CULT Cymru

yn sicrhau cyllid i barhau i arloesi yn y diwydiannau creadigol

Cyhoeddi buddsoddiad parhaus i gefnogi gweithwyr a chyflogwyr ledled .

Mae ein partneriaeth rhwng undebau llafur y diwydiannau creadigol dan arweiniad Bectu mewn partneriaeth ag Equity UK, y Cerddorion ac Urdd yr , yn falch o gyhoeddi cefnogaeth barhaus gan Lywodraeth Cymru ar gyfer 2026-2027.

Bydd y gefnogaeth hon yn galluogi cam nesaf gwaith arloesol i ymgorffori arferion gwaith meddyliol iach a diogel yn sectorau teledu, ffilm, digwyddiadau byw a chelfyddydau Cymru, gan sicrhau bod pob person yn teimlo eu bod yn cael eu gwerthfawrogi, eu cefnogi a’u clywed.

Mae’r cyhoeddiad yn dilyn pedair blynedd o waith undebol yn mynd i’r afael â’r pwysau sy’n effeithio ar weithwyr creadigol. Yn llawer rhy aml, mae disgwyl i weithwyr llawrydd a staff wynebu oriau hir, ansicrwydd, bwlio, gwahaniaethu a phwysau diddiwedd wrth weithio yn y diwydiannau creadigol.

Gan weithio mewn partneriaeth ag arbenigwyr lles 6ft From The Spotlight, cyflogwyr a chyrff diwydiant, rydym wedi bwrw ati i newid hynny. Mae’r dystiolaeth yn dangos ei fod yn gweithio.

---

Ym mis Mawrth 2026, ynghyd ag undebau, cyflogwyr, darlledwyr, cynrychiolwyr y gweithlu a phartneriaid diwydiant roedd ein tîm wedi mynychu cynhadledd Newid y Diwydiannau Creadigol.

Dathlodd y gynhadled gynnydd y sector, ac atgyfnerthu’r consensws cynyddol yn y diwydiant bod gweithleoedd meddyliol iach yn dibynnu ar amodau gwaith teg, arweinyddiaeth atebol a gweithwyr sydd yn cael eu clywed.

Un thema amlwg yn y trafodaethau oedd yr angen am newid diwylliannol hirdymor yn y diwydiannau creadigol; a sicrhau bod diogelwch, urddas a chynhwysiant yn cael eu trin fel rhannau hanfodol o ymarfer cynhyrchu yn hytrach nag opsiynau dewisol.