Awramba Times

"ስሕተት እናምለኽካ ኣይንበርን"
ፖለቲከኛ ማሓሪ ዮሃንስ

ኣውራምባ ታይምስ [መቐለ] - ኣብዝሕዚ እዋን ኣብ ሰሜን ኣሜሪካ ኣብ ትምህርቲን ምርምርን ዝርከብ ፖለቲከኛ ማሓሪ ዮሃንስ፣ ቅድሚ ክልተ ዓመት ከምዛ ሎማዓንቲ ምስ ብራኸ ሸው ኣብዝገበሮ ፃንሒት እዚ ሪኢቶ'ዙይ ሂቡ ነይሩ።

እቲ "ናብ ሱዳን ምኻድ" ዝብል ሓሳብ ደብረፅዮን ኣይተቓወሞን ነይሩ ክብሉ ሌ/ጀነራል ፃድቃን ገሊፆም
--------

ኣውራምባ ታይምስ [መቐለ] - ብ2013 ዓ.ም ናብሱዳን ንኽስደድ ብሌ/ጀነራል ፃድቃን ገብረተንሳይ ዝተዋደደ ናይ ዕልዋ መንግስቲ ፈተነ ኣብልዕለይ ተፈፂሙ ነይሩ ብዝብል ዶ/ር ደብረፅዮን ገብረሚካኤል ቅድሚ ሓደ ዓመት ንዘቕረቡዎ ክሲ፣ ሌ/ጀነራል ፃድቃን ገብረተንሳይ መልሲ ሂቦም።

ሎሚ ኣጋምሸት ምስ ኮርነር ፕሬስ ፃንሒት ዝገበሩ ሌ/ጄነራል ፃድቃን፣ ኣብዚ ዛዕባ እዙይ ንዝቐረበሎም ሕቶ እንትምልሱ፣ "ኣብቲ እዋን ኣብ ብዙሕ ቦታ ናተኸበብና ፈንፂሕና ንወፅእ ኔርና" ብምባል ንቲ ዝነበረ ተደጋጋሚ ፈተና ድሕሪ ምዝርዛር፣ "ኩልና መስዋእትነት ካብንኸፍል እንተነኣሰ ዶ/ር ደብረፅዮን ናብ ሱዳን ከይዱ ናይ ዲፕሎማሲን ናይ ፖለቲካን ስራሕቲ እናሰርሐ ንቲ ቃልሲ ንኽመርሖ ሓሳብ ኣቕሪብናሉ ኔርና" ክብሉ ኣብራሪሆም።

ኣብቲ እዋን ዶ/ር ደብረፅዮን ንቲ ሓሳብ ከምዘይተቓወሙዎ ዘብራህርሁ ጄ/ል ፃድቃን "ኣብቲ ናይ ተምቤን ኣኼባና ይወሰን" ዝብል መልሲ ካብምሃብ ወፃኢ አብቲ እዋን እዙይ ዝበሃል ተቓውሞ ከምዘየቕረቡ መልሲ ሂቦም!