი და იკვრება ახალი მოლეკულური კავშირები. პროცესი ტარდება ავტოკლავში მაღალი წნევის ნაჯერი და გადახურებული ორთქლის გამოყენებით. ბამბუკი მუქდება, კარგავს ზედაპირულ ზეთოვან შენაერთებს. მათ ცვლის სილიკას (SiO2) კონცენტრირებულო რკალი, რის შედეგად ბამბუკი უფრო მაგარი ხდება და მასზე ნაკლებად მოქმედებს მზის ულტრაიისფერი გამოსხივება ☂️ 💥

⚡️ ⚡️ ⚡️
♻️ 👍 ინოვაციური თუ... ♾ 😜️ იმიტაციური ხის სახლები

🏗 კარკასულ სახლებს ხშირად კანადური ტექნოლოგიით შექმნილს უწოდებენ. სიპ-პანელი (სტრუქტურულ იზოლაციური პანელი) წარმოადგენს სენდვიჩს: გარედან OSB-ს (შეწებებული ორიენტირებული ხის ნათალი) ფირფიტებით, შუაში კი - საიზოლაციო ნივთიერებით (პენოპოლისტიროლი ან პენოპლასტი). თბოიზოლაციის თვალსაზრისით სიპ-პანელების 20 სმ კედელი 50 სმ აგურის კედელს უტოლდება.
💲 ამ ტექნოლოგიით დამზადებული სახლი საკმაოდ იაფია და სწრაფად იგება, ხის სახლების აგების კიდევ ერთი სახეობაა - კარკასულ-პროფილირებული ძელის სახლები. აქაც იკვრება ხის კარკასი, რასაც გარედან ეკვრება ხის ძელები. ძელებს შუა ათავსებენ თბოიზოლაციას ❄️🔥
🏠 🫁 გავრცელებული აზრით, ხის (კარკასული) სახლი სუნთქავს და მასში ნარჩუნდება ტენიანობის ბალანსი. სინამდვილეში ე.წ. „სუნთქვა“ შემოიფარგლება იმით, რომ ხის მერქნის უჯრედები სეზონურად გარკვეული რაოდენობით ტენს შთანთქავენ ან გასცემენ. ამით იცვლება მხოლოდ ხის ნაკეთობის ზომები. თუ დავამატებთ იმას, რომ სენდვიჩ-კედლები ქმნიან ე.წ. თერმოსის ეფექტს, ასეთ შენობაში დამატებითი ვენტილაციის გარეშე ცხოვრება შეუძლებელია. ვენტილაციის გარეშე კედლებში განვითარდება ლპობის პროცესები, გაჩნდება სოკო და თაგვი.
ასეთი გამონათქვამიც არსებობს: თუ თქვენი სახლი კარკასულია, დაეთანხმეთ იმას, რომ კედლებში ვიღაცა ცხოვრობს. 🐁 🐁 🐁