Walk With RAMA

වසර 15 කට වැඩි වෘත්තීය ජීවිතය තුළ මා ලැබූ අත්දැකීම් අප්‍රමාණයි.ලෝකයේ සුන්දරම නගරවල මං මාවත්වල,වෙරළේ ඇවිද යාමට මා වාසනාවන්ත වුණා.එමෙන්ම මා වඩාත්ම ආදරය කරන ජල ක්‍රීඩාවන්හි නිපුණත්වයට පත් වෙමින් වෘත්තීමය වශයෙන් ජල ක්‍රීඩාව හැදෑරීමට හැකියාව ලැබුණා.ලොව පුරා පවතින කුතුහලය දනවන මිල කළ නොහැකි විවිධ ජල ක්‍රීඩා ඉසව්වන්හි වික්‍රාමාන්විත අත්දැකීම් සම්භාරයක් මා සතුයි.උසස් තාක්ෂණය උපයෝගී කරගනිමින් විවිධ වර්ගයේ ජල ක්‍රීඩාවන් සඳහා සහභාගී වීමට තරම් මා වරප්‍රසාදිත වුණා.
මගේ රටේ සුන්දරත්වය මා මෙතෙක් ගොස් ඇති ලෝකයේ කිසිම රටකට දෙවැනි වන්නේ නැහැ.රට වටා ඇති නිල්වන් මුහුදු තීරය මගේ රටේ වටිනාම සම්පත බව ඔබ දන්නවා.ජලයෙන් වට වී සිටින ජාතියක් ලෙස අපට කළ හැකි දේ බොහෝමයි.අපේ මුහුද වසර පුරා ඕනෑම කාලයක ඕනෑම මුහුදු ක්‍රීඩාවක් සඳහා සුදුසු වීම අප ලද ආශිර්වාදයක්.
මගේ රටේ සුන්දර මුහුදේ ද එවැනි වික්‍රමාන්විත පෙළහර සිදුවනු දැකීම මා නිරතුරු දකින සිහිනයක්.ඒ වෙනුවෙන් මා දන්නා දේ මගේ මිනිසුන්ට ඉගැන්වීමට ඕනෑම මොහොතක මා සූදානම්.මා යන මාවතේ තවත් එක් අයෙකු හෝ පැමිණෙනු දැකීම තරම් සතුටක් තවත් තිබිය නොහැකි බව මගේ හැඟීමයි.එන්න යන්න, මං ඔබට පාර කියන්නම්.